"မြို့လန်ဒန်၏ ရှုခင်းအလှ"
"သူတို့ဆီမှာဖြင့်"
သို့…… မှ……
အယ်ဒီတာ ဒေါ်ဒဂုန်ခင်ခင်လေး
ယုဝတီ နေရှယ်နယ်ဟိုတယ်
ခေတ္တ၀ါရှင်တန်မြို့
အယ်ဒီတာ ဒေါ်ဒဂုန်ခင်ခင်လေး
ယုဝတီ နေရှယ်နယ်ဟိုတယ်
ခေတ္တ၀ါရှင်တန်မြို့
ယုဝတီ၏ ယုဝတီများထံသို့ ၀ါရှင်တန်မှနေ၍…..
ဒုတိယအကြိမ်မြောက် စာရေးလိုက်ပါသည်။ ထားခဲ့တဲ့ဂတိအတိုင်း လွန်ခဲ့တဲ့အပါတ်က ဆက်ရန်မှ နေသေးတဲ့ Tower of Lodon,အကြောင်းရေးရအုံးမယ်။
(Tower of London)တာဝါအော့(ဖ) လန်ဒန်၊ လန်ဒန်ပြတိုက်လို့ ခေါ်နေကြတဲ့ အထက်ပါ အဆောက်အဦးကြီး ကို ရောက်သွားတယ်။ ဆန်းမားဟော်လီဒေး၊ နွေဥတုရက် အားနဲ့သွားတိုးနေလို့ စည်လိုက်တဲ့ လူတွေဟာ မနည်းပါဘူး၊ မမခင်တို့ ရန်ကုန်မှာ တပေါင်းပွဲတော်ကို တောက ဘုရားဖူး လာကြရင်း ကန်တော်ကြီးတို့ တိရိစ္ဆာန်ရဲတို့ကို လျှောက်ကြည့်သလိုပေါ့။ မိန်းကလေးတွေ၊ ယောက်ျား ကလေး တွေ အဖိုးအို အဖွားအို ဘုစုခရုမကျန်လာကြတယ်။ ဟိုကြည့်သည်ကြာည့်….. တချို့ကလဲ လက်စွဲ ကင်မလာလေး တွေနဲ့ တဖြတ်ဖြတ်ရိုက်ကြတာဟာ မမောနိုင်-မပမ်းနိုင်ပါဘဲလေ။
အဲသည်ရဲတိုက်ကြီးဟာ ရှေးက မေရီဘုရင်မတို့တံခိုးကြီးစဉ်က နေထိုင်သွားတဲ့ ရဲတိုက် နန်းတော်ေ ဟောင်းကြီးဖြစ်တယ်။ သိမ်းမြစ်ကမ်းပေါ်မှာ ကျောက်ချပ်ပြားကြီးတွေနဲ့ ခိုင်ခန့်စွာ မျှော်စဉ်ကြီးတွေ၊ အုတ်နံရံကြီးတွေ ရံဝိုင်းပြီး တဘက်ကလဲ ကျုံးမြောင်းခလုတ် ကတုတ်ရင်တားတွေ ၀ိုင်းလျက် တွေ့ရတယ်။ (bloody tower) ဘလပ်ဒီတာဝါး သွေးသောက်မျှော်စင်ဆိုတဲ့နေရာဟာ နာမည်အဆိုးဆုံးပေါ့။ အဲဒီနေရာမှာ သိမ်းမြစ်ထဲကနေပြီး ရဲတိုက်ထဲ ဒေါက်လျှောက်ဝင်နိုင်တဲ့ ရေတံခါးကြီးရှိတယ်။ ပုန်ကန်တဲ့သူတွေ အပြစ် ကြီးကျယ် တဲ့ ရာဇ၀တ်ကောင်တွေဆိုရင် ရေလမ်းကဖမ်းယူလာပြီး ဒီတံခါးကြီးကနေပြီး သွင်းရသတဲ့။
အဲဒီရေတံခါးကသွင်းတဲ့ ရာဇ၀တ်ကောင်မှန်ရင်လဲ ဘယ်တော့မှ ပြန်လမ်းမရှိဆိုဘဲ။ နောက်မေရီ ဘုရင်မ ၏ သတ်ဖြတ်သုတ်သင်ခြင်း ခံရတဲ့ မင်းသမီး-မင်းသား၊ ဆွေတော်၊ မျိုးတော်များကို ခေါင်းဖြတ်ရာ ကျောက်ပြားကြီး ကိုလည်း အမှတ်တရ ပြသထားသေးတယ်။
ရက်ရက်စက်စက် အုပ်ချုပ်ရတဲ့ ရှေးခေတ်တုန်းကဆိုလျှင် ဘယ်နိုင်ငံက ဘုရင်ဖြစ်ဖြစ်၊ သည်နည်း အတိုင်း အနည်းအများတော့ရှိကြတာဘဲ။
မြန်မာပြည်က သီပေါမင်းလက်ထက်ကို အင်မတန်ဆိုးဝါးရက်စက်တယ်လို့ တချို့အင်္ဂလိပ်များက နှာခေါင်း ရှုံ့ချင်ကြလျှင် အင်္ဂလန်မှာလဲ ဒါမျိုးမကင်းတဲ့ ခေတ်ရှိခဲ့သေးတယ် ဆိုတာ ကိုယ်ချင်းစာတို့ ကောင်း ပါတယ် နော်။
ဒီရဲတိုက်အလယ် လူသတ်ကျောက်ပြားနှင့် မနီးမဝေးမှာ မြက်ခင်းပြင်ကလေးတခုရှိတယ်။ အဲဒီ မြက်ခင်း စိမ်းလဲ့လဲ့ ကလေးပေါ်မှာ ဧရာမကျီးကန်းကြီး သုံးလေးကောင်ကို တွေ့ရသေးတယ် တကောင်လျှင် မမခင် တို့ မြန်မာပြည်က ကျီးကန်းကြီးသုံးကောင်စာလောက် ကြီးမားတယ်။ သူတို့အနီးအပါးမှာ ခိုတွေ စာကလေး တွေလဲ ရှိတယ်။
တခါတခါ ကျိးကန်းတွေက ခိုလေးတွေ၊ စာလေးတွေကို နှုတ်သီးကြီးတွေနဲ့ ထိုးဖေါက်ပြီး စားပစ် လိုက်တာဘဲတဲ့။ ဗမာပြည်က ကျီးကန်းတွေလို ဟိုပျံလိုက်…ဒီနားလိုက် ကျီးကန်းတောင်းမှောက် မျက်လုံးမျိုး နဲ့ ပြာယီးပြာယာ ရုပ်လက္ခဏာမျိုး မရှိဘူး။ ဘေးက၀ိုင်းကြည့်တဲ့လူတွေကိုလဲ သိပ်ဂရုမစိုက်လှဘူး။ ခပ်တည်တည် ဘဲ မြက်ခင်းပေးမှာ နားနေကြတယ်။
သူတို့ရဲ့ ထူးဆန်းတဲ့သဘောတရားကို မေးကြည့်တော့မှ….
