မိုးမခက ခရီးသွားဆောင်းပါး ၂ ခုကို ပြန်လည်ဝေမျှခြင်း ဖြစ်ပါတယ်။
လိုင်ဇာ အ၀င်
လင်းခိုင်
ဧပြီ ၁၇၊ ၂၀၁၀ 
တရုတ်မြန်မာ နယ်စပ် လိုင်ဇာမြို့ရှိ စစ်ဆေးရေးဂိတ် မြင်ကွင်း။ ကချင်လက်နက်ကိုင်အဖွဲ့ နှင့် မြန်မာ့တပ်မတော်တို့ အပစ်အခတ် ရပ်စဲခဲ့သည့် ၁၉၉၄ ခုနှစ် မတိုင်မီက လိုင်ဇာသည် ရွာလေး တရွာသာ ဖြစ်သည်။ (ဓာတ်ပုံများ - လင်းခိုင်)
ကချင်သူပုန်အဖွဲ့၏ ဌာနချုပ် တည်ရှိရာ ‘လိုင်ဇာ’မြို့ကို မြစ်ကြီးနားက တဆင့် သွားရသည်။ ထိုနေ့က မြစ်ကြီးနားကို ရောက်တော့ နေ့ ၁၂ နာရီ ထိုးပြီ။ ကားနဲ့ ခရီး ဆက်ထွက်မည်။ ဒီတော့ ထမင်းက စားကို စားရမည် ဖြစ်၏။ ဒါနဲ့ ကချင်ထမင်းဆိုင်ဝင်၊ ကြက်သား ကချင်ချက် ခပ်စပ်စပ်ကို ရှူးရှဲ မည်အောင် စားရင်း ဖက်နှင့် ထုပ်ထားသော စီးထွေး မွှေးပျံ့သော ထမင်းက ဗိုက်ထဲ ဘယ်လို ၀င်သွားမှန်း မသိ။ အစပ် ကြောက်လှသော ကိုယ့်ကိုယ်ကိုယ် စိတ်ပျက်စွာနှင့် ဂရိတ်ဖရု ဖျော်ရည်ကို မော့ချမိပြန်တော့ ပါးကြောတွေ တင်းသည် အထိ ချဉ်တော်မူ၏။ မြို့ခံ မိတ်ဆွေများ ကျေနပ်အောင် ဟန်ဆောင်နေရသည်ကလည်း တယ် မလွယ်လှ။
တော်သေးပြီ၊ ကား စထွက်ပြီလေ။ နေ့လယ် တနာရီ ထိုးပြီ။ မြို့အထွက်မှာ ဓာတ်ဆီထည့်တော့ ၀ါကျင်ကျင် တရုတ် ဓာတ်ဆီပဲ ရသည် တဲ့။ ဈေးကြီးသော်လည်း မြင်နေကျ မြန်မာပြည် ဓာတ်ဆီထက် ပါဝါ ပိုပြင်း ဆိုပဲ။ ငါးထောင့် ငါးရာ တဲ့ တဂါလံကို။ ခွက်ချင်ကလည်း ပြည့်မည် မထင်။ ဒီလိုနဲ့ နာမည်ကျော် ဗလမင်းထင် တံတားကို ဖြတ်ပြီ။ တံတားဖြတ်တော့ မဆီမဆိုင် ဓာတ်ရှင် မင်းသမီး ခိုင်သင်းကြည်ကို သတိရသည်။ သူက ဒီတံတား ဆောက်တုန်းက ရိုက်သည့် ပေါ်လစီ ကားထဲမှာ မပွတ်ကျွတ်လို့ ယောင်ရင်း နာမည် ကြီးလာသူ ဖြစ်သည်။
လမ်းတွင် တွေ့ရသည့် ဓာတ်ဆီဆိုင် တဆိုင် မြစ်ကြီးနား-လိုင်ဇာလမ်း က နှစ်ပိုင်း။ ၀ိုင်းမော်အထိက ဗမာလမ်း၊ မညီမညာ ချိုင့်ခွက် များစွာ။ အဲ… ၀ိုင်းမော်က ထွက်ကတည်းက တရုတ်လမ်း ဖြစ်သွားပြီ။ လမ်းပုခုံးများက သပ်ရပ်စွာ။ သို့သော် ကျောက်ခင်းပြီး ကတ္တရာ တင်မယ် လုပ်တော့ ဒီဒေသမှာ တန်ခိုး အထွားဆုံး ဖြစ်သော စစ်တိုင်းမှူးက ခွင့်မပြုပါ တဲ့။ သစ်ထုတ်တဲ့ အပေးအယူက မတည့်ဘူး ဆိုပဲ။ တိုင်းမှူး၏ ပညာပြမှုကို မည်သို့ နားလည်ရမည် မသိ။ ဒီလိုနှင့်ပင် ကျောက်လမ်း ကြမ်းကြမ်းပေါ်မှာ ကားက ပြေးနေရတော့သည်။ ကားဆရာက တာယာတွေ သိပ်နာတာပဲဗျာ လို့ ညည်းရှာ၏။
