ပူတာအိုက အဆင့်မြင့်တည်းခိုအိမ် - Malikah Lodge

Malikha Lodge လို့ခေါ်တဲ့ ဒီ မလိခစံ တည်းခိုအိမ်ငယ်ကတော့ ကချင်ပြည်နယ် မြောက်ဖျား ပူတာအို အနီးမှာ တည်ရှိပြီး သဘာဝအလှတွေ ခံစားနိုင်တဲ့ တည်းခိုအိမ်တွေပါ။ မရောက်ဖူးပေမယ့် အတော် စိတ်ကူးယဉ်ချင်စရာ ကောင်းတာမို့ သူ့ရဲ့ မူရင်း ၀က်ဘ်ဆိုက်နဲ့ တခြား ရီဗျူးတွေ ဖတ်ပြီး အနည်းငယ် ပြန်မျှဝေပါရစေ။

ဒီဟိုတယ်ကို ဒီဇိုင်းဆွဲတာကတော့ နာမည်ကျော် ဗိသုကာ ဒီဇိုင်းပညာရှင် Jean-Michel Gathy ဆွဲတာလို့ သိရပါတယ်။ ဒီပုဂ္ဂိုလ်ဟာ ဒေသတွင်းက ဟိုတယ်ကြီးတချို့ကို ဒီဇိုင်းဆွဲပေးခဲ့သူလည်း ဖြစ်ပါတယ်။ 
အိမ်လေးတွေ ကြည့်ရတာကတော့ ခြေတံတို သစ်သားအိမ်လေးတွေလို့  ထင်ပါတယ်။ သစ်သားအပြင် ၀ါးနဲ့ သက်ကယ်တွေလည်း အသုံးပြုထားပုံပါပဲ။ ပရိဘောကတွေကလည်း သဘာဝ သစ်ပင် ကြိမ်ပင်တို့နဲ့ လုပ်တဲ့ ပရိဘောဂတွေ တွေ့ရတယ်။ ဘေးနားက တောရိပ် တောင်ရိပ်နဲ့တော့ လိုက်ဖက်နေပါတယ်။ ရာသီဥတုအေးတဲ့အခါမှာလည်း လျပ်စစ်အပူထက် သဘာဝ မီးဖိုလေးတွေ လုပ်ပေးထား ပါတယ်။ ရေချိုးဖို့အတွက်လည်း သစ်သားနဲ့ လုပ်ထားတဲ့ Bathtub တွေကို ထည့်ပေး ထားတာ တွေ့ရပါတယ်။ ပုံကြည့်ရတာကတော့ တော်တော်လေး လန်းပါတယ်။ နောက်ပြီး ခပ်လှမ်းလှမ်းမှာတော့ ဟိမ၀န္တာ အရှေ့ဖျားက (ခါကာဘိုရာဇီလို့ ယူဆရတဲ့) ရေခဲတောင်တွေ လှမ်းမြင်နေရပါတယ်။ ဟိုတယ်မှာ အပမ်းဖြေတာအပြင် လမ်းလျောက်ခရီး၊ တောင်တက်ခရီး၊ စက်ဘီးခရီး၊ သဘာဝ ပတ်ဝန်းကျင် လေ့လာရေးခရီး၊ ဒေသခံတွေရဲ့ ရိုးရာ လေ့လာရေး ခရီး .... စသည်ဖြင့် လုပ်နိုင်မယ် ထင်ပါတယ်။

ဤခရီး မနီးပါ
ပူတာအိုနားမှာဆိုတော့ ခရီးကတော့ အတော်ဝေးဝေး သွားရပါလိမ့်မယ်။ ရန်ကုန်ကနေဆိုရင် လေယာဉ် သုံးဆင့် စီးရမှာပါ။ ရန်ကုန်ကနေ မန္တလေး၊ အဲဒီကနေ မြစ်ကြီးနား၊ မြစ်ကြီးနားကနေ ပူတာအို သုံးဆင့်ပါ။ စုစုပေါင်း လေယာဉ်စီး ကြာချိန်က ၅ နာရီလောက် ဖြစ်နိုင်ပါတယ်။ ဒါတောင် စောင့်ရတာတွေ မပါသေးဘူး။

ကုန်ကျစရိတ်ကတော့ လေယာဉ်ခရီးရယ်၊ နိုင်ငံတကာ အဆင့်မီ ဟိုတယ်ခရယ်ကြောင့် မသေးနိုင်ပါဘူး။ ၂၀၁၂ ဈေးနှုန်းကိုတော့ ဟိုတယ် ၀က်ဘ်ဆိုက်ကနေ ကူးပြီး ဖော်ပြလိုက်ပါတယ်။ အသေးစိတ်ကိုလည်း အဲဒီမှာ သွားပြီး စုံစမ်းနိုင်သလို သွားဖူးသူတွေရဲ့ မှတ်ချက် ကွန်မန့်တွေကို TripAdvisor မှာလည်း ဖတ်နိုင်ပါတယ်။

Malikha Lodge မလိခ စံအိမ် အပမ်းဖြေ ဟိုတယ် 

						Prices do not include any drinks from our special reserve list, private laundry, and beauty treatments.The following rates are valid until April 30th 2012 2 night                          USD 1500 Per person 3 night                          USD 1990 Per person 4 night                          USD 2450 per person 7 night                          USD 3600 per person Scheduled departures are every Tuesday and Friday from October to April inclusive Yangon Reservation Office     Kandawgyi Palace Hotel (Annexe), Kan Yeik Tha Road,     Mingalar Taung Nyunt Township, Myanmar.     Tel: (95-1) 399334~7     Fax: (95-1) 399338     Email:rsvmalikha@myanmar.com.mm     Malikha Lodge     Mulashidi Village, Putao Township,     Northern Kachin State, Myanmar.     Tel: 09 860 0659, 09 840 1065     Email:malikhalodge@gmail.com TripAdvisor Reviews

Read More

ပဲခူးဘုရားဖူး တစ်ရက်ခရီး - ရန်ကုန်ကနေ နေ့ချင်းပြန်

ပဲခူးမြို့က မြွေဘုရားနဲ့စိန်သာလျောင်း - ကိုပေါက် (မန္တလေး)

1 မြွေဘုရားက ဆရာတော်

မြွေဘုရားနဲ့စိန်သာလျောင်း

ကျနော်တို့နဲ့ ဆိုင်ကယ် ကယ်ရီသမားအပေးအယူတည့်တဲ့အခါ သူက မြွေဘုရားကိုအရင်သွားမယ်ပြောပါတယ်။

သူကရွှေမောဓောဘုရားအနောက်ဘက်လမ်းကနေ တောင်ဘက်ကိုသွားပါတယ်။

အတော်လေးသွားပြီးတော့  မြေလမ်းလေးတစ်ခုထဲကိုဆင်းသွားလိုက်ပါတယ်။

အဝေးမှာသစ်ပင်တွေအုပ်အုပ်ဆိုင်းဆိုင်းနဲ့ပါဘဲ။

တောင်ကုန်းကြီးတစ်ခုရဲ့နံဘေးကနေဖြတ်သွားရတာပါ။

အိမ်ဘုတ်စုလေးတွေဖြတ်ပြီးတော့ အထဲဝင်လိုက်တဲ့အခါမှာ ကြီးမားတဲ့ အုတ်တံတိုင်းကြီးကိုတွေ့ရပါတယ်။

ကျနော်တို့လို့ ဘုရားဖူးလာတဲ့ကားအတော်များများရပ်ထားတာကိုလည်းတွေ့ရပါတယ်။

ထန်းသီးသည်တွေလဲတွေ့ပါရဲ့။

အုတ်တံတိုင်းရဲ့တောင်ဘက်မှာဘုရားတစ်ဆူ။

နေကတော့အတ်ာပူနေပါပြီ။

2 ဘုရားမှနေတဲ့မြွေကြီး

3မြွေကြီးကို အမြီးကနေရိုက်ထားတာပါ

4 အနီးကရွှေစေတီ

ဒါနဲ့ဘဲဘုရားဝင်းထဲကိုဝင်လိုက်ပါတယ်။

ဘုရားရဲ့မြောက်ဘက်ဘေးမှာအဆောင်ကြီးတစ်ခု။

အဲဒီထဲမှာ ဆရာတော်တစ်ပါးသီတင်းသုံးနေကြပါတယ်။

ဆရာတော်ကိုဝတ်ပြုသူတွေအများအပြား။

ဘုရားကတော့ အတော်အသင့်မြင့်ပါတယ်။

ဘုရားအောက်ခြေက နတ်နန်းလေးထဲမှာတော့ လူတွေပြည့်သိပ်လို့နေပါတယ်။

အများနည်းတူဝင်စပ်စုတော့ မြွေကြီးထားတဲ့နေရာဖြစ်ပါတယ်။

မြွေကြီးကို စင်ပေါ်မှာတင်ထားပါတယ်။

မြွေကြီးက မှန်နံရံမှာမှီပြီး ပါးပြင်းထောင်ထားတာကို အပြင်ကလူတွေက၀ိုင်းကြည့်။

ကျနော်ကတော့ အထဲဝင်ပြီး ဓါတ်ပုံရိုက်ပါတယ်။

မြွေကြီးကို ပိုက်ဆံလှူပြီးဆုတောင်းနေသူတွေကိုလဲမြင်ရ။

အဲဒီချိန်လူတစ်ယောက်က မြွေစောင့်နေတဲ့လူကို

“တကယ်ဆုတောင်းပြည့်လားဗျ”လို့မေးတော့

“မပြည့်ရင်လှူကြမလားဗျ”လို့ခပ်မာမာပြောသံကြားရပါတယ်။

ဒါနဲ့ဘဲ တောင်ပေါ်ကဘုရားပေါ်တက်ဖူးကြပါတယ်။

စေတီကသေးသေး နေက ပူပူ လူတွေနဲ့ပြည့်ကျပ်နေတော့ပြန်ဆင်းခဲ့ပါတယ်။

5စိန်သာလျောင်းသို့အ၀င်

6 စိန်သာလျောင်းစေတီ

7 စိန်သာလျောင်းကိုယ်တော်

8လျောင်းတော်မူက ခေါင်းတော်

9 လှပသော ……

နောက်တော့စိန်သာလျောင်းသွားမယ်ဆိုပြီးထွက်ခဲ့ကြပါတယ်။.