ရှေးအခါက ရာဇ၀တ်သားတွေ သတ်ဖြတ်ပြီးတဲ့အခါ… အဲဒီ ကျီးကန်းတွေ ထိုးဖောက်စားကြမြဲဖြစ်တယ်။ ရဲတိုက်ကြီး မှာ အစဉ်အဆက်အတိုင်း မှီခိုနေထိုင်ပြီး ပေါက်ဖွားလာကြတဲ့ ကျီးမျိုးအဆက်ဖြစ်တယ်။
ဒီရဲတိုက်မှာ ကျီးတကောင်မှမရှိလျှင် အင်္ဂလန်ထီးနန်း အဆက်ပြတ်သွားတယ်လို့ အင်္ဂလိပ်လူမျိုး တချို့ အယူသီး ကြသတဲ့….။
ဒါကြောင့်ဒီကျီးတွေကို အမြဲတန်းခြောက်ကောင်ရှိအောင် မွေးကျွေးထားတယ်။ သူတို့ကိုကျွေးမွေးရန် သားငါး စတဲ့ စားစရိတ်နဲ့ အထိန်းတော်တယောက်ကို အမြဲလခပေးထားရ တယ်လို့ သိရတယ်။ တကောင် တလေ သေသွားရင်လည်း အစားရှာပြီး ထားရသတဲ့။
လန်ဒန်မှာ ထူးဆန်းတာက မြို့ပေါ်မှာ ကျီးတကောင်မှမရှိဘူး။ တောဘက်မှာ သွားရှာမှ ကျီးကို တွေ့ရတယ်။ သူတို့မှာ ဘာတခုမှ လွှင့်ပစ်စရာနေရာမရှိဘူး။ အမှိုက်ပုံးထဲရောက်အောင် ထုတ်ပြီး ပို့ကြတယ်။ အမှိုက်ပုံးတွေကလည်း အဖုံး တွေနဲ့။ ဗမာပြည်မှာလို အစားအစာ အကျွင်းအကျန်တွေ စွန့်ပစ်ပုံ မသရမ်းအောင် စည်းကမ်းကြီးတယ်။
မေခင်တို့ဆီမှာဖြင့် အမှိုက်ပုံတွေမှိုလိုပေါက်…. ကျီးတသောသော…. ခွေးဝဲစားတွေ တရုန်းရုန်း…… ယင်ကောင်တွေ တ၀ုန်းဝုန်းနဲ့……။ ဒါကြောင့် မမခင်တို့ဗမာပြည်မှာ ရောဂါအန္တရာယ် ထုပ်ထပ် ပေါများ သလောက် သူတို့ဆီမှာ လေကောင်းလေသန့်နဲ့ အစားအသောက်တွေ အချိန်မှန်မှန် အနေအထိုင် သန့်ရှင်း သပ်ရပ်ခြင်းတွေကြောင့် ရောဂါအန္တရာယ်ကင်းပြီး အသက်ရှည်ကြတယ်လို့ ဆိုင်ရင် မှားမယ် မထင်ဘူး။
အသက်ရှည်တဲ့ လူတွေဘယ်လောက် ပေါသလဲဆိုရင် လူဦးရေရှစ်သန်းလောက်ရှိတဲ့ လန်ဒန်မြို့ တမြို့ ထဲမှာဘဲ ဘယ်နေရာသွားသွား…. ရှစ်ဆယ်ကျော် အဖွားကြီးအိုကြီးတွေကို တိုက်မိမှာဆိုးလို့ ရှောင်ရှား သွားရတာ အမောပါဘဲ။ အင်းလေ….. ရဲတိုက် အကြောင်းရေးရင်း က အမယ်ကြီးတွေဘက် လှည့်သွားလို့ မဖြစ် ချေ သေးဘူး။
ရဲတိုက်ထဲမှာ မေရီဘုရင်မ နေထိုင်သွားတဲ့ အဆောင်တွေ တခြားနိုင်ငံက သိသမ်းပိုက်ရရှိဘူးသမျှ လက်နက် မျိုးစုံတွေ သိုလှောင်ပြသထားတဲ့ အဆောင်ကြီးတွေ၊ ဘုရားကျောင်းနှင့် မျှော်စင် အရပ်ရပ် တို့အပြင် မျှောက်စင်တခုမှာတော့ အင်္ဂလန်ပြည်မင်းတို့နှင့် ပြုလုပ်ထားသည့် သရဖူအမျိုးမျိုး အဆောင် အယောင် တံဆိပ် ဘယက်အမျိုးမျိုးတွေကို အလှပြထားသည်။
အစောင့်အရှောက်တွေလဲ ရှေးနန်းတွင်း အ၀တ်အဆင် တိုင်းလုလင်တို့ အ၀တ်အတိုင်း ၀တ်ထားတဲ့ အတွက် သူတို့လူမျိုး နောင်လာနောက်သားလေးတွေက ရှေးဖြစ်ဟောင်းအောင့်မော့ ဘွယ်ဖြစ်လာပြီး အဲဒီ မင်းလုလင်ကြီး တွေနဲ့ ဓါတ်ပုံတွဲရိုက်တဲ့ လူမရှား၊ သူတို့ပြောဟောတဲ့ ရာဇ၀င်တွေကို စိတ်ဝင်စားစွာ စူးစိုက် နားထောင်ကြနဲ့ မမခင်တို့ ငယ်ငယ်က မန္တဘေလးနန်းတော်ကြီးထဲ ရောက်သွားတဲ့အခါ…. သက္ကလပ် အနီစလွယ် မှာ အလယ်ကကြေး ဒိုင်းခွက်ကြီးတွေနဲ့ နန်းတော်စောင့်ဗမာ ပြာတာကြီးတွေကို သွား သတိရမိတယ်။