လမ်းက မြို့ဆက် ရွာဆက် ဝေးသည်။ သစ်ပင်ကြီး သိပ်မရှိ၊ ၀ါးရုံတွေကတော့ ကြီးသား။ သစ်ထုတ်လုပ်ငန်းက စိနတိုင်းနဲ့ နီးရာက စပုံ ပေါ်၏။ ကြက်ဆူပင်တွေကတော့ ပေါပါပေ့။ အလေ့ကျဆိုပဲ။ သန်စွမ်းလိုက်သည်မှ။ မြန်မာပြည် အနယ်နယ် အရပ်ရပ်မှာ မင်း အမိန့်ကြောင့် ဂရုတစိုက် ခြင်းခတ်ပြီး ပျိုးခဲ့ရတဲ့ ယတြာ ကြက်ဆူတွေနဲ့ မယှဉ်သာအောင် သန်စွမ်းတာ တွေ့ရတော့ ပြုံးစိစိ ဖြစ်ရပြန်။ တခြား စိုက်ပင် ပျိုးပင်အနေနဲ့ လိမ္မော် အတွေ့များသား။ စပါးလည်း စိုက်ကြသည်၊ သို့သော် ၀ိုင်းမော် ကျော်လာတော့ စပါးပင် သိပ်မတွေ့ပြန်။ တံတားတွေ ကြည့်ပြန်တော့ တယ်ပြီး ကြံ့ခိုင်မှု မရှိ။ သံငုတ်တွေ ထွက်နေတာက ကြောက်စရာ။ ပျဉ်ပြားတွေက ထိုးထိုး ထောင်ထောင်၊ တာယာတွေကို ထိုးခွဲသွားမှဖြင့်။ ဖြတ်သွား ဖြတ်လာကား အတော် နည်းတာကို သတိထားမိလာတော့ ကားဆရာကို မေးကြည့်မိသည်။ နားမသက်သာချေ။ ခရီးသည်တင်ကားမှ အပ ကုန်ကားကြီးများ ခွင့်မပြု တဲ့။ ဘယ်သူကလဲ လို့ မေးစရာ မလို။ အလိုလို နားလည်၏။ ကုန်စည် စီးဆင်းမှု ရပ်သွားရင် လိုင်ဇာကို ချုပ်ကိုင်ထားသော KIA ခေါ် ငြိမ်းချမ်းရေးယူထားသည့် ကချင်သူပုန်တို့ အခွန်အတုပ် မရနိုင်အောင် တဲ့။ ကလေးတွေလို ပါပဲလား။ နင်က ဒါမလိုက်လျောရင် ငါက ဟိုဟာ မလိုက်လျောဘူးပေါ့။ ကျလဲ ကျပါ့။ အခြေအနေက အဲသလို။
KIA ကို နယ်ခြားစောင့်တပ်အဖြစ် အသွင်ပြောင်းဖို့ ထပ်ကာ ထပ်ကာ အချိန် တိုးပေးရင်း ပြောနေတာ ဘယ်နှစ်ကြိမ် ရှိပြီလဲ မသိ၊ ဟိုဘက်နှစ် အောက်တိုဘာလောက်က စသည် ထင်သည်၊ အခု ၂၀၁၀ ဧပြီ ရောက်နေပြီ၊ တိုးတက်မှု မမြင်သေးပေ။ ကိုးကန့်ဒေသတွင်တော့ စစ်ပွဲများ ဖြစ်ပြီးမှ နယ်ခြားစောင့်တပ်အရေး အဆင်ပြေသွားသည်။ ကချင်ဒေသတွင် ဤအရေးက မည်သို့ လာမည်နည်း။
တံတားထိပ်မှ စစ်ဆေးရေးဂိတ်တခု ဗန်းမော်လမ်းခွဲ ကျော်လာတော့ လမ်းက မသိမသာ မြင့်လာ၏။ ပြောရင်းနဲ့ ကျန်ခဲ့တော့မလို့။ အစစ်အဆေး အမေး အမြန်းက ရှိသည်။ တံတားမှန်သမျှ အစိမ်းရောင်ပေမယ့် သစ်ပင်မဟုတ် သူများက စောင့်ကြပ်ထားသည်။ တံတား တချို့မှာဆို ဘာလုပ်ဖို့မှန်း မသိ၊ သဲအိတ် ဘန်ကာတွေနဲ့ လုံလုံခြုံခြုံ။
“တံတားတွေ ချိုးမှာ စိုးလို့ဗျ။ KIA က အတွင်းလမ်း ရှိတော့ တံတားကျိုးလည်း အရေးမကြီးဘူးလေ။ သူတို့က ဒီလမ်းပဲ ရှိတာ” ဟု ကားဆရာက ရှင်းပြသည်။
ဟုတ် မဟုတ်တော့ မသိ၊ ပြောတဲ့သူက ခုပဲ စစ်ပွဲက ဖြစ်တော့ မယောင်။ ကိုယ်က သာမန်အားဖြင့် အကြောက် အလန့် နည်းသူ။ ဒီတော့ ပြုံးရင်းက “ဟုတ်ပါ့မလား ကိုယ့်လူရာ၊ KIA ဆိုတာ လူအင်အားက ဘယ်လောက် ရှိတာကျလို့။ နင်လားငါလား ဆိုရင် ဘယ်လောက် တောင့်ခံနိုင်မှာမို့လဲ”