ဖုံထူထူ မြေလမ်းကလေးကို ကွေ့လိုက်ကောက်လိုက်နဲ့ သွားရင်း

ထန်းပင်တွေဝိုင်းနေတဲ့ ရေကန်လေးရှေ့ကိုရောက်သွားပါတယ်။

စိန်သာလျောင်းပါတဲ့။

ဘုရားစောင်းတန်းအ၀င်ဝမှာတော့ ဈေးသည်တွေနဲ့စည်ကား။

ဗန်းထဲမှာခင်းထားတဲ့ငှက်ကြော်တွေ က စားချင်စရာ။

ဒါပေမယ့် ဆိုင်ကယ် ကယ်ရီဆရာက လမ်းတွေ့တဲ့အသည်ဝယ်မစားနဲ့။

စားချင်ရင်သူ့ပြောလို့မှာထားတော့ဝယ်မစားဖြစ်.။

ဘုရားစောင်းတန်းအတွင်းဝင်လိုက်တော့ နီညိုရောင်စေတီတစ်ဆူ။

ကြီးမားတဲ့လျောင်းတော်မူကိုယ်တော်ကြီးကတော့ ငြမ်းတွေဆင်ထားပါတယ်။

ဘုရားရဲ့အရှေ့ဘက်မှာတော့ ထန်းပင်တွေဝိုင်းနေတဲ့ရေကန်။

ဓါတ်ပုံတွေရိုက်နေတုန်း နေပူမယ်နော် သွားကြစို့လို့အော်သံကြားမှ

အပြေးအလွားထွက်ခဲ့ကြပါတယ်။.

ဒီတစ်ခါသွားမှာက မြသာလျောင်း ပါတဲ့။

ကိုပေါက်လမ်းသလားနေသည်

(29-1-2013)

 

မြသာလျောင်းနဲ့ရွှေသာလျောင်း 

 

1နေရောင်အောက်က ဦးခေါင်းတော်

“မြသာလျောင်းနဲ့ရွှေသာလျောင်း”

 

ထမင်းစားမယ်လို့ ပြောတဲ့အခါ မှာ လမ်းပြ က ဘယ်မှာစားမလဲမေးပါတယ်။

ကျနော်တို့က မသိဘူး ကောင်းတဲ့ဆိုင်တစ်ဆိုင်ဆိုင်ပို့ပေးဘို့ပြောပါတယ်။

ကားလေးကို ဟိုလမ်းဝင်ဒီလမ်းထွက်နဲ့ ကျောင်းတစ်ခုရဲ့နောက်ကျောဘက်ကိုရောက်သွားပါတယ်။

လမ်းမြောက်ဘက်ဘေးမှာ ထမင်းဆိုင်လေးတစ်ခု။

ကားတွေရပ်ထားတာအများကြီး။

ဆိုင်ကလေးက သပ်သပ်ရပ်ရပ်။

ချက်ထားတဲ့ဟင်းတွေက စတီးဇလုံထဲမှထည့်ထားတာ စားချင့်စဖွယ်။

ကျနော်တို့ခြောက်ယောက်စားတာ ဘဲသားဟင်း ကြက်သား ပုဇွန် ငါးအူချက်နဲ့လိုက်ပွဲတွေရယ်

ရေသန့်ဘူးတစ်ဘူးအပါအ၀င်မှာ 8300ကျပ်ဘဲကျပါတယ်။

အတော်လေးကို တန်ပါတယ်။

ဆိုင်နာမယ်က တော့ ကျနော်အမှတ်မမှားဘူးဆိုရင် “လင်း “ဖြစ်ပါတယ်။

ထမင်းစားပြီးကြတဲ့အခါ မြသာလျောင်းကို သွားကြပါတယ်။

မြသာလျောင်းအ၀င်လမ်းမှာတော့တစ်လျောက်မှာတော့ အရုပ်ကြီးတွေနဲ့

ကပြီး အလှူခံတဲ့အဖွဲ့တွေကိုတွေ့ရပါတယ်။

မြသာလျောင်းက တော့ အမိုးအကာမရှိနေပူထီးထီးကြီးမှာတည်ထားပါတယ်။

ရောက်တာနဲ့မထူးဘူးဆိုပြီး ဘုရားရင်ပြင်ပေါ်တက်လို့ဓါတ်ပုံတွေရိုက်ကြပါတယ်။

အရိပ်မရှိတော့ ကြာကြာ မနေနိုင်ပါဘူး။

2 နေရောင်အောက်ကလျောင်းတော်မူ

3 အနောက်ဖက်ကဖူးမျော်

4 ခြေတော်ရာ

5ရက်ရက်စက်စက်

6ရွှေသာလျောင်း

7 ဦးခေါင်းတော်

8ခြေတော်ရာ

အဲဒီကနေ တစ်ဆင့်ရွှေသာလျောင်းကိုသွားကြပါတယ်။

ရွှေသာလျောင်းမှာတော့ ဘုရားပွဲရှိတယ်နဲ့တူပါတယ် ပွဲဈေးတန်းဆိုင်တွေကို

တွေ့ရလို့ပါ။

ဘုရားဖူးလာသူတွေများတော့ကားရပ်ဘို့နေရာကိုအတော်ရှာယူရပါတယ်.။

ဘုရားစောင်းတန်းရဲ့မြောက်ဘက်ကနေ၀င်ပြီးဘုရားပေါ်တက်ကြပါတယ်။

ဘုရားပေါ်ရောက်တဲ့အခါမှာတော့ စိတ်ပျက်စရာဆိုင်းဘုတ်တစ်ခုကတော့

ကင်မရာတွေအခွန်ဆောင်ဘို့ကြေငြာထားတဲ့ဗီနိုင်းကြီးပါဘဲ။

ဘုရားကျောင်းကန်သွားရင်စိတ်ညစ်စရာတစ်ခုက ဒီကင်မရာအခွန်ပါဘဲ။.

ပြင်ဦးလွင်ရုက္ခဗေဒဥယျာဉ်ဆိုရင် တစ်ထောင်ကျပ် မြန်နန်းစံကျော်ဆိုရင် သုံးရာ

ကျန်တဲ့နေရာတွေမှာဆိုရင် ကင်မရာအခွန်ငါးရာကျပ်။

စီးပွားရေးအတွက်လုပ်တဲ့သူကိုကောက်တာ မပြောလိုပေမယ့် ဘုရားဖူးလာသူတွေထဲက

ကင်မရာအခွန်ကောက်တာကတော့ စိတ်ပျက်စရာ။

ဘုရားရဲ့နောက်ကျောဘက်မှာတော့ ဖောင်းကြွရုပ်လုံးတွေနဲ့ဇာတ်တော်တွေကိုတွေ့ရပါတယ်။

ရွှေသာလျောင်း ဘုရားဖူးပြီးတဲ့အခါ အားလုံးက ပြန်ချင်ကြပါတယ်။

နေပူလွန်းလို့ပါ.။

8ခြေတော်ရာ

9 ဘုရားစောင်းတန်း၏

သွားမယ်ဆိုရင် လေးမျက်နှာဘုရား  ကိုးသိန်းကိုးသန်း လိပ်ပြာကန် နဲ့နန်းတော်ရာကိုသွားလုိ့ရပါသေးတယ်။

ဒါပေမယ့်ပူလွန်းတော့အားလုံးကပင်ပန်းနေပါပြီ။

ဒါနဲ့ဘဲ ဘယ်မှဆက်မသွားဘဲ ပြန်ဘို့ဆုံးဖြတ်ပြီးပြန်လာခဲ့ကြပါတယ်။

လမ်းပြကိုလည်း သူ့နေရာပြန်ပို့လို့နုတ်ဆက်ပြီးပြန်ခဲ့ကြပါတယ်။

သူပြောသွားတာလေးကတော့ အမှတ်ရစရာ။

“ ဒီလမ်းတွေမှာ ငှက်ကြော် ငုံးကြော် တွေဝယ်စားမယ်ဆိုရင်တွေ့ကရာဆိုင်ဝယ်မစားနဲ့ဗျ။

တစ်ချို့ဆိုင်တွေက ကြော်ထားတာမဟုတ်ဘူး ပြုတ်ပြီး ဆီပူထိုးထားတာ။

တစ်ချို့ကြပြန်တော့လဲငုံးမဟုတ်ဘဲ ကြက်ပေါက်စလေးတွေကြော်ထားတာရှိတယ်။

အားလုံးတော့ မဟုတ်ပါဘူး။

တစ်ချို့ အကျင့်မကောင်းတဲ့ဈေးသည်တွေလုပ်စားတတ်တာကိုပြောပြတာပါ၊

ဖြစ်သင့်တဲ့ဈေးထက် အရမ်းကို သက်သာနေရင် သတိထားပေတော့”

ကဲ တန်တယ်ဆိုပြီး ၀ယ်စားတတ်တဲ့ မိတ်ဆွေများ သတိထားကြပါ။

လမ်းမှာတော့ အိမ်ပြန်လက်ဆောင်ဖရဲသီးတွေဝင်ဝယ်ကြပါတယ်။

အပြန်လမ်းမှာ ကား အင်ဂျင်ရောလူတွေပါ ပူတော့အရိပ်ရှိတဲ့သစ်ပင်နားမှာခဏနား။

ဒါတောင်ရန်ကုန်မြို့ထဲဝင်တော့ ညနေငါးနာရီခွဲ။

ပျော်စရာကောင်းတဲ့ခရီးလေးတစ်ခုပေါ့။

ကိုပေါက်လမ်းသလားနေသည်

30-1-2013

(မှတ်ချက်။ ။ မူရင်းဝက်ဘ်ဆိုက် https://mandalaygazette.com ကနေ ကိုပေါက် (မန္တလေး)ရဲ့ ဓာတ်ပုံဆောင်းပါးကို မူရင်းအတိုင်း ပြန်လည် ကူးယူ မျှဝေပါတယ်။) 

Read More

စင်္ကာပူအကြောင်း

(Note: myanmarsite1 'မှတ်စုစာအုပ်' မှ ပြန်လည် မျှဝေသည်။)