ဒါကမှန်ဆောင်ကွဲ့။ ဟောဒါက ပွဲကြောင့်ဆောင်ကွဲ့။ ဒီဟာက သီဟာသန ရာဇပုလ္လင်ခေါ် တယ်။ သွားမတက် နဲ့နော် ၀မ်းကျပြီး သေသွားမယ်နဲ့ မှတ်မိပါသေးရဲ့၊ အောင်ဗလလိုတော့ မကျိန်ပရစေနဲ့နော်။
ဒါပေမဲ့ ယခုအခါ၊ ရှုစရာ၊ နန်းတော်တခုသာ ကျန်တော့တယ်ဆိုတဲ့ သီချင်းကို တော်လှန်လိုက်ပြီ ရှုစရာ နန်းတော်လဲ မရှိတော့ပြီ၊ ပြာပုံနှင့် မြို့ရိုးပျက် ကျုံးပတ်လည်မျှသာ ရှိပါတော့ကလားဟု နောက်တခေတ် လူများ အဘို့ ၀မ်းနည်းကြေကွဲစရာ ကောင်းလှပေတော့သည်။
အဲဒီအဘိုးတန် စိန်ကျောက်ရတနာတွေ စီချယ်တဲ့ သရဖူတွေပြထားရာ၊ ပြခန်းကြီးကို ၀င်ကြည့်ရာတွင် ၀င်လိုသော လူတန်းကြီးမှာ ၂ယောက်တတွဲစီနှင့် တမျှော်တခေါ်ကြီး နေ့စဉ် နေ့စဉ် ဤသို့နှင်နှင် တည်း ဆိုသလိုပေါ့။
နွေဥတုနားရက်ကြောင့်၊ တောလူသိုက်ကျ၍ချည်းမဟုတ်။ စာသင်ကျောင်းတွေက ကျောင်းသား တွေ ကလဲ ရာဇ၀င်သင်ခဏ်းစာကို ဆရာတွေနဲ့ လက်တွေ့ဆည်းပူးလာကြသည်မှာ တနေ့လျှင် ၄၊၅ ကျောင်း အလှည့်ကျ ပေးထားတာတောင် ကျောင်းတွေကများလွန်းတော့ ရက်မလောက်မငှ ဖြစ်ရသတဲ့၊ ဗမာနိုင်ငံ က ကျောင်းသားလေးတွေရဲ့ အခြေနဲ့မကွာဘူးလားနော်။
ရတနာရောင်တဖြတ်ဖြတ်နဲ့ စင်းဝင်းလက်နေတဲ့ သရဖူတွေကို တအံ့တသြအထဲရောက် တဲ့အခါ မြင်ရတော့တာပါဘဲ…။ အင်္ဂလန်ပြည်မှာ တဆက်ပြီးတဆက် နန်းတက်သွားကြတဲ့ ရှင်ဘုရင်များ၏ သရဖူ တွေပေါ့။
အဲဒီအထဲမှာ ပဉ္စမမြောက် ဂျော့ဘုရင်နဲ့ မိဖုယားဆောင်းတဲ့ သရဖူ ၂ခုကို သဘောအကျဆုံးဘဲ။ ဂျော့ဘုရင် မင်းဆက်မှာ ၀ိတိုရိယဘုရင်မကြီး လက်ထက်ကစပြီး သားဧဒွက် ဘုရင်မြေးဂျော့ဘုရင် (ပဉ္စမ) တိုင်အောင် အကြီးပွားဆုံး အတိုးတက်ဆုံးခေတ်ဖြစ်လို့ သရဖူတွေမှာ စိန်ကောင်း ကျောက်ကောင်း အလုံးကြီး တွေ အဘိုးတန်တွေ ပါဝင်တယ်လို့ ယူဆရန်ရှိတယ်။
ယခုအချိန်မှာဆိုလျှင်။ စီးပွားရေး အခြေနိမ့်နေခိုက်ဖြစ်လို့ ဒီထက်ကောင်းတဲ့ သရဖူမျိုးကို မလုပ်နိုင်တဲ့ အတူတူ အယ်လီဇဘက် ဘုရင်မ ဘိသိတ်ခံလျှင် ဘိုးတော်ဘွားတော်များရဲ့ သရဖူကိုဘဲ တော်တဲ့ဟာ ယူဆောင်း တော့မယ်လို့ ရည်ရွယ်ထားကြသတဲ့။
ခေတ္တ၀ါရှင်တန်မြို့။
xxxxxxxxxxxxxxxxxxxxxxxx
သို့…… မှ……
အယ်ဒီတာ ဒေါ်ဒဂုန်ခင်ခင်လေး
ယုဝတီ နေရှယ်နယ်ဟိုတယ်
ခေတ္တ၀ါရှင်တန်မြို့
ဝါရှင်တန်မှာ ၂ပါတ်မျှ လှည့်လည်ကြည့်ရှုပြီး နယူးယောက်မြို့သို့ ပြန်လည်အနားယူခိုက် ဖြစ်သော်လည်း ဟိုတယ်တွင်ရပ်နားချိန်ရယ်လိုမရ။ နေထွက်မှ နေ၀င်သွားလာ ကြည့်ရှုရသည့် အလုပ်များကြောင့် အချိန်ကို အနိုင်နိုင် လု၍ ဒီစာကိုရေးလိုက်ရပါသည်။
နယူးယောက်မြို့ကြီးရဲ့ ရှုကွင်းအလှတွေကလဲ အံ့သြကုန်နိုင်ဘွယ်လေတည့်မှ ဆိုသလိုပါဘဲ။ အရင် တပါတ်က ကျန်နေသေးတဲ့ ရေးစရာများကို ဆက်ရေးချင်ပါသည်။ လန်ဒန်မြို့ သိမ်းမြစ် တဘက်ကမ်း မှာ ရှိတဲ့ Hampton coupt palage (ဟမ္မတန်ကုတ်ပဲလေ့စ်)ခေါ်တဲ့ နန်းတော်ဟောင်းကြီးကို သွားကြည့် သည်