ဒီတခါ ဖြေတဲ့ သူ့အဖြေကိုတော့ နည်းနည်း လန့်သွားမိ၏။ လူသူဝေးရာ တောတွေ တောင်တွေမှာ ဖြစ်ဖို့ မရှိ၊ မြို့တွင်းတိုက်ပွဲများသာ ဖြစ်နိုင်မည်တဲ့ လေ။ ကြားဖူးနားဝ ရှိသော ပြောက်ကြားစစ်ပွဲ ဆိုလား။ ဖြိုခွဲရ ခက်လှသည့် တာလီဘန်တွေလိုလားဟု တောင်တောင်အီအီ တွေးမိသည်။ ဒါဆိုရင် ဆိုသော အတွေးနဲ့ ကားဆရာလေးကို အသေအချာ ကြည့်မိပါ၏။ အသက်က ၃၀ မရှိတရှိ။ တောက်ပ ၀င်းလက်သော မျက်ဝန်းများနှင့် ကိုယ့်ကို ပြန်ကြည့်နေသည်။ ပြုံးနေသည့် နှုတ်ခမ်းများ ကြားမှ ကွမ်းစားမထားသော သွားဖြူဖြူများ။ သူက ဆေးလိပ်လည်း မသောက်ပါ တဲ့။ သူ့လို ပညာတတ် ကချင် လူငယ်လူရွယ်များ ဘယ်လောက်များ ရှိမလဲ။ လက်နက်ငယ် သင်တန်းလည်း တက်ဖူးပြီးသားလေ။ ယုံကြည်မှု အပြည့်နဲ့ ကိုယ့်ပြည်နယ်ကို ကိုယ်ကာကွယ်ဖို့ ဘယ်အထိ ဆင်းရမလဲ တဲ့။ မဖြစ်သင့်ပါ။ ကိုယ်တို့က ပြည်ထောင်စုသားတွေလေ။ အချင်းချင်း တိုက်ဖို့မှ မဟုတ်တာ။ ဘာတွေလဲ။
စကားလမ်းကြောင်း ပြောင်းဖို့ မကြိုးစားမိခင်မှာပင် နံပါတ် မပါသော မော်တော်ဆိုင်ကယ် အသစ် ၁၀ စီး ခန့် မျက်နှာခြင်းဆိုင်မှ ခပ်ကြမ်းကြမ်း မောင်းသွားကြလေသည်။ ကားဆရာလေးက စကားစသည်။ “ဒါတွေလည်း ကချင် လူငယ်တွေပဲလေ။ သူတို့ ဘ၀ကတော့ တမျိုးဗျ”
လမ်းတွင် တွေ့ရသည့် ကချင်ဒေသခံတို့၏ နေအိမ်တလုံး ဆင်းရဲသည်၊ သို့သော် ဆိုင်ကယ် အသစ် တစီးကို ၂ သိန်း လောက်သာ ပေးရသည့် ယခုအခါ ဆင်းရဲသူတို့က ဒီလုပ်ငန်းကို ထွက်ပေါက် အဖြစ် ယူမှတ်လာကြသည်။ ပထမ လူစုသည်၊ ပြီးတော့ ငွေစု (သို့) အရင်းအနှီး ထုတ်ပေးသူရှာသည်။ လိုင်ဇာမှ တဆင့် တရုတ်ပြည်ထဲ ၀င်သည်။ ဆိုင်ကယ် ၀ယ်သည်။ ဒီဖက်ကို ပြန်မောင်းဝင်သည်။ ဈေးရသော ဗန်းမော်ဘက်ကို အထွက်များသည်။ လမ်းကြမ်းပေါ်မှာ မောင်းရတာ အလွန် ပင်ပမ်းပါသည်။ ရင်ဘတ် အလွန် အောင့်ပါသည်။ ညခရီးများလည်း ပါသေးသည်။ ဒီတော့ ခံနိုင်ရည် ရှိရန် အကြောင်းပြချက်ဖြင့် စိတ်ကြွဆေး၊ မူးယစ်ဆေးများ မှီဝဲ ကြပါ၏။ ရောင်းသူတွေကလည်း ဒီအကွက်ကိုပဲ ချောင်းနေကြတာလေ။ ကဲ… ဘိန်းစားတွေ ဖြစ်ကုန်ကြရော။ လူငယ်တွေ။
ဟုတ်ပါသည်။ ကိုယ်တို့ မီလာသည့် ရှေ့က ဟိုင်းလက်ကား နောက်ခန်းမှာ ပိုးလိုးပက်လက်လန်ရင်း အိပ်ရင်း လိုက်ပါလာကြသော အသက် အစိတ် မပြည့် သေးသည့် ကချင်လူငယ်လေးများ။ ဆယ်ယောက် လောက်တော့ ရှိမည်။ တရုတ်ပြည်ကို တက်ပြီး ဆိုင်ကယ်ဝယ် ပြန်ဆင်းမည့် လူငယ်များတည်း။ ဒါမျိုး တနေ့တနေ့ ရာနှင့် ချီသည် တဲ့။ ကိုယ့်ရင်ထဲမှာ နုံးသွားရပြီ။