စင်္ကာပူ

ခြင်္သေ့မြို့တော်ဟု အဓိပ္ပါယ်ရသော စင်္ကာပူနိုင်ငံသည် အပြည်ပြည်ဆိုင်ရာ လေကြောင်းနှင့် ရေကြောင်းသယ်ယူပို့ဆောင်ရေး အချက်အချာကျသောဒေသတွင် ရှိပြီး ကမ္ဘာ့ကုန်သွယ်ရေး ဗဟိုချက်မမြို့တော်များတွင် ပါဝင်သော နိုင်ငံဖြစ်သည်။
စင်္ကာပူ (English:Singapore Chinese: 新加坡; pinyin: Xīnjiāpō; in Malay: Singapura; in Tamil: சிங்கப்பூர், Cingkappūr) တရားဝင်အမည်အားဖြင့် စင်္ကာပူသမ္မတနိုင်ငံ သည် ကျွန်းနိုင်ငံတစ်နိုင်ငံဖြစ်ပြီး မလေးကျွန်းဆွယ်၏ တောင်ဖက်အစွန်ဆုံး တွင်တည်ရှိသည်။ အီကွတော၏မြောက်ဖက် ၈၅မိုင်(၁၃၇ ကီလိုမီတာ) အကွာတွင် တည်ရှိပြီး မလေးရှားနိုင်ငံ ဂျဟိုး(Johor) ပြည်နယ်၏ တောင်ဖက်နှင့် အင်ဒိုနီးရှားနိုင်ငံ ရီအောကျွန်းများ(ျiau Islands) ၏ မြောက်ဖက်တွင် တည်ရှိသည်။ စတုရန်းမိုင် ၂၇၃မိုင် (စတုရန်းကီလိုမီတာ ၇၀၇.၁ ကီလိုမီတာ) သာ ရှိသဖြင့် စင်္ကာပူသည် ကမ္ဘာပေါ်ရှိ နိုင်ငံနှင့်မြို့တော်တစ်ခုတည်းဖြစ်သော နိုင်ငံ ၃ ခုတွင် တစ်ခုအပါအဝင်ဖြစ်သည်။ အရှေ့တောင်အာရှတွင်လည်း အငယ်ဆုံးနိုင်ငံ ဖြစ်သည်။
ဥရောပသားတို့ အခြေချမနေထိုင်မီအချိန်က ယခုသိရှိသော စင်္ကာပူသည် စင်္ကာပူမြစ်ဝတွင် တည်ရှိသော မလေးငါးဖမ်း ရွာကလေးတစ်ရွာမျှသာ ဖြစ်သည်။ ရာပေါင်းများစွာသော အိုရန်လော့ (Orang Laut) ခေါ် နယ်မြေခံမလေးလူမျိုးတို့သည် ကမ်းရိုးတန်းအနီး၊ မြစ်ချောင်းများအနီးနှင့် ကျွန်းကလေးများပေါ်တွင်နေထိုင်ကြသည်။ ၁၈၁၉ ခုနှစ်တွင် ဗြိတိသျှ အရှေ့အိန္ဒိယကုမ္ပဏီမှ ကျွန်းပေါ်တွင် ကုန်သွယ်ရေးစခန်းကို တည်ထောင်ခဲ့ပြီး ထိုအချိန်မှစ၍ သစ်မြစ်ဆေးဝါးတို့ သယ်ယူရာကုန်သွယ်ရေးလမ်းကြောင်း၏ ဗျူဟာကျသော ကုန်သွယ်ရေးစခန်းအဖြစ် အသုံးပြုခဲ့ကြသည်။ စင်္ကာပူသည် ဗြိတိသျှ အင်ပိုင်ယာ၏ အရေးပါသော ကုန်သွယ်ရေး နှင့် စစ်ရေး ဒေသ တစ်ခုဖြစ်လာပြီး ဗြိတိသျှအုပ်ချုပ်မှု၏ အချက်အခြာနေရာတစ်ခုဖြစ်လာခဲ့သည်။ ဒုတိယကမ္ဘာစစ်အတွင်း၌ ဂျပန်တို့က မြို့တော်ကို သိမ်းပိုက်ခြဲ့ပီး ဝင်စတန်ချာချီက ဗြိတိသျှတို့၏ အကြီးကျယ်ဆုံးရှုံးနိမ့်မှု ဟု ပြောဆိုခဲ့သည်။ စစ်ပြီးခေတ်တွင် စင်္ကာပူ သည် ၁၉၄၅ တွင် ဗြိတိသျှတို့၏ အုပ်ချုပ်မှုအောက်သို့ လျှင်မြန်စွာ ပြန်လည်ရောက်ရှိခဲ့သည်။ ၁၈နှစ်ကြာပြီးနောက် ဗြိတိသျှလက်အောက်မှ လွတ်လပ်ရေးရပြီးသည့်အခါ မလေးရှား အောက်မှ မလာယာ(Malaya)၊ ဆာဘား (Sabah) ၊ ဆာရာဝပျ (Sarawak) တို့နှင့် ပူးပေါင်းခဲ့သည်။ သို့သော် ၂ နှစ်မျှ မကွာမီအချိန်၌ပင် စင်္ကာပူသည် မလေးရှားလက်အောက်မှ ခွဲထွက်ခဲ့ပြီး ၁၉၆၅ ခုနှစ် ဩဂုတ်လ ၉ ရက်နေ့တွင် လွတ်လပ်သော သမ္မတနိုင်ငံတစ်နိုင်ငံဖြစ်လာခဲ့သည်။ စင်္ကာပူသည် ထိုနှစ်အတွင်းမှာပင် စက်တင်ဘာလ ၂၁ ရက်တွင် ကုလသမဂ္ဂသို့ ဝင်ရောက်ခဲ့သည်။
လွတ်လပ်ရေးရပြီးသည့် အချိန်မှစ၍ စင်္ကာပူ၏ လူနေမှုအဆင့်အတန်းသည် မြင့်မားလာခဲ့သည်။ နိုင်ငံခြားမှ တိုက်ရိုက်ရင်းနှီးမြှုပ်နှံမှုများ နှင့်အတူ ဒတ်ခ်ျ စီးပွားရေးပညာရှင် အဲလ်ဘတ် ဝင်းစီးမီးယပ် (Albert Winsemius) ရေးဆွဲခဲ့သည့် စီမံကိန်းအပေါ် အခြေပြု၍ နိုင်ငံတော်မှ လမ်းညွှန်သည့် စက်မှုထုတ်လုပ်ငန်း ပြောင်းလဲမှုများကြောင့် အီလက်ထရောနစ်ပစ္စည်းထုတ်လုပ်မှုလုပ်ငန်း၊ ရေနံဓာတုလုပ်ငန်း၊ ကမ္ဘာလှည့် ခရီးသွားလုပ်ငန်း နှင့် ငွေကြွေးဝန်ဆောင်မှု လုပ်ငန်းတို့အပြင် ရိုးရာကုန်သွယ်ရေးနှင့် ထုတ်ကုန်သွင်းကုန်လုပ်ငန်းတို့ ပါဝင်သော ခေတ်သစ်စီးပွားရေးတစ်ခုကို ဖန်တီးခဲ့သည်။

သမိုင်း

အမည်ရင်းမြစ်

Singapura (စင်ဂါပူရ) ခေါ်သောနာမ သည် မလေးဘာသာစကား Singapura မှ ဆင်းသက်လာပြီးကလယ်နှင့် သင်ကကရိက်ပဒ (singa சிங்க सिंह siṃha ("ခြင်္သေ့"၊ သီဟ) နှင့် புர पुर pura ("မြို့"၊ ပူရ)) တွင် အရင်းခံသည်။ မလေးရာဇဝင်အရ ထိုနာမည်သည် ၁၄ ရာစုနှစ် စန်းနီလာဥတ္တမ ဟုခေါ်သော စူမတြန်မင်းသားသည် ကျွန်းတွင်သဘောင်္ဆိုက်ပြီး မင်္ဂလာနရားတွေ့ခဲ့သောကြောင့် စင်ဂါ (ခြင်္သေ့) ဟုနာမည်မှည့်ခဲ့သည် ဟုဆိုသည်။သို့သော် လတ်တလော ရှာဖွေတွေရှေိ့ချက်များအရ ခြင်္သေ့သည် ဘယ်သောအခါမှ နေထိုင်ခဲ့ဖူးခြင်း မရှိကြောင်းသိရသည်။ ယုတ်စွအဆုံး အာရခြင်္သေ့ပင် နေထိုင်ခဲ့ဖူးခြင်းမရှိပေ။ ထို့ကြောင့် စန်းနီလာဥတ္တမ မြင်ခဲ့ရသော သားရဲတိရိစ္ဆာန်မှာ ကျား သာဖြစ်နိုင်သည်။ ဖြစ်နိုင်ခြေမှာ မလေးရှားကျား ဖြစ်သည်။

အခြေချနေထိုင်ခြင်း

စင်္ကာပူနိုင်ငံနှင့် ပတ်သတ်သော ပထမဦးဆုံး အခြေချနေထိုင်မှု သမိုင်းကြောင်းမှာ အေဒီ ၂ရာစုတွင်ဖြစ်သည်။ စင်္ကာပူကျွန်းသည် စူမာတယန် ဆရီဝိဂျာယ အင်ပိုင်ယာ၏ အစွန်အဖျားဖြစ်ပြီး မူလပထမအားဖြင့် ဂျာဗားကျွန်းသား စကားဖြင့် တီမားဆက် (Temasek) (ပင်လယ်မြို့) ဟုခေါ်သည်။ တီမားဆက်သည် လျှင်မြန်စွာပင် ကုန်သွယ်မှုအတွက် အခြေချနေထိုင်ရာ ဖြစ်လာခဲ့သော်လည်း ၁၄ရာစုအတွင်းတွင် ဆုတ်ယုတ်ပျက်စီးလာခဲ့သည်။ ရှေးဟောင်း တီမာဆက်ခေတ်မှ အကြွင်းအကျန်မှာ အနည်းငယ်သာရှိသော်လည်း စင်္ကာပူမှ ရှေးဟောင်းသုတေသနပညာရှင်တို့က တီမားဆက် နှင့် အခြားခေတ်မှ လက်မှုပစ္စည်းအချို့ကို ရှာဖွတွေ့ရှိခဲ့ကြသည်။ ၁၆ ရာစုနှင့် ၁၉ရာစုအစောပိုင်းတွင် စင်္ကာပူကျွန်းသည် ဂျဟိုးစူလတန်၏နယ်မြေ(Sultanate of Johor) အတွင်းတွင် ပါဝင်သည်။ ၁၆၁၃ ခုနှစ် မလေး-ပေါ်တူဂီစစ်ပွဲအတွင်းတွင် အခြေချနေထိုင်ရာနေရာအားလုံးကို ပေါ်တူဂီတပ်များက မီးရှို့ဖျက်ဆီးခဲ့သည်။ ထိုရာစုနှစ်အတွင်းတွင် စင်္ကာပူကျွန်းကို ပေါ်တူဂီတို့က ဆက်လက် ထိန်းချုပ်ခဲ့ကြပြီး ၁၇ ရာစုတွင် ဒတ်ခ်ျတို့က ထိန်းချုပ်ခဲ့ကြသည်။ ထိုအချိန်များတွင် ကျွန်းပေါ်တွင် နေထိုင်သူများအာ အဓိကအားဖြင့် တံငါသည်များသာ ဖြစ်သည်။