အဌမမြောက် ဟင်နရီဘုရင်တို့အဆက် စံမြန်းခဲ့တဲ့နန်းတော်ဟောင်းကြီးပေါ့။ အင်္ဂလိပ် သက္ကရာဇ်၊ တထောင့်ငါးရာကျော်ဆီလောက်က ဆောက်လုပ်ခဲ့တဲ့ အဆောက်အဦးကြီးမှာ အခန်းခန်း အဆောင်ဆောင် အရောင် မပျက် ယခုထက်တိုင် ဖိတ်ဖိတ်လက်တွေ့ရတယ်။ နန်းတော်ကြီး၇ဲ့ ပမာဏကို မှန်းဆရမယ်ဆိုရင် မမခင်တို့ ရန်ကုန်က အတွင်းဝန်များရုံလို အဆောက်အဦးမျိုးများ ၄ခု ယှဉ်ကပ်ထားသလိုပါဘဲ။ သို့သော် လည်း ကြီးမားတဲ့ ဒုဒယ်ချင်းတော့ နန်းတော်ကြီးကပိုလိမ့်မည်။
သာယာတဲ့ ပန်းမျိုးစုံ၊ သစ်ပင်ကြီးငယ် မြက်ခင်းပြင်၊ ရေယဉ်စမ်းတွေနဲ့ ကျယ်ဝန်းတဲ့ ဥယျာဉ်ကြီးကတော့ လျှောက်လို့ မဆုံးနိုင်ပါဘူး။ အကြည့်လာကြတဲ့ ပရိတ်သတ်ကလဲ တသဲသဲဘဲ။ ဥယျာဉ်ထဲမှာ စားစရာ ရောင်းတဲ့ ဟော်တယ်ကလေးကလဲ ပရိတ်သတ်ကို ဖွေးနေတာပါဘဲ။
နန်းတော်၇ဲ့ အ၀င်ပေါက်အတွင်းဘက်မှာ ရှေးအခါက အင်မတန်လက်စွမ်းမြောက်ခဲ့တဲ့ နာရီကြီးတခုကို တွေ့ရတယ်။ နာရီလက်တန်ဟာ အချိန်ကိုပြရုံမက နေ့ရက်လရာသီ နက္ခတ်တာရာကိုပါ သိနိုင်အောင် နာရီရဲ့ မျက်နှာပြင်မှာ တခါတည်း ပြထားတယ်။
ယခုတော့ နာရီကြီးဟာ စက်မသွားနိုင်တော့ပါဘူး။ နောက်ဟင်နရီ ဘုရင်ရဲ့စားတော်ကဲများ ချက်ပြုတ်ရာ ပွဲတော်ဖို မီးဖိုချောင်ပေါ့လေ။ အိုးတွေခွက်တွေ အသားကင်တဲ့ ကြေးတံစို့ကြီးတွေဟာ လက်ရာ ခြေရာ မပျက်သိုပြထားတယ်၊ ဘာသွားသတိရသလဲဆိုရင် ရော်ဘင်ဟုဒ်ဇာတ်ကားထဲမှာ နန်းတော် အတွင်း သောက်စားကြတဲ့ ပုံသဏ္ဍာန်တွေကို သွးသတိရမိတယ်၊ ရှင်ဘုရင်၏ ၀ိုင်အရက် သိုလှောင်ရာ အခန်းကြီးလဲ တွေ့ရသည်။
တောကစားထွက်ရာက ပစ်ခတ်ရလာတဲ့ သားကောင်များ၏ချိုနှင့်ငှက်ကောင်လေးများ ချိတ်ဆွဲ ထားရာက အရိုးချည့်ဖြစ်နေဒါ ယခထိကြည့်နိုင်သေးတယ်။ ဟင်နရီဘုရင်ဟာ စိတ်ဆတ်သလောက် အစားလဲ ကြူးဟန်တူပါရဲ့၊ ဗမာ့ရာဇ၀င်မှာ နာမည်ကြီးခဲ့တဲ့ နရသီဟပတေ့ ဘုရင်လိုပေါ့၊ နန်းတော်ကြီး၏ အပေါ်ထပ် များမှာတော့ မရေတွက်နိုင်တော့သလောက် များပြားတဲ့ အဆောင်တွေမှာ နံရံနှင့် မျက်နှာ ချက် ရှိသမျှလူ၏ နှစ်ကိုယ်စာလောက်ရှိတဲ့ ဆေးရောင်စုံ ပန်းချီရုပ်ဇာတ်နိပါတ်နဲ့ ချည်းနှင်နှင် ရေးချယ် ထားတာ ကို အရောင်မပျက် ဖုံးမတင် မြူမကပ်ဘဲ၊ လတ်လတ်ဆတ်ဆတ် မြင်ရတော့ သူတို့ရဲ့ ရှေးကျတဲ့ သုခုမတို့ ငါ့ခုမတို့ ကွယ်ပျောက်မတတ် ဖြစ်နေလို့၊ ယခုလွတ်လပ်တဲ့၊ ဘ၀ရောက်မှ ရသမျှကလေး လိုက်လံ သိမ်းကောက်စ ပြုနေရတယ်။
ပန်းချီဆေးမျယ်တဲ့ နံရံတွေမှာ ဆိုရင်လဲ "ဟမ္ပတန် နန်းတော်ကြီးမှာ စံနေသွားကြတဲ့ ရှင်ဘုရင် မိဖုယား မင်းသား မင်းသမီးတွေရဲ့ ပုံတူဆီးဆေးကားတွေ ကမ္ဘာကျော် စာရေးဆရာကြီးတွေ ကဗျာဆရာကြီးတွေ၊ ပန်းချီဆရာကြီးတွေရဲ့ ပုံတူဆီဆေးကားကြီးတွေလဲ ဆွဲချိတ်ထားတာ ခန်းလုံး ပြည့်ကြည့်မကုန်နိုင်ပါ။