တိုက်ရင်း ခိုက်ရင်း သေရ ပြတ်ရမည့် လူငယ်များ။ မူးယစ်ဆေးဝါး စွဲ၊ ဘိန်းစားဘ၀နှင့် ဘ၀တုံးမည့် လူငယ်များ။ ဒါတောင် ကျောက်စိမ်းတွင်း မှော်ထဲက အကြောင်း၊ ကျောက်သမားတို့၏ လောဘနှင့် မူးယစ်ဆေးဝါး ကြားက ဘ၀ကြမ်းကြမ်းများ အကြောင်း မပါလာသေး။ သူတို့က ကချင်လူငယ်များလေ။ ကိုယ်တို့ တိုင်းရင်းသား ညီနောင်များ။ သွေးရင်းသားရင်းများပါတည်း။
လိုင်ဇာအနီး ကျေးလက်ရှုခင်းတခု ကားပေါ်မှ အပြင်ရှုခင်းကို စိုက်ငေးရင်း တွေးနေမိသော ကိုယ့်ကို ခရီးသွားဖော်တဦးက သတိပေးသည်၊ နေညိုနေပြီမို့ အသိ ရွာတရွာမှာ ၀င်အိပ်ဖို့။ နာရီ ကြည့်လိုက်တော့ ဟုတ်ပါသည်၊ မှောင်ရင် လိုင်ဇာ ထိပ်နားက ဆည်ဝစောင့်တဲ့ ဗျိုင်းတွေကို အရှင်းရ ခက်ပေမည်။ (ဒီဗျိုင်းတွေ က သံလွင်စိမ်းရောင် တွေနော်) လိုင်ဇာလမ်း တလျှောက် အပေါ်က စီးပြီး လမ်းကို မြင်သာတဲ့ တောင်ကုန်း တွေ့ပြီ ဆိုရင် သေချာတယ် သူတို့ပဲ။ ထုံးဖြူ အနားသပ် သုတ်ထားသော အုတ်လှေခါးထစ်လေးများ၊ သပ်ရပ်သော ခြံစည်းရိုးလေး နဲ့ ခိုင်ခိုင်ခံ့ခံ့။ သေသပ်လှပမှုကိုတော့ အတော်နှစ်သက်သော၊ ကိုယ်တို့ချစ်ခဲ့ဘူးသော ဟိုတုန်းက ကိုယ်တို့ တပ်မတော် ပေါ့။ သူတို့စခန်းပေါ့။ ကင်းပုံးများလည်း ၀ပ်လို့ဆိုဘဲ။ ကိုယ်တော့ မမြင်ပေါင်။
လိုင်ဇာ မရောက်ခင် ဆယ်မိုင်ကျေုာ် အလိုက တည်းမဲ့ ရွာရောက် တော့ နေလုံးပျောက်စ ပြုပြီ။ အဟဲ.. အတော်အေးတာ မို့ရေကတော့ လုံးဝ မချိုးနိုင်။ တည်းမည့် ရွာတွင် စားရန်အသင့် အိပ်ရန်အသင့် အားလုံး ရယ်ဒီ။ ရန်ကုန်မှ လာသည့် ကိုယ်ကတော့ ဤဒေသတွင် တရုတ်ဖုန်းများ အသုံးတည့်ပုံကိုသာ ငေးကြည့်နေမိတော့သည်။ ။
(ဆက်ပါဦးမည်)
ကချင် တရုတ် နယ်စပ်က KIA ထိန်းချုပ်နယ်မြေ လိုင်ဇာ
ဧပြီ ၁၉၊ ၂၀၁၀ 
လိုင်ဇာမြို့လယ် တနေရာ။ (ဓာတ်ပုံများ - လင်းခိုင်) လိုင်ဇာ မရောက်ခင် လမ်းပေါ်က ရွာတရွာမှ ခရီးတထောက်နားတယ်။ အဲဒီတုန်းက ဆောင်းမကုန်သေး။ ဧည့်ခန်း အလယ် မီးဖိုဘေးမှာ နေရာချပေးတယ်။ ရွာလူကြီးနဲ့ ရွာသူ ရွာသားတွေရဲ့ ဧည့်ဝတ်ကျေမှု၊ သဘောကောင်းမှုက အံ့မခန်း။ သူတို့ သဘောကောင်းတဲ့ အထဲမှာ ဧည့်သည်ကို ပေးအိပ်ဖို့ အစီအစဉ်တော့ ပါပုံမပေါ်။ ဟိုဘက်ညက မက်ထားသော အိပ်မက်မှန်နေပြီလို့ ဖြတ်ခနဲ သိလိုက်၏။ ခေါင်းကို ဆင်နင်းတယ်လို့လေ၊ အိပ်မက်က။
ဧည့်သည်လာရင် စကားနဲ့ ဧည့်ခံလေ့ရှိတာ ဒါ ကချင်ကျေးရွာတို့ ဓလေ့။ လာကြပြီ၊ ၂၀ ထက် မနည်းသော ရွာသူရွာသားများ အသုတ်လိုက် အသုတ်လိုက်။ ရွာကြီးရင် ကြီးသလို၊ လူရည်လည်သူ၊ မလည်သူ၊ စာတတ်သူ၊ စာ မတတ်သူ၊ လူပေါင်းစုံတည်း။ သူတို့ မေးသမျှ ဖြေစမ်း၊ လူမှုရေး အစ စီးပွားရေး အလယ် နိုင်ငံရေး အဆုံး။ ဘာသာရေးလည်း မကျန်ခဲ့။ ကချင်သံ တ၀ဲဝဲနဲ့ လာလိုက်တဲ့ မေးခွန်းတွေ။ စကား မပေါက်သူတွေကလည်း စကားပြန်က တဆင့် မေးသည်ပင်။