ကိုလိုနီခေတ်

သောမတ်စ်ဝူလ်နာထုလုပ်ခဲ့သော သောမတ်စ်စတန်းဖို့ဒ်ရပ်ဖဲလ်၏ရုပ်ထုသူပထမဆုံးစင်ကာပူသို့ခြေချခဲ့ရာနေရာတွင်စိုက်ထူထားပြီးသူသည် ခေတ်သစ်စင်ကာပူကို စတင်တွေ့ရှိခဲ့သူအဖြစ်အသိအမှတ်ပြုကြသည်။

၁၈၁၉ ခုနှစ် ဇန်နဝါရီလ ၁၉ ရက်တွင် ဆာသောမတ်စ် စတန်းဖို့ဒ် ရပ်ဖဲလ် (Sir Thomas Stamford Raffles) သည် ကျွန်းမကြီးပေါ်သို့ ရောက်ရှိခဲ့သည်။ အရှေ့တောင်အာရှတွင် ပထဝီအနေအထားအားဖြင့် မဟာဗျူဟာကျသော ကုန်သွယ်ရေး အခြေစိုက်စခန်း ဖြစ်လာနိုင်ကြောင်း သတိထားမိခဲ့သည်။ ထို့ကြောင့် ရပ်ဖဲလ်သည် စူလတန် ဟူစိန်ရှား(Sultan Hussein Shah) နှင့် ဗြိတိသျှ အရှေ့အိန္ဒိယကုမ္ပဏီ၏ ကိုယ်စား စင်ကာပူတောင်ဖက်ပိုင်းကို ဗြိတိသျှအခြေစိုက်စခန်းနှင့် ကုန်သွယ်ရေးစခန်းအဖြစ် တည်ဆောက်ရန် အတွက် ၁၈၁၉ ခုနှစ် ဖေဖော်ဝါရီ လ ၆ ရက်တွင် စာချုပ်ချုပ်ဆိုခဲ့သည်။ ၁၈၂၄ ခုနှစ် ဩဂုတ်လအထိ စင်ကာပူနယ်မြေသည် မလေးလက်အောက်ခံပင်ရှိသေးသည်။ ဗြိတိသျှတို့က ကျွန်းတစ်ခုလုံးကို ဖြန့်ကျက်ထိန်းချုပ်လာပြီးသည် ၁၈၂၄ ခုနှစ် ဩဂုတ်လတွင်မှ စင်ကာပူသည် ဗြိတိသျှကိုလိုနီအဖြစ် တရားဝင်ဖြစ်လာခဲ့သည်။ စင်ကာပူတွင် ဒုတိယမြောက် အခြေချနေထိုင်သူ ဂျွန်ကရောဖို့ဒ်သည် စင်ကာပူကို ဗြိတိသျှပိုင်ဖြစ်လာစေခဲ့သည်။ သူသည် စူလတန် ဟူစိန် ရှား နှင့် ၁၈၂၄ ခုနှစ် ဩဂုတ်လ ၂ ရက်နေ့တွင် စာချုပ်ချုပ်ဆိုပြီးနောက် စူလတန်နှင့် တန်မန်ဂေါင်း(Temmenggong) တို့က တစ်ကျွန်းလုံးကို ဗြိတိသျှ အရှေ့အိန္ဒိယ ကုမ္ပဏီသို့ လွှဲအပ်ပြီးသည့်နောက်တွင် ကျွန်း၏ ခေတ်သစ်တစ်ခေတ်စခဲ့သည်။ ရပ်ဖဲလ်၏ လက်ထောက်ဖြစ်သော ဝီလီယမ် ဖာကူဟာ (William Farquhar) သည် ဖွံ့ဖြိုးလာသော အချိန်ကာလ နှင့် အကန့်အသတ်မရှိသော လူဝင်မှုကြီးကြပ်ရေးဥပဒေကြောင့် လျှင်မြန်စွာကြီးထွားလာသော လူမျိုးစုတို့ ပြောင်းရွေ့နေထိုင်မှု ကို ကြီးကြပ်ခဲ့သည်။ ဗြိတိသျှ အိန္ဒိယရုံးသည် ၁၈၅၈ ခုနှစ်မှစ၍ အုပ်ချုပ်ခဲ့သော်လည်း စင်ကာပူ သည် ၁၈၆၇ ခုနှစ်တွင် မှ ဘုရင်မသို့ သတင်းပို့ရသော ဗြိတိသျှဘုရင်မပိုင် ကိုလိုနီဖြစ်လာခဲ့သည်။ ၁၈၆၉ ခုနှစ်တွင် ကျွန်းပေါ်တွင် လူ ၁ သိန်းမျှ နေထိုင်ခဲ့သည်။
ကိုလိုနီခေတ် စင်ကာပူ၏ အစပထမမြို့တည်ဆောက်ပုံမှာ အများအားဖြင့် ခွဲခြားအုပ်ချုပ်ရေးစနစ် အတိုင်းဖြစ်ပြီး ကွဲပြားခြားနားသော လူမျိုးစုတို့သည် ကျွန်း၏တောင်ဖက်ရှိ ကွဲပြားခြားနားသော နေရာတို့တွင် နေထိုင်ကြသည်။ စင်ကာပူမြစ်သည် လူမျိုးစုကွဲများမှ ကုန်သည်များ နှင့် ဘဏ်လုပ်ငန်းရှင်တို့၏ ကုန်သွယ်ရေး အချက်အချာနေရာဖြစ်ပြီး တရုတ်နှင့် အိန္ဒိယကူလီ တို့ bumboats ဟု ခေါ်ကြသော တုံကင်းများမှ ကုန်ပစ္စည်းများ ကို ထမ်းချရာ နှင့် ထမ်းတင်ရာ နေရာဖြစ်သည်။ ဒေသခံ အိုရန်လော့တ် (Orang Lauts) မလေးလူမျိုးများမှာ ငါးဖမ်းသမားများ နှင့် ပင်လယ်ပြင် ခရီးသွားများအဖြစ် အသက်မွေးကြသည်။ အာရပ်ကုန်သည်များနှင့် ပညာတတ်လူတန်းစားများကိုမူ ယနေ့ ကန်ပေါင်း ဂလန် (Kampong Glam) တည်ရှိရာ မြစ်ဝ၏ အရှေ့တောင်ဖက်တွင် တွေ့ရသည်။ အနည်းငယ်မျှသော ဥရောပ အခြေချနေထိုင်သူများမှာမူ ဖို့ဒ်ကိန်းနင်းဟေး (Fort Canning Hill) နှင့် စင်ကာပူမြစ်၏ အပေါ်ပိုင်းဒေသများတွင် နေထိုင်ကြသည်။ ဥရောပတိုင်းရင်းသားများကဲ့သို့ပင် အစောပိုင်း အိန္ဒိယမှ ပြောင်းရွေ့လာသူတို့သည်လည်း ကုန်းတွင်းပိုင်းဒေသများတွင် အခြေချနေထိုင်ကြပြီး ယနေ့ လစ်တဲလ်အင်ဒီးယား (Little India) တည်ရှိရာနေရာဖြစ်သည်။ ကမ်ပေါင်း (kampongs) ဟုခေါ်သော ကျေးလက်ဒေသ အခြေချနေထိုင်သူများနှင့် ပတ်သက်၍မူ အသိနည်းပြီး လွတ်လပ်ရေးရပြီး ၁၉၆၀ခုနှစ်များ နှောင်းပိုင်း စင်ကာပူအစိုးရမှ ထိုသို့နေထိုင်သူများကို အများအပြား ရွေ့ပြောင်းနေရာချသည့် အချိန်မှသာ သိရှိရသည်။