စက်ရာသလွန်လို့ ဗမာလိုခေါ်ကြတဲ့ သူတို့ရဲ့ရှင်ဘုရင် မိဖုယားတွေ အိပ်သွားတဲ့ သူတို့ရဲ့ ရှင်ဘုရင် မိဖုယား တွေ အိပ်သွားတဲ့ ခုတင်တွေမှာ ဟိုခေတ်အခါက အသုံးပြုသွားတဲ့ ပိုး,ဖဲ, ကတ္ထီပါ, ကမ္ဗလာ ခင်းထည်တွေ အတိုင်း ခင်းကျင်းပြင်ဆင်လျှက်သား ထိုင်သွားတဲ့ ကုလားထိုင် လှုံသွားတဲ့ မီးလင်းဖို စားသွားတဲ့ ထမင်းစားခန်း ရေးသွားတဲ့ စားပွဲနည်းတဲ့ စာတန်းတွေမဟုတ်ပါဘူး။ သူ့ဘုရင်နဲ့ သူ့မိဖုယား အမျိုးမျိုး အစားအစားပေါ့။
Hall ဟောလ်ခေါ်တဲ့ ခမ်းမကြီးတွေကလဲ တဋ္ဌာနပြင် ညီလာခံခန်း၊ သံတမာန်တွေ လက်ခံတဲ့အခန်း။ သံတမာန်တွေ လက်ခံတဲ့အခန်း။ လက်ဆောင်ပဏ္ဏာယူတဲ့အခန်း။ လက်နက်ဓါးလှံသေနတ် စသည်ဖြင့် ဟိုခေတ် က ရှိခဲ့သမျှ မိမိရရနှင့် အပူဓါတ်အအေးဓါတ်ပေးပြီး သကာလ၊ အခန်းတွင်မှာရှိတဲ့ အသုံးအဆောင် တို့ကို ရှေးကအရောင်အသွေးအတိုင်း မပျက်စီးမဟောင်းနွမ်းရအောင် အင်မတန်အကုန်ခံပြီး စီမံ ဖန်တီး ထား တာပါဘဲ။
ဒါကြောင့်လဲ လန်ဒန်မြို့ကြီးဟာ ရှေးဟောင်းလက်ရာတွေ စုဝေးရာဌာနကြီး တခုအဖြစ်နဲ့ ထင်ရှား ကျော်ကြား ခဲ့ပေတာဘဲ။ 'စိန်ပေါဘုရားရှိခိုးကျောင်းကြီး'ဆိုပြန်ရင်လဲ ရှေးကအနုပညာာရှင် လက်ရာမွန် တွေ နဲ့ အခဲနက်ပြည့်စုံလှတဲ့ အဆောက်အဦးပါဘဲ။
အဲဒီကျောင်းကြီးထဲမှာ နယ်လဆင်, ၀ယ်လင်တန်, စတဲ့ ဥရောပမှာ ရာဇ၀င်ပြောင်ခဲ့တဲ့ စစ်ဗိုလ်ကြီးတွေရဲ့ အလောင်းတွေ မြှုပ်နှံရာ ဌာနကြီးတခုလဲဖြစ်တယ်။ ဂူပေါ်တင် ထုလုပ်ထားတဲ့ ပူံတူ ကျောက် ရုပ်ကြီး များကလဲ လက်မြောက်ပါပေတယ်။
အရိုး၊ အဆစ်အကြော၊ အရေပြားကလေးတွေများ တွန့်နေသည်မှာ တကဲ့လူနှင့် တထေရာထည်း ထပြီး စကား ပြောတော့မည့်အတိုင်းပင်။
"၀င်ဆာရဲတိုက်ကြီး" လန်ဒန်ကနေပြီး ထိုရဲတိုက်ကြီးကို ကားနှင့် တနာရီကျော်ကျော်သွားရတယ် တောင်ကုန်မို့မို့ပေါ်မှာ ကျောက်ချပ်ပြားကြီးတွေ အထပ်ထပ်နဲ့ မြင့်မတ်တဲ့ နံရံမျှော်စင်ကြီးတွေ ခြံရံပြီး ရဲတိုက်အ၀င်ဝနားမှာ ရှိတဲ့ ၀င်ဆာဘုရားရှိခိုးကျောင်းကြီး အတွင်းမှာတော့ ဥရောပမင်းဆက်တွေရဲ့ အလောင်း မြှုပ်နှံ ဂူသွင်းထားရာ ဋ္ဌာနကြီးတခုလို့ဆိုကြပါစို့၊ ကျောင်းဆောင်တခုလုံး သွားလေသူ ဘုရင် များ ရဲ့ ဂူကျောက်ရုပ်မှတ်တိုင်၊ ကျောက်ပြားတွေ တွက်ရေမဆုံးနိုင်ပါ။
"ပါလီမန်မှာ" ဥရောပနိုင်ငံကြီးနဲ့တကွ။ အင်ပါရာတခုလုံးကို သြဇာအာဏာဖုံးလွှမ်းရာ ဌာနကြီး တခုဖြစ်တဲ့ ပါလီမာန် အဆောက်အဦးကြီးကိုလဲ ရောက်ခဲ့တယ်။ ထိုနေ့ကလွှတ်တော် အစည်းအဝေးလဲ ရှိနေသည်နှင့် သတင်းစာ တိုက်တွေက သတင်းထောက်, ဧည့် သည်တော်များ ကိုတွေကို သူ့နေရာနှင့်သူ အသင့်ပေါ့ အက်တလီနှင့် ချာချီဟာ သူ့ပါတီသမားအမတ်တွေ ခြံရံပြီး တဘက်နှင့်တဘက် မျက်နှာချင်း ဆိုင် ထိုင်ခုံတွေမှာထိုင်လို့ လွှတ်တော်အစည်းအဝေးလဲ ရှိနေသည်နှင့် သတင်းစာတိုက်တွေက သတင်း ထောက်, ဧည့်သည်တော်များတွေကို သူ့နေရာနှင့်သူ အသင့်ပေါ့ အက်တလီနှင့် ချာချီဟာ သူ့ပါတီသမား တွေ ခြံရံပြီး တဘက်နှင့်တဘက် မျက်နှာချင်းဆိုင် ထိုင်ခုံတွေမှာ ထိုင်လို့ လွှတ်တော်ဥက္ကဋ္ဌကြီးက အလယ်မှာ တဘက် နှင့်တဘက် အခြေအတင်ပြောကြနဲ့ ဦးချာချီကြီးဟာ ဆေးပြင်းလိပ်ကြီး ခဲရက်က တဘက်က ပါတီ ကိုစ,တယ် ဟိုတဘက်ကဘာမှ စကားပြန်မရှည်တော့မှ၊ သူ့,စဒါကို ဖွင့်ချပြီး ပြုံးပြုံးကြီး ပြန်ထိုင်လိုက်တယ်။ သိပ်လယ်တဲ့အဘိုးကြီးပေဘဲ။
"ကြူဝါဒင်"ခေါ်တဲ့ ပန်းခြံကြီးကိုလဲ ရောက်ခဲ့ပါရဲ့။ ဖြူနီဝါပြာပန်းပဒေသာတွေ အသွေးအရောင် အကန့် အကန့် နဲ့ အကွက်ချပြီး စိုက်ပျိုးမွမ်းမံထားတဲ့ ဒီပန်းခြံကြီးကို ရောက်တော့ မမခင် ၀ါသနာအိုး…နှင်းဆီပင် ရူးများ အတွက် ပန်းခြံကြီးထဲက မထွက်နိုင်အောင်ပေါ့ ကမ္ဘာအရပ်ရပ်ကသစ်ပင် ပန်းမာလ်မျိုးတွေကိုလဲ 'မှန်အိမ်'ကြီး တွေထဲမှာ အပူငွေ့ပေးပြီး စိုက်ပျိုးပြသထားတယ်။ အုန်းပင်,ထန်းပင်,ကြီးတွေဟာ မှန်အိမ်ကြီး တွေထဲမှာ အသီးအခိုင်တွေ ထွက်လို့ဝက်မလွတ် ငှက်ပျောခိုင်ကြီးများ မှည့်ဝင်းနေလိုက်တာ ကြက် ဟင်းခါး, ဘူး, ဖရုံ, ငြုပ်, သခွါး, စားစရာတွေ မြေဇူပန်း၊ ငွေပန်းဆယ့်နှစ်ရာသီပန်းက အစသူတို့ အအေး လွှမ်းရာ နိုင်ငံ သားများ အဘို့ မမြင်ဘူးတဲ့ အပင်ထူး အပန်ဆန်းတွေပေါ့။ အတွေ့အကြုံဗဟုသုတများမှာ ဘာမှ လိုလေသေးမရှိအောင် ဖန်တီးထားရှာတဲ့ သတို့အစိုးရကို ချီးကြူးစရာဘဲ ဒါတောင်ပြည်ကို ဘယ်နေရာမှာ ရှိမှန်ခးမသိတဲ့လူတွေ အများကြီးရှိကြတယ်။
ဒီကိစ္စကတော့ သူတို့နိုင်ငံကျောင်းတွေမှာ ပထ၀ီသင်ကြားမှု မစုံလင် ညံ့ဖျင်းသေးတယ်လို့ ယူဆရမယ်။ ဗမာပြည်က ၅တန်းကျောင်း ကျောင်းသားကလေးတွေ ဆိုရင် တကမ္ဘာလုံး ရှိတဲ့ နိုင်ငံတွေကို သိနေကြပြီ။ ဒါဟာထူးခြားမှုတရပ်။ အရှုံးထဲကအမြတ်လို့ မှတ်ကြပေတော့။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
"မရိုးနိုင်မအီနိုင်တဲ့ လန်ဒန်ဟင်းများ"
သို့…… မှ……
အယ်ဒီတာ ဒေါ်ဒဂုန်ခင်ခင်လေး
ယုဝတီ ဟင်နရီဟတ်ဆင်ဟိုတယ်
နယူးယောက်မြို့
ရောက်သည့်အခိုက်ကြည့်ရှု စုံစမ်းထိုက်တန်သည်မှန်သမျှ သေချာဂန ကြည့်ရှုစုံစမ်း လှည့်ပတ် ရသည့် အလုပ် ကြောင့် ယုဝတီနှင့်အဆက်ပြတ်လျက်ရှိခဲ့ရပေသည်။
ယခုတဖန် လန်ဒန်မြို့မှနေစဉ် တည်းခိုခဲ့ရသော ရဲင်ဗရင့်(Rembrandt)ဆိုတဲ့ ကမ္ဘာကျော် အနုပညာ သည် ပန်းချီဆရာကြီး၏ အမည်ကို အစွပြုပြီး မှည့်ခေါ်ထားတဲ့ ထို'ရဲင်ဗရင့်ဟိုတယ်'ကြီး ရဲ့ ဂုဏ်အင်္ဂါ ကို မချီးမွမ်းဘဲ မနေနိုင်သည့်အလျှောက် ရေးလိုပေသေးသည်။ ၄င်းဟိုတယ်ကြီးသည် လန်ဒန် လူထုအဘို့ ဣနြေ္ဒ အရဆုံး အငြိမ်းသက်ဆုံး ဟိုတယ်ကြီးဟု အသိအမှတ်ပြုကြလေသည်။