တလေးတစား နားထောင်နေတဲ့ အားလုံးရဲ့ မျက်နှာတွေကို ကြည့်ရင်း နည်းနည်းမှ မဖြီးဝံ့။ သတြိ ကီးကြီးနဲ့ ဖြေရ၊ ဆွေးနွေးရနဲ့ ကိုယ့်မှာ ဟောဟဲ လိုက်လာသည်။ ရေနွေးကြမ်းကို တငုံချင်း သောက်ရ၏။ အိမ်သာသွားချင်မှာလည်း ကြောက်တာကိုး။ သောက်ရတာကလည်း အလိုလေး တ ရအောင် အေးလို့မို့ဗျို့။
သူတို့ တော်တော် ပြန်ပြီး ဆွေးနွေးနိုင်တာ မြင်ရတော့ အတိုင်အဖောက် ညီလာပြီး မျက်လုံးတွေပါ ကျယ်လာတော့သည်။ နံနက် ၃ နာရီ ထိုးလောက် ကျတော့ ခရီးသွားဖော်က မနေနိုင်၊ မျက်လုံး ပွတ်ရင်း အိပ်ခန်းထဲက ထွက်လာပြီး ကိုယ့်ခရီး မနီးကြောင်း၊ လိုင်ဇာမှာ ချိန်းထားတာတွေ ရှိသည်မို့ နံနက် စောစော ထွက်ရမည် ဖြစ်ကြောင်း စသဖြင့် နတ်သံ နှောတော့သည်။ ဒီတော့မှပဲ စကား ကောင်းနေသူတွေ ခပ်လေးလေး ထလို့ ပြန်ဖို့ ပြင်ကြ၏။ ကြည့်ဦး၊ ကလေးတွေလည်း ပါသေး။ အိပ်ပျော်နေကြတာမို့ ချီရပိုးရနှင့်။
အိပ်ယာထဲ ရောက်တော့ ၄နာရီ။ တယ်လီဖုန်းဖြင့် နာရီနိုးစက် ပေးလိုက်သည်။ ဂွမ်းကပ် ထူထူ အောက်မှာပင် အေးနေသေးသော ကချင်ဆောင်းကို အံတုရင်း အိပ်လို့မှ ကောင်းကောင်း မပျော်လိုက်မီ တယ်လီဖုန်းက ထူးအိမ်သင် သီချင်းဖြင့် ကိုယ့်ကို နှိုးလေပြီ။
လမ်းမှာ တွေ့ရတဲ့ ခရီးသည်တင် ကားတစီး။ တရုတ်ဆိုင်ကယ်များကို ကယ်ရီလုပ်သည့် လူငယ်လေးများက ခရီးသည်များကြားတွင် အိပ်ပြီး လိုက်ပါသွားသည်။
ကား စထွက်တော့ နေမမြင်ရသေး။ မြူထူလွှမ်းသော လမ်းတလျှောက် လမ်းဘေး ၀ဲယာမှာ အိမ်ကလေးများ ဟိုတချို့ ဒီတချို့ ခပ်ဝါးဝါး မြင်ရသည်။ နောက်တော့ တောင်ကုန်းတွေ များလာ၏။ ကားက အမြင့်ပိုင်းကို တက်နေပြီ။ နေထွက်လာတော့ မြူတွေ ကွဲပြီး ရှုခင်းကို ရှင်းလင်းစွာ မြင်ရပြီ ဖြစ်၏။
ရာဘာစိုက်ခင်းတွေ အများအပြား။ တောင်ကတုံးကို သျှောင်ထုံးဖို့ ခုမှ စိတ်ကူးပေါ်ပုံ ရ၏။ အပင်တွေက ငယ်ငယ် တနှစ်သားမိုင်ကုန် ထင်ရသည်။ ပုဂ္ဂလိက စိုက်ခင်းတွေလေ။ ကုမ္ပဏီ နာမည်တွေကို ဖတ်ရင်း လိုက်လာမိ၏။
နေစမ်းပါဦး၊ ရာဘာ ဆိုတာ ပူအိုက် စွတ်စိုတဲ့ ရာသီဥတုကို နှစ်သက်တာ မို့လား။ ကချင်ပြည်နယ်က သမပိုင်းဇုံ၊ မိုးလည်း အရမ်း မများ။ ဟုတ်ပါ့မလား ကိုယ့်လူရာ ဆိုတဲ့ စကားကို ပြန်ဖြေသည့် ကားဆရာရဲ့ လေသံကို နားထောင်ဦး။ “ကျောက်ကုမ္ပဏီတွေ ဗျ၊ အစိုးရ စိုက်ခိုင်းတာ စိုက်တာ။ ဒါမှ ကျောက်ကွက်က အဆင်ပြေတာလေ” ကဲ … ဆက်မမေးတတ်တော့၊ သြချရင်းသာ လိုက်လာခဲ့ရတော့သည်။ သူ့အရပ်နဲ့ သူဇာတ် ဟပ်လည်း ဟပ်ပါဘိ။