ဒုတိယကမ္ဘာစစ်

စင်ကာပူ၏ မြေပုံ

ဂျပန်တို့ အင်အားကြီးထွားမလာမီနှစ်များတွင် ဗြိတိသျှတို့သည် ဂျပန်တို့၏စစ်တပ်များ လျှင်မြန်စွာဖွဲ့စည်းတည်ထောင်လာသည် ကို သတိပြုမိသည်။ အရှေ့တောင်အာရှရှိ သူတို့၏ ပိုင်ဆိုင်မှုများကို ကာကွယ်ရန်အတွက် ဗြိတိသျှတို့သည် စင်ကာပူ၏ မြောက်ဖက်ဆုံးအပိုင်းတွင် ရေတပ်အခြေစိုက်စခန်းကို တည်ဆောက်ရန် ဆုံးဖြတ်ခဲ့ကြသည်။ သို့သော် ဥရောပရှိ ဂျာမန်စစ်ပွဲကြောင့် စစ်သင်္ဘောများနှင့် စစ်လက်နက်များကို ဥရောပသို့ ယူဆောင်သွားခဲ့ရသည်။
ဒုတိယကမ္ဘာစစ်အတွင်းတွင် ဂျပန်ဘုရင့်တပ်မတော် (the Imperial Japanese Army) သည် မလာယာ ကို ကျူးကျော်ခဲ့ပြီး စင်ကာပူတိုက်ပွဲကို ပြင်းထန်စွာဖြစ်စေခဲ့သည်။ ပြင်ဆင်မှုအားနည်း၍ တပ်အမြောက်အများမှာ ဥရောပတွင် ရောက်နေသော ဗြိတိသျှတို့မှာ ၆ ရက်အတွင်းတွင် ရှုံးနိမ့်ခဲ့ပြီး မသိမ်းပိုက်နိုင်သည့် ခံတပ်ဟုဆိုသော နေရာကို ၁၉၄၂ ခုနှစ် ဖေဖော်ဝါရီလ ၁၅ ရက်တွင် ဗိုလ်ချုပ်ကြီး တိုမိုယူကီ ယာမာရှီတာ (General Tomoyuki Yamashita) သို့ လက်နက်ချခဲ့ရသည်။ ထိုလက်နက်ချမှုနှင့် ပတ်သက်၍ "ဗြိတိသျှသမိုင်းတွင် အဆိုးရွားဆုံး ကပ်ဆိုက်မှု နှင့် အကြီးကျယ်ဆုံးသော လက်နက်ချမှု" ဟူ၍ ဗြိတိသျှဝန်ကြီးချုပ် ဝင်စတန်ချာချီက ဖော်ပြခဲ့သည်။ ဗြိတိသျှ ရေတပ်အခြေစိုက်စခန်းကို ဂျပန်တို့ သိမ်းပိုက်၍ အသုံးမပြု နိုင်ခင်အချိန်က ပင် ဖျက်စီးခဲ့သည်။ ဂျပန်တို့ က စင်ကာပူကို ရှိုးနန်တိုး (昭南島, Shōnantō?) ဟုအမည်ပေးခဲ့ပြီး "Shōwa no jidai ni eta minami no shima" ("昭和の時代に得た南の島", "Shōwa no jidai ni eta minami no shima"?) သို့ ရှိုဝါခေတ်တွင် ရရှိခဲ့သော တောင်ဖက်ကျွန်းဟု အဓိပ္ပါယ်ရသည်။ ဂျပန်တို့သည် လက်နက်ချပြီး တစ်လအကြာ ၁၉၄၅ စက်တင်ဘာလ ၁၂ ရက်အထိကျွန်းကို သိမ်းယူထားခဲ့ပြီး ထို့နောက်တွင် ဗြိတိသျှတို့က ပြန်လည်သိမ်းပိုက်ခဲ့သည်။
ရှိုးနားတိုးကို အင်္ဂလိပ်ဘာသာစကားဖြင့် စယိုနန်(Syonan-to) တို သို့ စယိုနန် (Syonan) ဟု ရေးကြပြီး အဓိပ္ပါယ်မှာ တောင်ဖက်၏ အလင်းရောင်ဟူ၍ ဖြစ်သည်။

လွတ်လပ်ရေးခေတ်

စင်ကာပူ စီးပွားရေး ပြုပြင်ပြောင်းလဲမှုများကို အကြီးအကျယ် ပြုလုပ်နေချိန် ၁၉၇၀ခန့် တွင် ရှန်တန်ဝေး (Shenton Way)ကို တွေ့ရပုံ

စင်ကာပူသည် ၁၉၅၉ခုနှစ်တွင် ဗြိတိသျှအင်ပိုင်ယာအတွင်း၌ ကိုယ်ပိုင်အုပ်ချုပ်ခွင့်ရပြည်နယ် ဖြစ်လာခဲ့ပြီး ယူစွတ်ဘင် အီရှက် ( Yusof bin Ishak) သည် ပထမဆုံး Yang di-Pertuan Negara (ပြည်နယ်တစ်ခုလုံး၏ ထင်ရှားသောအုပ်ချုပ်သူ) ဖြစ်လာခဲ့ပြီး လီကွမ်းယူ မှာ ပထမဆုံး ဝန်ကြီးချုပ်ဖြစ်သည်။ ဗြိတိန်၏ အောက်မှ ၁၉၆၃ ခုနှစ် ဩဂုတ်လတွင် လွတ်လပ်ရေး ကြေငြာခဲ့သည်။ ၁၉၆၂ စက်တင်ဘာတွင် ခွဲရေးတွဲရေး ဆန္ဒခံယူပွဲ၏ ရလာဒ်ကြောင့် မလာယာ၊ ဆာဘား နှင့် ဆာရာဝက်တို့ နှင့်အတူ မလေးရှား ဖက်ဒရယ်ပြည်ထောင်စုနှင့် ပူးပေါင်းခဲ့သည်။ သို့သော် ၂ နှစ်အကြာတွင် ပြည်နယ်၏ ပီအေပီ အစိုးရနှင့် ဖက်ဒရယ် ကွာလာလမ်ပူ အစိုးရတို့ အယူအဆပိုင်းဆိုင်ရာ အကြီးအကျယ်အငြင်းပွားမှု တို့ကြောင့် စင်ကာပူသည် ဖက်ဒရယ်ပြည်ထောင်စုမှ ခွဲထွက်ခဲ့သည်။ စင်ကာပူသည် ၁၉၆၅ ခုနှစ် ဩဂုတ်လ ၉ ရက်တွင် နိုင်ငံတစ်နိုင်ငံအဖြစ် တရားဝင်ရပ်တည်ခဲ့သည်။ ယူစွတ်ဘင်အီရှက် သည် စင်ကာပူ၏ ပထမဆုံး သမ္မတအဖြစ် ကျမ်းသစ္စာကျိန်ဆိုခဲ့ပြီး လီကွမ်းယူမှာ ဝန်ကြီးချုပ်အဖြစ် ဆက်လက်ရှိနေခဲ့သည်။
မိမိဘာသာ ပြည့်စုံလုံလောက်အောင် ကြိုးစားသော်လည်း နိုင်ငံအသစ်တစ်ခုအနေနှင့် စင်ကာပူသည် အလုပ်လက်မဲ့ဦးရေ ပေါများခြင်း၊ နေအိမ်အလုံအလောက်မရှိခြင်း၊ မြေနေရာ နှင့် သဘာဝအရင်းအမြစ်ရှားပါးခြင်းစသည့် ပြဿနာများနှင့် ကြုံတွေ့ရသည်။ လီကွမ်းယူ ဝန်ကြီးချုပ်အဖြစ် အုပ်ချုပ်ခဲ့သော ၁၉၅၉ မှ ၁၉၉၀ အထိအချိန်ကာလအတွင်း သူ၏အစိုးရသည် အလုပ်လက်မဲ့များပြားသည့် ပြသနာ၊ လူနေမှုအဆင့်အတန်းကို မြှင့်တင်ခြင်း နှင့် ပြည်သူ့အိမ်ရာ စီမံကိန်းအများအပြားကို အကောင်အထည်ဖော်ခြင်း စသည့် ပြသနာများကို ဖြေရှင်းခဲ့သည်။ ထိုအချိန်သည် နိုင်ငံ၏ စီးပွားရေး အခြေခံအဆောက်အအုံ၏ အုတ်မြစ်ကို ချပေးခဲ့သော အချိန်ကာလဖြစ်သည်။ လူမျိုးရေးပြသနာများ၏ ခြိမ်းချောက်မှုများကိုလည်း ထိန်းချုပ်ပေးခဲ့ပြီး ယောက်ျားလေးတိုင်း စစ်မှုမထမ်းမနေရစနစ်ဖြင့် လွတ်လပ်သောနိုင်ငံ၏ ကာကွယ်ရေးစနစ်တကို တည်ဆောက်ခဲ့သည်။
၁၉၉၀ တွင် ဂိုချောက်တောင်မှ လီကွမ်းယူ၏ ဝန်ကြီးချုပ်နေရာကို ဆက်ခံခဲ့သည်။ သူ၏အချိန်ကာလ အတွင်းတွင် ၁၉၉၇ အာရှစီးပွားရေး ပြသနာ ၏ ရိုက်ခတ်မှုများ၊ ၂၀၀၃ ခုနှစ် ဆား ရောဂါ ပျံနှံ့မှု၊ စက်တင်ဘာ ၁၁ရက် တိုက်ခိုက်မှုအပြီး ဂျမား အစ္စလာမ်မီးယား အဖွဲ့၏ အကြမ်းဖက်တိုက်ခိုက်မည့် ခြိမ်းခြောက်မှုများကို ဖြေရှင်းပေးခဲ့သည်။ ၂၀၀၄ ခုနှစ်တွင် လီကွမ်းယူ၏ သားအကြီးဆုံးဖြစ်သည့် လီရှန်လုံးသည် စင်ကာပူ၏ တတိယမြောက် ဝန်ကြီးချုပ်ဖြစ်လာခဲ့သည်။ သူ၏ ဆုံးဖြတ်ချက်များထဲမှ မှတ်သားလောက်သော ဆုံးဖြတ်ချက်မှာ နိုင်ငံခြားကမ္ဘာလှည့် ခရီးသည်များကို ဆွဲဆောင်နိုင်ရန် အတွက် ကာစီနို လောင်းကစားရုံဖွင့်လှစ်မည့် အစီအစဉ်ပင် ဖြစ်သည်။