လန်ဒန်မြို့သူမြို့သားတွေဟာ လူဘယ်လောက်များများ စည်းကမ်းတကျ ငြိမ်သက်တိတ်ဆိတ်စွာ နေလေ့ ရှိသည်။ အချင်းချင်းစကားပြောကြရာတွင်ပင် တီးတိုးပြောတတ်သော အလေ့ရှိသည်။ မိမိ အသံ ကျယ်မှု ကြောင့် သူတပါးအား အနှောင့်အယှက်ဖြစ်မှာ အလွန်စိုးရိမ်သည်။
သည်မျှ တိတ်ဆိတ်ငြိမ်သက်ကြရာတွင် ရဲင့်ဗရင့်ဟိုတယ်ကြီးက ပိုလို့ပင် တိတ်ဆိတ်ငြိမ်သက်မှုကို ဂုဏ်ယူ ထားပြန်လေရာ သို့ကြောင့် အပ်ကျသည်ကိုပင် ကြားရတော့မလောက် ငြိမ်သက်လွန်းလှသဖြင့် ကမ္မဋ္ဌာန်း ထိုင်ဘို့ပင် ကောင်းလှတော့သည်။
ထမင်းစားခန်းရှိ စားသောက်ကြရာမှာလည်း ၀တ်ကောင်းစားလှတွေ ကျကျနန၀တ်ပြီးမှ သွားစား ကြသည်။ မနက်စာ…. နေ့လည်စာ….ညစာ၊ ၃-ခါစား ၃-ခါဆင်း 3-ခါ အ၀တ်ဝတ်ရသည်မှာ နေ့စဉ်နှင့် အမျှ ဆိုတော့…. ပျင်းစရာပင် သိုကပေမင့် သူတို့မှာ မပျင်းကြပါ။ ဒါဘဲအလုပ်ရှိသည်။
ထမင်းစားခန်း ဆင်းရှိ အဆောင်မှူးတို့ စားပွဲထိုးများခဗျာတို့မှဲာ နောက်မြီးရှည် အကျိံတွေနှင့် အင်မတန် သပ်သပ် ယပ်ယပ် စမတ်ကျကျဝတ်ထားရသည်။ စားမည့်သူအခန်းဝင်လာလျှင် ဆီးကြိုနှုတ်ဆက် ကုလားထိုင် ထိုးပေး။ 'မိနု'ခေါ်တဲ့ စားစရာစာရင်း ချပေး…. စားမည့်သူက ကြိုက်ရာမှာ လိုက်တော့သည်။
အဲဒီ ယူလာတဲ့ စားဖွယ်သောက်ဖွယ်တို့ကတော့ အများအားဖြင့် ဆိတ်သား ပါးပါးလွှာလွှာ နှစ်ဖတ်နှင့် ကြက်ဥကြော် တခုသော်၎င်း။
အမဲသား ပါးပါးလွှာလွှာနှင့် အာလူးအသီးအနှံတခုခုပြုတ် ခြံရံ၍ သော်၎င်း...။ အသီးအရွက်ခြံရံထားတဲ့ နှစ်လက်မခန့် ငါးသေတ္တာနှစ်ကောင်သော်၎င်း။ ၆-လက်မခန့်ရှိ ငါးကောင်လုံးကျော်သော်၎င်း။ ကြက်သား ကော်ရည်ဟင်း နှင့် ထမင်းအနည်းငယ်... စသည့် ၎င်းအစာမျိုးတွေသာ မုန့်လုံးစက္ကူကပ်သီချင်းပမာ တ၀ဲ လယ်လယ် ဖြစ်နေပြီး သည်အစား မျိုးတွေကို မ တည်လျက် ပေါင်မုန့်... ထောပတ်တု သစ်သီးပူတင်း... အိုက်စကရင်း... ဂျုံမုန့် ဆန်းကျွတ်ကျွတ်ပြင် နွားနို့...ဆွတ်ပြုတ်... စတဲ့ အဖုံးအပိတ် အစသိပ် စားစရာ တွေပါဘဲ။
စားပွဲခင်းတွေ... ဇွန်းခက်ရင်း...ငွေစလုံ...ငွေခွက်...ငွေသံလေး..အရောင်ဖွေးဖွေးလျှံလျှံ အရှိန်ဟတ်ပုံ နှင့် စာလျှင် စားရတဲ့အရသာပေါ့ပျက်ပျက်က မကာမိပါဘူး။ ဒါတွေက သူတို့ လူမျိုးများ နေ့စဉ်နှင့်အမျှ သာယာ နှစ်ချိုက် စွာ မညည်းနိုင်၊ မရိုးနိုင်အောင် စားသောက်နေထိုင်ကြတယ်။
ဗမာတွေသာဆိုရင် ဒီလောက်အမယ်နည်းတဲ့ အစာကို အချာချာတလယ်လယ်စားနေရရင် ဖြစ်နိုင်မယ် မထင်ပါ။
အမျိုးအမည် စုံလှသော ဗမာပြည်ဖြစ် အစားအစာတွင်မက တခါတခါ တရုပ်တန်းကတရုပ်စာ။ မဂိုလမ်းက ကုလား အစာတွေနဲ့ အစာနယ်ချဲ့ကြသေးသည် မဟုတ်ပါလား။