ကြည့်ရင်း ကြည့်ရင်းက ရေမြေက အသွင် ပြောင်းလာပြန်၏။ ငှက်ပျောခြံတွေ ဖြစ်လာပြန်သည်။ ပင်တိုင်းစေ့ ငှက်ပျောခိုင် ရှိသည်။ ငှက်ပျောခိုင်တိုင်းကိုလည်း ကြီးမားသော ပလတ်စတစ် အိတ်အပြာရောင်များဖြင့် လုံလုံ ခြုံခြုံ ထုပ်ထားသေးသည်။ တရုတ်ပြည်မှ ကုန်သည်တို့က မျိုး ပေးသည်။ ငှက်ပျောပင်ကို ကချင်တွေ ပိုင်သည့် မြေကြီးပေါ်တွင် ကချင်တွေက စိုက်ရသည်။ အသီးသီးတော့ လာယူသွား။ ဘယ်လိုပြောမလဲ။ မြေငှား၊ လုပ်အားငှား။ ကိုယ်ပိုင်တာ မြေပဲရှိသည်ပေါ့။
လိုင်ဇာမရောက်မီ လမ်းတွင် တွေ့ရသည့် ကလေးများ။
လမ်းက နည်းနည်း ပြေပြစ်လာသယောင်။ နောက်တော့ ပြောင်ချောနေသည့် ကတ္တရာလမ်းကြီး ဖြစ်သွားပြီ။ မအံ့သြနှင့် မိတ်ဆွေ။ KIA နယ်စပ် ရောက်ပြီ။ လိုင်ဇာမှ ကြိုဆိုသည့် ဆိုင်းဘုတ် ကားကားကြီး မရောက်မီ သူတို့ကို တွေ့ရပြန်ပြီ။ နည်းတဲ့ စခန်းကြီး မဟုတ်၊ ဒါပေမဲ့ စစ်ဆေး မေးမြန်းခြင်းတော့ မရှိ။ မျက်နှာတွေကတော့ ထန်ပေသည်။ လိုင်ဇာ ၀င်ပေါက်က စောင့်နေသည့် အစိမ်းရောင် ဗျိုင်းတပ်ကြီး။
ဘူးသီး ငါးပေါင်းကြော် စာလုံးများနဲ့ ရေးထားသော ဓာတ်ဆီဆိုင် အကြီးကြီးကို ကျော်လာတော့ မြို့ကွက်ကို စတွေ့ရပြီ။ လိုင်ဇာက သိပ် မကြီးပါ။ အဆောက်အအုံ ကောင်းတာတွေ ထည့်မစဉ်းစားရင် တကယ့် မြို့သေးသေးလေး။
သေနတ်ကို ပြောင်ပြောင် တင်းတင်း ထမ်းလျက် လမ်းလျှောက် သွားနေသော၊ မော်တော်ဆိုင်ကယ် စီးသူ နောက်မှာ ထိုင်နေသော၊ ယူနီဖေါင်းပါသော၊ မပါသော ကချင် လက်နက်ကိုင်များကို နေရာအနှံ့ မြင်ရချေပြီ။ အမြင်ဆန်းသည်ပေါ့။
လိုင်ဇာမြို့တွင်းမှာလည်း သူတို့ ရှိသည်။ သို့သော် ဘဏ်တိုက်တွေ၊ အရောင်းခန်းမကြီးတွေမှာတော့ အစောင့် အရှောက် မရှိ။ လွတ်လပ်စွာ ၀င်ထွက်နိုင်သည်။
လိုင်ဇာမြို့ အုပ်ချုပ်ရေးရုံး ဆိုင်းဘုတ်ကို ကချင်၊ မြန်မာ ဘာသာများအပြင် ဗူးသီးငါးပေါင်းကြော်နှင့် ဆင်တူသည့် တရုတ် ဘာသာဖြင့်လည်း ရေးထားသည်။ လိုင်ဇာဆိုသည့်မြို့က KIA ထိန်းချုပ်သည့်မြို့ ဖြစ်သောကြောင့် ရန်ကုန်မှ လာသူအတွက် ထူးခြားနေမည် ဖြစ်သည်။