နိုင်ငံရေးနှင့် အစိုးရ

ပါလီမန် အဆောက်အအုံ

စင်္ကာပူနိုင်ငံသည် နိုင်ငံရေး တည်ငြိမ်မှုရှိပြီး ဝက်မင်တာစနစ် (သို့) ပါလီမန် ဒီမိုကရေစီ စနစ် ကိုကျင့်သုံးသည့်နိုင်ငံတစ်ခုဖြစ်သည်။ နိုင်ငံအကြီးအကဲမှာ လွှတ်တော်မှ ရွေးကောက်တင်မြောက်သည့် ဂုဏ်ထူးဆောင်သမ္မတဖြစ်သည်။ အစိုးရတွင် လွတ်တော်တစ်ခုတည်းသာရှိ၍ နယ်မြေဒေသအသီးသီးကို ကိုယ်စားပြုသော ကိုယ်စားလှယ်များပါဝင်သည်။ အုပ်ချုပ်မှု အာဏာအများစုကို ဝန်ကြီးချုပ် ဦးဆောင်သော ကက်ဘိနက်မှ ထိန်းချုပ်ထား၍ လက်ရှိဝန်ကြီးချုပ်မှာ လီကွမ်းယု၏သားအကြီး ဖြစ်သူ လီရှန်လွန်းဖြစ်သည်။
စင်္ကာပူသမ္မတ၏ ရုံးသည် သမိုင်းကြောင်းအရ ဂုဏ်ထူးဆောင်ပုံစံ ပွဲနေပွဲထိုင်အတွက် သက်သက်သာဖြစ်သော်လည်း ၁၉၉၁ ခုနှစ်မှ စ၍ နိုင်ငံ၏ သီးသန့် ဖယ်ချန်ထားသောဘဏ္ဌာ အသုံးပြုရေးနှင့် တရားရေးဆိုင်ရာ ရာထူးများခန့်ခြင်း စသော အရေးပါသော ဆုံးဖြတ်ချက်အချို့အတွက် ဗီတိုအာဏာ အပ်နှင်းထားသည်။ သမ္မတရာထူးသည် လူအများစု၏ အကြိုက် မဲဆန္ဒဖြင့် ဆုံးဖြတ်ရန်ဖြစ်သော်လည်း ယနေ့အထိ ယှဉ်ပြိုင်ခဲ့သော ရွေးကောက်ပွဲဟူ၍ ၁၉၉၃ ရွေးကောက်ပွဲ တစ်ခုသာရှိသေးသည်။ ဥပဒေပြုအဖွဲ့အစည်းမှာ ပါလီမန်(လွှတ်တော်)ဖြစ်သည်။

နိုင်ငံခြားဆက်ဆံရေး

စင်္ကာပူ နိုင်ငံသည် နိုင်ငံပေါင်း (၁၇၅) နိုင်ငံနှင့် တရားဝင် ဆက်သွယ်လျက် ရှိသည်။ ကုလသမဂ္ဂ ၊ အာဆီယံ ၊ ဗြိတိသျှ ဓနသဟာယအဖွဲ့ နှင့် ဘက်မလိုက် လှုပ်ရှားမှု တို့တွင် ပါဝင်သည်။ ပထ၀ီဝင် အနေအထားအရ မလေးရှားနှင့် အင်ဒိုနီးရှားနိုင်ငံ တို့မှာ စင်္ကာပူနိုင်ငံ၏ ဆက်ဆံရေးတွင် အရေးပါသည်။

စစ်ရေး

ကာကွယ်ရေး ၀န်ကြီးဌာနတွင် လက်ရှိဝန်ကြီးမှာ Teo Chee Hean ဖြစ်သည်။ ကြည်းတပ် ၊ ရေတပ် နှင့် လေတပ်တို့ကို စုပေါင်း၍ စင်္ကာပူတပ်မတော် ဟု ခေါ်ဆိုကြပြီး အပျော်တမ်း တပ်ဖွဲ့များလည်း ပါဝင်ကြသည်။ လက်ရှိ ကာကွယ်ရေး ဦးစီးချုပ်မှာ ဒုတိယ ဗိုလ်ချုပ်ကြီး Desmond Kuek Bak Chye ဖြစ်သည်။
စင်္ကာပူနိုင်ငံသည် အရွယ်ရောက်သည့် အမျိုးသားတိုင်း (အသက် ၁၆ နှစ် ၆ လ) တွင် စစ်မှုမထမ်း မနေရ စနစ်ကျင့်သုံးသည်။ စစ်မှုထမ်းကာလမှာ ၂ နှစ် ဖြစ်သည်။ နိုင်ငံ ကာကွယ်ရေးအတွက် အမြဲထမ်းစစ်သား ၇၂,၅၀၀ နှင့် အရံစစ်သား ၃၀၀,၀၀၀ ခန့် ရှိသည်။ ကာကွယ်ရေး အသုံးစရိတ်မှာ စင်္ကာပူဒေါ်လာ (၁၀.၅၈) ဘီလီယံ (၂၀၀၇) ဖြစ်ပြီး GDP ၏ (၅.၀၄%) ဖြစ်သည်။

စင်္ကာပူကြည်းတပ်

စင်္ကာပူကြည်းတပ်သည် စင်္ကာပူ တပ်မတော်၏ တပ်ဖွဲ့ကြီး သုံးခုအနက် အဓိက တပ်ဖွဲ့ ဖြစ်သည်။ ကာကွယ်ရေး ဦးစီးချုပ် (ကြည်း) မှာ စင်္ကာပူကြည်းတပ်၏ ခေါင်းဆောင် ဖြစ်ပြီး လက်ရှိတွင် ဗိုလ်ချုပ် Neo Kian Hong ဖြစ်သည်။ စင်္ကာပူကြည်းတပ်တွင် အောက်ပါအတိုင်း တပ်ဖွဲ့များ ပါဝင်ကြသည် -

• သံချပ်ကာတပ်
• အမြောက်တပ်
• စစ်မြေပြင် အင်ဂျင်နီယာတပ်
• ကွန်မန်ဒိုတပ်
• အစောင့်တပ်
• ခြေလျင်တပ် နှင့်
• ဆက်သွယ်ရေးတပ်

အဆိုပါ တပ်ဖွဲ့များအပြင် အောက်ပါ လက်ရုံး တပ်ဖွဲ့များလည်း ပါဝင်ဖွဲ့စည်းထားသည် -

• ထောက်လှမ်းရေးတပ်
• ဆေးတပ်ဖွဲ့
• ပြုပြင်ထိန်းသိမ်းမှု အင်ဂျင်နီယာတပ်
• ထောက်ပံ့ပို့ဆောင်ရေးတပ်
• ခဲယမ်းမီးကျောက်တပ်

စင်္ကာပူရေတပ်

စင်္ကာပူရေတပ်၏ ခေါင်းဆောင်မှာ ကာကွယ်ရေး ဦးစီးချုပ် (ရေ) ဖြစ်ပြီး လက်ရှိ်တွင် ရေတပ်ဗိုလ်ချုပ်ကြီး Chew Men Leong ဖြစ်သည်။ စင်္ကာပူရေတပ်ကို စစ်သင်္ဘောအုပ်စုများ ၊ ကမ်းခြေစောင့်တပ်များ ၊ ရေတပ် ရေငုပ်တပ်ဖွဲ့များနှင့် ရေတပ် ထောက်ပံ့ရေးနှင့် လေ့ကျင့်ရေးတပ်များဖြင့် ဖွဲ့စည်းထားသည်။
၁၉၉၅ တွင် စင်္ကာပူရေတပ်သည် ဆွီဒင်နိုင်ငံမှ Challenger အတန်းအစား ရေငုပ်သင်္ဘော တစ်စီး ရရှိခဲ့ပြီး ၁၉၉၇ တွင် နောက်ထပ် (၃) စီး ထပ်မံ ရရှိခဲ့ကာ ရေငုပ်သင်္ဘောတပ်ဖွဲ့ကို စတင် ပိုင်ဆိုင်ခဲ့သည်။ အဆိုပါ ရေငုပ်သင်္ဘောများမှ ဆွီဒင်နိုင်ငံ၏ ဘောလ်တစ်ပင်လယ်တွင် အသုံးပြုရန် ဒီဇိုင်းရေးဆွဲထားခြင်း ဖြစ်သဖြင့် စင်္ကာပူ၏ အပူပိုင်း ရေပိုင်နက်တွင် အသုံးပြုနိုင်ရန် ပြုပြင် ပြောင်းလဲမှုများ ပြုလုပ်ခဲ့ရသည်။ ၂၀၀၅ နိုဝင်ဘာ (၄) တွင် Västergötland အတန်းအစား ရေငုပ်သင်္ဘောများ ၀ယ်ယူရန် ဆွီဒင်နိုင်ငံ၏ Kockums သင်္ဘောထုတ်လုပ်ရေးနှင့် စာချုပ် ချုပ်ဆိုခဲ့သည်။ အဆိ်ုပါ အသစ်ရရှိလာမည့် ရေငုပ်သင်္ဘောများကို ၂၅ နှစ် သက်တမ်းရှိပြီ ဖြစ်သည့် Challenger အတန်းအစား ရေငုပ်သင်္ဘောများနှင့် ၂၀၁၀ တွင် အစားထိုးသွားမည်ဟု ခန့်မှန်းကြသည်။

စင်္ကာပူလေတပ်

စင်္ကာပူလေတပ်၏ ခေါင်းဆောင်မှာ ကာကွယ်ရေးဦးစီးချုပ် (လေ) ဖြစ်ပြီး လက်ရှိတွင် ဗိုလ်ချုပ် Ng Chee Khern ဖြစ်ကာ သူသည် စင်္ကာပူလေတပ်၏ ပထမဆုံး F-16 တိုက်လေသူရဲများထဲမှ တစ်ဦးဖြစ်သည်။ စင်္ကာပူလေတပ်တွင် လေတပ်စခန်းဌာနချုပ် ၅ ခု ၊ လေကြောင်းရန် ကာကွယ်ရေး တပ်ဖွဲ့ နှင့် မဟာဗျူဟာ လေကြောင်း ထောက်ပံ့ရေး တပ်ဖွဲ့ တို့ဖြင့် ဖွဲ့စည်းထားသည်။ လေယာဉ်အုပ် ပေါင်း (၂၆) အုပ်နှင့် လေယာဉ်အမျိုးအစားပေါင်း (၂၇) မျိုးခန့် ပါဝင်ကြသည်။

တည်နေရာနှင့် ရာသီဥတု

စင်္ကာပူနိုင်ငံသည် အရှေ့တောင်အာရှ မလေးကျွန်းဆွယ်၏ တောင်ဘက်စွန်းတွင် တည်ရှိသည်။ မြောက်လတ္တီတွဒ် ၁ ဒီဂရီ ၀၉ စက္ကန့်နှင့် ၁ ဒီဂရီ ၂၉ စက္ကန့် အကြား၊ အရှေ့ လောင်ဂျီတွဒ် ၁၀၃ ဒီဂရီ ၃၆ စက္ကန့် နှင့် ၁၀၄ ဒီဂရီ ၂၅ စက္ကန့်ကြားတွင် တည်ရှိသည်။ ပျမ်းမျှ အီကွေတာ၏ မြောက်ဘက်၁၃၇ ကီလိုမီတာ အကွာတွင်ရှိသည်။ အဓိက ကျွန်းကြီး အပါအ၀င် ကျွန်းပေါင်း (၆၃) ကျွန်းဖြင့် ဖွဲ့စည်းထားသည်။ စင်္ကာပူကျွန်းသည် မြေနိမ့်ပြီး နိုင်ငံ၏ အမြင့်ဆုံး နေရာမှာ Bukit Timah တောင် ဖြစ်ပြီး ၁၆၆ မီတာ (၅၄၅ ပေ) သာမြင့်သည်။ နိုင်ငံ၏ ၂၃% သည် သစ်တောနှင့် သဘာဝမြေများ ဖုံးလွှမ်းလျက် ရှိပြီး စင်္ကာပူ သစ်တောဥယျာဉ်ကဲ့သို့သော ဥယျာဉ်များဖြင့်လည်း ထိန်းသိမ်းလျက် ရှိသည်။ ဂျိုဟိုးရေလက်ကြားကို ဖြတ်ဖောက်ထားသော တံတားဖြင့် မလေးရှားနှင့် ဆက်သွယ်ထားသည်။ အရှေ့မြောက်ဘက်တွင် ဆီလီတာမြစ်ရှိသည်။ အရှေ့တောင်ဘက်တွင် ရေနက်ဆိပ်ကမ်း ရှိသည်။
စင်္ကာပူသည် အပူပိုင်း မိုးသစ်တော (အီကွေတာ)ရာသီဥတု ရှိပြီး ထူးခြားသည့် ရာသီဥတု အခြေအနေများ မရှိပဲ နှစ်စဉ် ပုံမှန် အပူချိန် ၊ စိုထိုင်းဆ နှင့် မိုးရေချိန် ရရှိသည်။ စွတ်စိုမှု မြင့်မားသည်။ နှစ်စဉ် ပျမ်းမျှအပူချိန် ၂၁ံ - ၃၄ံ စင်တီဂရိတ် ( ၇၂ံ - ၉၃ံ ဖာရင်ဟိုက်) ရရှိပြီး သမိုင်းတလျှောက် အမြင့်ဆုံးနှင့် အနိမ့်ဆုံး အပူချိန်များမှာ ၁၈.၄ံ စင်တီဂရိတ် (၆၅.၁ံ ဖာရင်ဟိုက် ) နှင့် ၃၇.၈ံ စင်တီဂရိတ် (၁၀၀ံ ဖာရင်ဟိုက်) ဖြစ်သည်။ ဇွန်လနှင့် ဇူလိုင်လများသည် အပူဆုံး လများ ဖြစ်ကြပြီး နိုဝင်ဘာနှင့် ဒီဇင်ဘာလများတွင် မိုးရွာသွန်းသည်။ နှစ်စဉ်ပျမ်းမျှ မိုးရေချိန် ၂၄၃၈ မီလီမီတာ (၉၆-လက္မ)ရှိသည်။
သြဂုတ်မှ အောက်တိုဘာလအထိ မြူ ထူထပ်လေ့ရှိပြီး ထိုလများတွင် အိမ်နီးချင်း အင်ဒိုနီးရှားနိုင်ငံမှ တောမီးလောင်ကျွမ်းမှုကြောင့် မကြာခဏ ကျန်းမာရေး သတိပေးချက်များ ထုတ်ပြန်ရလေ့ရှိသည်။

စီးပွားရေး

စင်္ကာပူနိုင်ငံသည် ငွေကြေးခိုင်မာမှုရှိပြီး နိုင်ငံတကာ ရင်းနှီးမြှုပ်နှံမှုကောင်းခြင်း၊ ကြိုးစားအားထုတ်မှုကောင်းခြင်း တို့ကြောင့် အရှေ့တောင်အာရှတွင် စီးပွားရေး တဟုန်ထိုး တိုးတက်လာသော နိုင်ငံဖြစ်သည်။ ကမ္ဘာတွင် အကြီးဆုံးဆိပ်ကမ်းမြို့ဖြစ်ပြီး သင်္ဘောကုန်တင်ကုန်ချလုပ်ငန်း အဓိက လုပ်ကိုင်သည်။ ရေနံသန့်စင် ချက်လုပ်သည်။ ရော်ဘာ၊ ကြာရှည်ခံ စားသောက်ကုန်၊ ဓာတုဗေဒပစ္စည်း၊ အီလက်ထရောနစ်ပစ္စည်းများ ထုတ်လုပ်သည်။ သင်္ဘေပြင်ဆင်သည့် လုပ်ငန်း၊ ငါးဖမ်းလုပ်ငန်း၊ ငွေကြေးဝန်ဆောင်မှုလုပ်ငန်း၊ ကမ္ဘာလှည့် ခရီးသွားလုပ်ငန်းများ ရှိသည်။

လူဦးရေနှင့် နေထိုင်မှု

စင်္ကာပူနိုင်ငံသည် လူနေမှု အဆင့်အတန်းမြင့်မားပြီး စည်းကမ်းရှိသည်။ ရုံးပိတ်ရက်နှင့် အများပြည်သူ အားလပ်ရက်များတွင် အထူးလူစည်ကားသည်။

Read More

ကျုံထော် ရေတံခွန်

ကရင်ပြည်နယ်၊ လှိုင်းဘွဲမြို့ နယ်၊ ကျုံထော် ရေတံခွန်အလှ

ဒေသခံတွေကလွဲပြီး သီးသန့်လာရောက် အပမ်းဖြေတဲ့သူကတော့ သိပ်မရှိသေးပါဘူး။ ဒီရေတံခွန်ဟာ နောင်မှာ ပြည်တွင်း ပြည်ပက အပမ်းဖြေခရီးသွားတွေ လာရောက်နိုင်မယ့် နေရာလို့ ထင်ပါတယ်။ 

Read More

You are invited to contribute travel photos, videos and articles.

စတင်တည်ဆောက်ဆဲ ဖြစ်ပါတယ်။ ခရီးသွားအချက်အလက်တွေ၊ ဆောင်းပါးတွေ ဝေမျှဖို့ ဖိတ်ခေါ်ပါတယ်။ ခရီးသွားမယ့်သူတွေ အကျိုးဖြစ်စေဖို့ ရည်ရွယ်ပါတယ်။

Read More

အရှေ့တောင်အာရှတွင် အမြင့်ဆုံး ခါကာဘိုရာဇီတောင်

တည်နေရာ
ခါကာဘိုရာဇီတောင်သည် အရှေ့တောင်အာရှ နိုင်ငံ အားလုံးထဲ မှာ အမြင့်ဆုံး တောင် ထိပ်ပဲ ဖြစ်ပါတယ်။ ဒုတိယ အမြင့်ဆုံးဖြစ်တဲ့ အင်ဒိုနီးရှားက ပေပေါင်း ၁၄၅၀၀ ကျော်မြင့် တဲ့ နာဂပုလု (Naga Pulu) ထက် ပေပေါင်း ၃၀၀၀ ကျော် ပိုမြင့်ပါတယ်။ခါကာဘိုရာဇီတောင် သည် ဟိမ၀န္တာတောင် တန်းနှင့်
ဆက်စပ်နေပြီး ပင်လယ်ရေမျက်နှာပြင် အထက် ၅၈၈၁ မီတာ (၁၉၂၉၆ ပေ)မြင့်ပါသည်။
အချို့မှတ်တမ်း မူကွဲများတွင် ၁၉,၃၁၄ ပေ မြင့်သည်ဟု ဆိုကြပါသည်။ မြောက်လတ္တီတွဒ် ၂၈°၁၈' နှင့် အရှေ့လောင်ဂျီတွဒ် ၉၇°၃၂' ကြားတွင်ရှိသည်။ သည်တောင်ရှိရာ ဒေသ သည် တစ်နှစ်ပတ်လုံး ဆီးနှင်းများ အစဉ်ဖုံးလွှမ်းနေပါသည်။တိဗတ်နှင့် မြန်မာ နယ်စပ်လည်းဖြစ်ပါသည်။


အမည် ၏ အဓိပ္ပာယ်
ခါခါဘိုရာဇီ သည် တိဗတ်အမည်ဖြစ်ပြီး  ခါဆိုသည်မှာ နှင်းဖြစ်ပြီး ခါဘို မှာ အဖြူဟု သတ်မှတ်သည်။
ခါကာဘိုရာဇီ အမည်သည် ကချင်ပြည်နယ် ရ၀မ်လူမျိုးများ ၏ စကားဖြစ်ပြီး ခါကာပူ ဆိုသည်မှာ အသံ
ထွက်ခြင်း /ပြောခြင်း ၊ ရာဇီမှာ တောင်ကို ခေါ်သည်။အသံထွက်သောတောင် ဟု အဓိပ္ပာယ်ရသည်။
စတင်ရောက်ရှိသူများ
ခါကာဘိုရာဇီတောင် ကို ၁၉၂၃ တွင် အိန္ဒိယမြေတိုင်း အဖွဲ့ အလုပ်သဘောလာရင်း စတင်တွေ့ရှိခဲ့သည်
ဟု ဆိုကြသည်။ဒီတောင်ပေါ်သို့ ယနေ့အချိန်အထိ ဂျပန်နိုင်ငံသား တစ်ဦးသည် လမ်းပြ တိဗတ်လူမျိုး
မြန်မာနိုင်ငံသားတစ်ဦး၏ အကူအညီဖြင့် တတ်ရောက်နိုင်ခဲ့သည်။ မှတ်တမ်းအရ ထိုနှစ်ဦးသာ ဖတ်ဖူးပါသည်။ ၁၉၉၆ လောက်ဟုထင်ပါသည်။(ကျွန်တော်ဖတ်ဖူးသာ ကြာပြီဖြစ်သဖြင့် ခုနှစ်လွဲမှားလျှင်
ခွင့်လွှတ်ကြပါ)ယနေ့ခေတ် ၂၀၁၃ လောက်တွင် မြန်မာ တောင်တက်အသင်းမှ အဖွဲ့တစ်ဖွဲ့ တောင်ခြေ
အထိရောက်ခဲ့သည် ဟု ဂျာနယ်တစ်ခုတွင် ဖတ်လိုက်ရပါသည်။