အလုပ်ကိစ္စများ မဆောင်ရွက်မီ နံနက်ခင်းစာကို ခေါက်ဆွဲတခွက် စားရင်း အမြန် ဗိုက်ဖြည့်လိုက်သည်။ ရှမ်းပြည် မူဆယ်နယ်စပ်နှင့် မတူသည်က လိုင်ဇာသည် တရုတ်ပြည်နှင့် ဒီမျှ နီးသော်လည်း အစားသောက်၊ အ၀တ်အစား၊ ယဉ်ကျေးမှု စသည်တို့တွင် တရုတ် သိပ် မလွှမ်းမိုးလှ။ ကိုယ်ပိုင်ဟန် ကချင်ပုံစံ တော်တော် ကျန်နေသေးသည်က ချီးကျူးစရာ။ ကချင်လုံချည်ဝတ် မိန်းကလေးငယ်များ တော်တော် များများ တွေ့နေရပေသေးသည်။ ပြည်မ အတိုင်း လက်ဖက်ရည် ကျဆိမ့်၊ ချိုဆိမ့်တို့ကိုလည်း တထပ်တည်းတူအောင် ဖျော်နိုင်ကြလေသည်။
ကချင်ပြည်နယ်တွင် တရုတ်ဖုန်းကို အားကိုးနေကြရသည်။ မြစ်ကြီးနားဘက်တွင် တရုတ်ဖုန်း တလုံးကို ၃-သိန်းလောက်ရှိသည်။ လက်ကိုင်ဖုန်းပေါ့။ နေရာမရွေး ပြောလို့ရသည်။ ၀ယ်လို့လည်း လွယ်တယ်။ မြစ်ကြီးနားဘက်မှာ၊ လိုင်ဇာဖက်မှာ ဒါတွေအသုံးများသည်။ တရုတ်ဖုန်း သုံးသူ အချင်းချင်းဆက်ကြ ခေါ်ကြသည်။ ဈေးသက်သာသည်။ နိုင်ငံတကာမှာသုံးသလိုပဲ ကတ်ပြားဝယ်ထည့်။ ခေါ်ပေတော့ ကတ်ထဲကငွေ ကုန်သည် အထိ။ ကုန်ပြီလား၊ ထပ်ဝယ်။ တရားမ၀င်ဖုန်းမို့ တိုးတိုးသာပေမဲ့ နေရာတကာတွင် ရနိုင်သည်။ ဈေးလည်း မှန်ပါ့။ အပြိုင်အဆိုင် ရောင်းကြသကိုး။ အာဏာပိုင်တွေလည်း သုံးနေတော့ အဖမ်းအဆီး ရှိတယ်လို့ကို မကြားမိပါ။
သို့သော် ဗမာ လက်ကိုင်ဖုန်း၊ လိုင်းဖုန်း ခေါ် ကြိုးဖုန်း တို့ကို တရုတ်ဖုန်း နှင့် ခေါ်လျှင်တော့ ဈေးကြီးသည်။ Oversea call ဖြစ်သွားတာကိုး။ ဗမာဖုန်းနဲ့ဈေး နှုံးကလဲကွာတယ်လေ။ ဗမာလက်ကိုင်ဖုန်း က သိန်း ၂၀ ပတ်လည်၊ ကြိုးဖုန်းက သိန်း-၅၀ အထက်မှာ ရှိလေရဲ့။ တန်ဖိုးက အဲသလို။ ဘာကို ရောင်းစားနေမှန်းမသိ။
တရုတ်ဖုန်းကို စီးပွားရေးသမား၊ နယ်စပ်နှင့် အဆက်အစပ်ရှိသူ၊ ကားသမား၊ အစိုးရ၀န်ထမ်း အရာရှိ-စစ်ဗိုလ် စသည့် ပုဂ္ဂိုလ်တို့ ကိုင်ကြ သုံးကြသည်ကို တွေ့ရသည်။ ဗန်းမော်ဘက် အထိ လိုင်းမိပြီး သုံး၍ရသည် ဟူ၏။ အဲဒီလောက် connection ကောင်းသည်။ ဗမာဖုန်းတွေက အမြဲလိုလို "လူကြီးမင်း" နှင့် တိုးနေချိန်တွင် တရုတ်ဖုန်းကတော့ အေးဆေးပင်။ ခေါ်ချင်တိုင်းခေါ်။
ဤဂိတ်၏ ဟိုတဘက်တွင် တရုတ်နိုင်ငံကို တွေ့နိုင်သည်။ ဂိတ်တွင် KIA စစ်သားတို့ စောင့်ကြပ်နေသည်။ KIA ကို အပစ်ရပ်ထားသည့် သူပုန်အဖွဲ့ဟု ရေးလျှင် စာဖတ်သူတို့ ရှင်းခနဲ နားလည်မည်ထင်သည်။ အစိုးရကို ယခင်က ပုန်ကန်တော်လှန်ခဲ့သူဟု အဓိပ္ပာယ်ရသည်။ သို့သော် ကချင်လက်နက်ကိုင်အဖွဲ့ဟု ရေးလျှင် စာဖတ်သူတို့ ဒွိဟဖြစ်နိုင်ဖွယ်ရှိသည်။ လက်နက် ဆိုသည်မှာ တိုက်ခိုက်ရန်၊ ခုခံကာကွယ်ရန်၊ ဓားပြတိုက်ရန် စသည့် ရည်ရွယ်ချက်မျိုးစုံဖြင့် ကိုင်ကြသည် မဟုတ်လား။
အားလုံးပြီးလို့ အပြန်လမ်းမှာ KIA အလံလေး ထူထားသော ကွပ်ကဲရေးရုံးကို ဖြတ်ရတော့ ကားဆရာလေးက ပြုံးရင်း “ကျွန်တော် သတင်း ပို့ပြီးပါပြီ၊ အားလုံး အဆင်ပြေပါတယ်။ ကားနံပါတ်နဲ့ ယာဉ်မောင်း အမည်ကို မြစ်ကြီးနားက မထွက်ခင် ကတည်းက ပေးပြီးသားပါ” ဟု ဆိုသည်။ တော်တော် အလိုက်သိသည့် သူငယ်ပေပဲ။
ဒါပေမဲ့ သူမသိတာ တခု ရှိနေသေးသည်။ သတင်းသမား ညာဉ် အခုထိ မပျောက်သေးသော ကိုယ့်စရိုက်ကိုလေ။ မြင်သမျှ လက်မြန်မြန်နှင့် ဓာတ်ပုံ ရိုက်တတ်တုန်း။ မ၀င်ရ ဆိုသည်များကို ဘယ်သူမှ မတားနိုင်ခင် ဖြတ်ကနဲ ၀င်တတ်တုန်း။ တော်ရုံ မဟုတ်သော ခွကျကျ မေးခွန်းများကို အားမနာဘဲ ရဲရဲ မေးတတ်တုန်း။
ဟော … ကားက တရုတ်ပြည် ၀င်ပေါက် ရှေ့နား ရောက်ပြီ။ “ကားကို လိမ့်ရုံ မောင်းကွာ”။ ယာဉ်မောင်းက အရှိန် လျှော့သည်။ ဖြတ်ခနဲ ဓာတ်ပုံ အရိုက်တွင် ကားဆရာ ဟာခနဲ ဖြစ်သွားသည်။ နောက်တပုံ။ ပြီးတော့ နောက်ထပ် တပုံ။ အပေါက်ဝ ဒီဘက်က KIA အရာရှိ အတင်း ထွက်လာပြီ။ အချိုသာဆုံး ပြုံးပြလိုက်သောအခါ ကြောင်ပြီး ပြန်အပြုံး သူ့ကို တည့်တည့် နောက်တပုံ။
ကားဆရာ မျက်နှာမှာ သွေးမရှိတော့ပါ။ ကားကိုရပ်ဖို့ တားပြီလေ။ ဟုတ်ကဲ့ ရှင်းရပါပြီ။ ကျေးဇူးရှင်က ဗမာစကား ရသည်။ ယူနီဖောင်းနဲ့ ရပ်နေတာ အချိုးကျလွန်းလို့ မနေနိုင်လို့ ရိုက်မိတာပါလို့ ပြောလိုက်သည်။ သူ့ မျက်နှာက ခပ်တင်းတင်း။
အရှက်မရှိ ပြုံးပြုံးလေး ပြောထွက်နေသော ကိုယ့်ကို ဘာလုပ်ရမှန်း သိပုံ မပေါ်တော့။ သူ့ဓာတ်ပုံကိုလည်း ရစ်ပြီး ပြလိုက်သေး။ ကားဆရာကလည်း ဘာတွေမှန်း မသိ၊ ကချင်လို တတွတ်တွတ် ၀င်ပြောနေသည်။
ပျော့ပြောင်း လာသော သူ့မျက်ဝန်းများကို အကဲခတ်မိတော့ အပြုံးနဲ့ နုတ်ဆက်ကြည့်သည်။ သိပ် မရချင်။ ဓာတ်ပုံတွေ ဖျက်ပေးရမည် တဲ့။ သူ့ပုံလေးကို အလွန် နှမြော တသသည့် ပုံစံဖြင့် ဖျက်ပြတော့ စိတ်မကောင်း ဖြစ်သွားပုံရ၏။ စိတ်ပျက်လက်ပျက်နဲ့ ကင်မရာ သိမ်းနေသော ကိုယ့်ကို နောက်တခေါက် ရောက်ရင် တာဝန်ချိန် ပြင်ပမှာ ရိုက်ခွင့် ပြုပါ့မယ် ဟူသော စကားကို ညင်သာစွာ ပြောနေရှာသည်။ သူ့စကား ဆုံးသည်နှင့် ပါးနပ်သော ကားဆရာက လျင်မြန်စွာ မောင်းထွက်သည်။
လိုင်ဇာမှအပြန် လမ်းပေါ်မှာ ကားက အရှိန်နဲ့ ပြေးနေသလို ကိုယ်အတွေးတွေလည်း အပြေးပြေး အလွှားလွှား။
ကဲ … လိုင်ဇာ ဆိုတာ ဒါပါပဲ။ နောက်တခေါက် ထပ် ရောက်ဖြစ်ဦးမယ် ထင်ပါတယ်။ ။
Since
Kachin is located at the northern part of the Myanmar, the main river
called Ayeyarwaddy is rooted from two small rivers, the Maykha and
Malikha, in this state. One of the famous and interesting places for
Tourist is 