ပေါက်ရောက်ရာအပင်များ
ဒီတောင်ရှိရာ ဒေသ တွင် အသက်ရှည်ဆေးဟု နာမည်ကြီးသော မချစ်ဥ များပေါက်ပါသည်။
ရေခဲတောင်ဒေသတွင် အမြင့်ပေ ၄၀၀၀ ၀န်းကျင်မှစ၍ အပင်ကြီးများ မပေါက်ရောက်နိုင်ပေ။ ကျူဝါးပင်များနှင့် တောင်ပေါ်မြက်ခင်းများ ပေါက်ရောက်လေသည်။ ကျူဝါး မြက်ဂေဟ စနစ်သည် ရေခဲလိုင်းကို သတ်မှတ်ပေးသည်။ ယင်းဂေဟစနစ် ကြောင့်လည်း ရေအရင်းအမြစ်ရှိနေသည်။ ကျူဝါးမြက်ဂေဟစနစ်နှင့် အတူ မီတာ ၃၀၀၀ တွင် ၀က်သစ်ချ၊ ထင်းရှူး၊ မေပယ်လ်နှင့် မိုးမခပင်များ ပေါက်ရောက်သေးသည်။ အပြန် အလှန်အကျိုးပြုနေသော ဂေဟစနစ် များပင်ဖြစ်သည်။

လူမျိုးများ

ဒီတောင်ရှိရာဒေသတွင်တိဘတ် ၊ ကချင် ၊ ထလု ၊ ထရုန် လူမျိုးများနေထိုင်ကြပါသည်။
ထရုန်လူမျိုးသည် မျိုးဆက်ပျောက်ကွယ် မတက် ဖြစ်နေသည်။

ယနေ့ အခြေအနေ

ယခု အခါတွင်တော့ သစ်ပင်သစ်တောများ ထုတ်ယူသုံးစွဲမှု၊ ရှားပါး အပင်များ၊ ရေခဲတောင်ဒေသတွင် ပေါက်ရောက် သည့်အပင်များအား ထုတ်ယူသုံးစွဲမှု များလာခြင်းက ဂေဟစနစ်ကို ပျက်စီး လာစေသည်။ ရေခဲလိုင်းများကို မြင့်တက်လာစေသည်။
  ယခုအခါ ခါကာဘိုဒေသနှင့် ဖုန်ကန်ရာဇီ တောင်ခြေဒေသတို့၌ ထင်း နှင့် အခြားအသုံးပြုမှု၊ စီးပွားဖြစ် ထုတ်ယူသုံးစွဲလာမှုတို့က ဂေဟစနစ် ကို ပျက်စီးလာစေခဲ့ပြီ။
ကျူဝါးမြက်ဂေဟစနစ်တွေ ပျက်စီးလာတဲ့အတွက် အခုဆိုအပူချိန်တွေ  မြင့်တက်လာသည်။  ရေခဲဖုံးဒေသ တွေမှာ ရေခဲတွေအချိန်စော အရည်ပျော်ကျလာသည်။  ရေခဲလိုင်းတွေက လည်း အမြင့်ပေ ၃၅၀၀ ကနေ ၄၀၀၀ လောက်အထိ မြင့်တက် သွားသည်။ အရင်တုန်းက ရေခဲလိုင်းကို အမြင့်ပေ ၇၀၀၀ လောက်မှာစပြီး တွေ့နိုင်ပေမယ့် လွန်ခဲ့တဲ့ လေး၊ ငါးနှစ်လောက်ကစပြီး ရေခဲလိုင်းတွေကို ပေ ၁၀၀၀၀ ကျော် လောက်မှာမှ စတွေ့ရပါတော့သည်။

(မှတ်ချက်။ ။ ဓာတ်ပုံနဲ့ အချက်အလက်တွေကို နေခရမ်းရဲ့ ဘလော့ဂ်ကနေ ပြန်လည် မျှဝေပါတယ်။)

Read More

ဆဒုံး (ခေါ်) လန်နခ ရေတံခွန်၊ ကချင်ပြည်နယ်

ဒီနေရာလေးကတော့ မြစ်ကြီးနားမြို့ ကိုအလည်ရောက်လာတဲ့ မိတ်ဆွေ များကို လည်ပတ်ဖို့ တစ်နေရာအဖြစ် တည်ရှိခဲ့ တာမကြာသေးပါဘူး။

တည်နေရာ

ဆဒုံးရေတံခွန် ဟာ ကချင်ပြည်နယ်ရဲ့  ကိုလိုနီခေတ်က နယ်ခြဲ့ များကို တော်လှန်ခဲ့ တဲ့  ဆဒုံးခံတပ်ဟောင်း တည်ရှိခဲ့ ရာ ဆဒုံးမြို့ နဲ့  မိုင်အနည်းငယ်မျှ ကွာဝေးတဲ့နေရာလေးမှာ တည်ရှိပါတယ်။ ဆဒုံး ရေတံခွန်ဟာ မြစ်ကြီးနားမှ ၀ိုင်းမော်၊ ၀ိုင်းမော်မှ ကန်ပိုက်တီ (တရုတ်နယ်စပ်)မြို့ သို့ ကုန်သွယ် ကူးသန်းရာ တရုတ် လုပ်သားများ လာရောက် ဖောက်လုပ်ထားတဲ့ လမ်းမကြီးဘေးမှာပဲ တည်ရှိ ပါတယ်။

လမ်းခရီး နှင့် အတွေ့ အကြုံ

မြစ်ကြီးနားမှ ဆဒုံးသို့ မိုင်(၄၀)ကျော် ကွာဝေးပါတယ်။  လမ်းခရီး ကောင်းပြီး တောတောင်များကို ဖောက်လုပ်ထားတဲ့  လမ်းမကြီး တစ်လျောက်ကလည်း

အကွေ့ အကောက်အတက်အဆင်းများနဲ့ စိတ်လှုပ်ရှားစရာတစ်ခုပါပဲ။ နေ့ စဉ် တရုတ်ပြည်နယ်စပ်တို့ ကုန်သွယ်ခရီးသွားလာသူများမပြတ်တာကြောင့်..ခရီးလမ်းစည်ကားပါတယ်။

ဆဒုံးရေတံခွန် ဟာ ယခင် မထင်မရှားတည်ရှိခဲ့ စဉ်က စားသောက်ဆိုင် နဲ့ ဓာတ်ဆီ အရောင်းဆိုင်များကျဲပါးပြီး..ထိုစဉ် က စားသောက်စရာများ၊ဓာတ်ဆီများကို မြစ်ကြီးနား(သို့ )၀ိုင်းမောမြို့ ဘက်ကနေ အပြည့် ထည့်ပြီး အပျော်ခရီး သွားလာခဲ့ ကြပါတယ်။

ယခုကတော့….ထိုနေရာကိုအပန်းဖြေနေရာတစ်ခုအဖြစ်တည်ရှိစေလိုသောကြောင့် …လန်နခဟု အမည်တွင်စေပြီး ဆိုင်ကယ်၊ ကားရပ်နားရန်နေရာ နှင့် စားသောက်ဆိုင်များ၊ ဓာတ်ဆီအရောင်းဆိုင်များဖြင့် စည်ကားနေပါတယ်။

ရေတံခွန်အသွင်အပြင်

တောင်မြင့်ပေါ်မှ သဘာဝအတိုင်းစီးဆင်းလာတဲ့ ၊ကျဆင်းလာတဲ့ ရေတံခွန်တစ်ခုဖြစ်ပါတယ်။ရေတံခွန်မှာ မတ်စောက်သောတောင်ပေါ်မှစီးကျလာပြီး(၈)ဆင့်မျှရှိသည်ဟုပြောဆိုကြသော်လည်း

တကယ်တမ်းရေတံခွန်မှာမတ်စောက်ခြင်း၊ကျောက်ဆောင်ပေါ်တွင်တည်ရှိသောကြောင့်အလွတ်တမ်း ဆင်းတက်ရန်အနည်းငယ်ခက်ခဲပါတယ်။တက်ရောက်သူများလည်းမတော်တဆမှုများရှိခဲ့သောကြောင့် တာဝန်ရှိသူများမှအသိပေးဆိုင်းဘုတ်များဖြင့်မတက်ကြရန်လည်းသတိပေးထားပါတယ်။ထိုကြောင့် လာရောက်သူအများစုမှာ…အဆင့်(၄)ဆင့်ထိသာတက်ရောက်ကြတာများပါတယ်။

တောင်ကြားပေါ်မှ ကျဆင်းလာသောရေဟာ ကြည်လင်အေးမြလျက်ရှိပါတယ်။လာရောက်အပန်းဖြေသူများရေဆော့ကစားတက်ကြပြီး အမှတ်တရ ဓာတ်ပုံရိုက်ကူးရန်အတွက်နေရာကောင်းတစ်ခုလည်းဖြစ်ပါတယ်။ ယခင် ရေတံခွန် သို့ အတက်အဆင်းနေရာများ၊ချောင်းသို့ ကူးရန်နေရာများမှာ အဆင်သင့်မရှိသော်လည်း၊ယခုအခါ လေလံဆွဲထားသော ကုမ္ပဏီမှ အဆင်းအတက်လမ်းများဖောက်လုပ်ခြင်း၊တံတားထိုးထားခြင်းကြောင့်

ရေတံခွန်သို့ သွားရောက်ရန်လွယ်ကူလာပါတယ်။တောတောင်အလှအပများ ကိုခံစားရင်းခရီးသွားလာခြင်းနှစ်ခြိုက်တက်သူများ၊ခရီးဆန်းဆန်းသွားလာတက်သူများအတွက်ဆဒုံးရေတံခွန် သို့ အလည်အပတ်ခရီးဟာအပန်းပြေစိတ်လန်းဆန်းစေမှာအသေအချာဖြစ်ပါတယ်။

ဆဒုံး(ခေါ်)လန်နခရေတံခွန်အနီး ၀ါးတံတားပေါ်တွင် Shayi Fashion အတွက်အဆိုတော် မော်ဒလ် ချမ်းချမ်းမှ အလှပြရိုက်ကူးထားတဲ့ ပုံဖြစ်ပါတယ်။

(မှတ်ချက်။ ။ ဒီဆောင်းပါးကို http://www.myitkyinaonline.com ကနေ ပြန်လည် ကူးယူ မျှဝေပါတယ်။

Posted on Nov 30, 2011 by TaZaung)

Read More

ACL ကားအငှား ကြော်ငြာ - 2013

Read More