သို့ရာတွင် ဟိန္ဒူနှင့်ပုဏ္ဏားလူမျိုး ပဲနှင့်အာလားတို့ကို တသက်သုံးမရိုးနိုင်အောင် စားနိုင်သည်မှာ အချိန် မှန်မှန်နှင့် အစာခံပြီးမှစား၍ မြိန်ရေယှက်ရေစားနိုင်ကြသလိုသူတို့မှလည်း အစာကို မနက်...နေ့လည်...ည ၃-ကြိမ် ခွဲ၍ အချိန်မှန်မှန် စားသောက်ကြခြင်းကြောင့် ကန့်သတ်ထားသော အချိန်ကျလျှင် ဆာဆာနှင့် စားနိုင် သောက်နိုင်ကြခြင်းဖြစ်လေသည်။
တယောက် တယောက်ကို စားလိုက်သောက်လိုက်တာကလည်း မနည်းပါဘူး။
မစားခင်သောက်တဲ့ အရည်ကလပ်ကလည်း ဖလ်ခွက်ပေါင်း အတော်ဝင်လိမ့်မည်။ နောက် ဂျုံပြုတ်၊ ဆွတ်ပြုတ်၊ ကြိုက်ရာ သောက်လိုက်သေးသည်။ နောက်မှ ပေါင်မုန့်ကြီးတွေဖဲ့ကာ ဖဲ့ကာ လာသမျှမှာသမျှ အစာ တွေနှင့်ရော၍စား။ အားရတော့ ရေသောက်၊ ပြီးတော့ ချိုချဉ်ရသာစုံ သစ်သီးပူတင်း အိုက်စကရင်တွေ တဆက်တည်း တ၀စား။ အဲဒါနဲ့ ပြီးအုံးမလား ဆိုတော့ မပြီးသေးပါ။ ကော်ဖီနှင့် လဘက်ရည်ကြိုက်ရာကို အစာသိပ် သောက်လိုက်ကြပါသေးတယ်။
စကားတပြောပြောနှင့် အစား စားပွဲမှာ အနည်းဆုံးတနာရီကျော်လောက် အချိန်ဖြုန်းပြီးမှ စားပွဲထိုးကို တစ် ပေးပြီး ထွက်သွားကြသည်။
ဗမာပြည်မှာတော့ (ဘောက်ဆူး)ပေးတယ်ဆိုတာမျိုးပေါ့ ဗမာပြည်မှာ ပေးရမယ်လို့ စည်းကမ်း မရှိပါဘူး။ ကိုယ်သဒ္ဓါ မှ ပေးကြတာ။ သူတို့ဆီမှာတော့ မပေးလို့ကိုမဖြစ်ဘူး။ ထုံးစံကြီးတခုဘဲ။
အခန်းရှင်းတဲ့ မိတ်ကိုလည်း ပေးရတာဘဲ။ စက်လှေကား မောင်းတဲ့သူငယ်ကလည်း ခဏခဏ ' သိုင်းခရု ' လုပ်တော့ မပေးဘဲ မနေနိုင်ဘူး။ တက္ကစီးမောင်းတဲ့ဆရာကလည်း 'တစ်' လောက်ဘဲ မျှော်လင့်ချက် ထားသည်။
၎င်း ဟိုတယ်မှာ ၄-၅ရက်ခန့် ဤနည်းနှင်နှင်။ မနက်လင်းလျှင် လင်းခြင်း ရေချိုး အ၀တ်လဲ စက်လှေကား နှင့်ဆင်း ဧည့်ခန်းမှာထိုင်၊ ဧည့်သည်လာလျှင်တွေ့၊ ထမင်းစားခန်းဝင် အဆောင်မှူးက နှုတ်ဆက် သည်ကို ပြန်ဆက်၊ စားပွဲတိုင်ကြွပေးတဲ့ ကုလားထိုင်မှာဝင်ထိုင်၊ 'မိနု' ဖတ် စားစရာမှာ၊ စားနိုင် သလောက် စား၊ ကာဖီသောက်၊ တစ်ချ၊ ဧည့်ခန်းပြန်ထွက်လာ၊ စာရေးစားပွဲမှာထိုင်၊ စာရေးစရာရှိရေး၊ အပြင်ထွက် လိုကထွက်၊ မထွက်လိုက စက်လှေကားနှင့် အပေါ်ပြန်တက်၊ နေ့လည်စာ အချိန်မှာလည်း သည်နည်း။ ညစာ အချိန် မှာလည်း ထိုနည်းနှင်နှင်၊ ၃-၄ရက် လောက်ရှိတော့ အင်မတန်ညည်းငွေ့လာသည်။
ကိုယ့်ဗမာပြည်မှာတော့ မနက်မိုးလင်း ရေမချိုးချင်သေးလျှင်လည်း ခေါင်းစုတ်ဖွားနှင့်ပေမယ့် ကာဖီထိုင် သောက်ချင်သောက်နိုင်သော လွတ်လပ်သော အရသာကို ပြန်တွေးမိသည်။
သည်ဟိုတယ်ကြီးတွေမှာ လူကြီးလူကောင်းဆိုတဲ့ ပုဂ္ဂိုလ်တွေ ပြုမူနေထိုင်ပုံတွေကို တွေ့မြင်နေရပြီး နောက်တနေ့မှာ 'လူထု' ခေါ်တဲ့ လုပ်စားကိုင်စား သမားတွေ စားသောက်ရာ ဆိုင်မျိုးကို ကြည့်ချင်ပြန်သည်နှင့် 'ပစ်ကားဒေလီ' ခေါ်သော အစည်ကားဆုံး ရပ်ကွက်ကို ရောက် သွားခိုက်ဖြစ်၍ 'လူထု'စားသောက်သော စားစရာဆိုင်ကိုဝင်စားကြည့်သည်။
အစားခြင်း တော့ မကွာပါ။ ၀က်ပေါင်၊ ကြက်ဥ၊ ငါးသေတ္တာ အာလူး၊ ပေါင်မုန့်၊ မာကာရိုးနီ၊ နွားနို့၊ ကာဖီ၊ ဒါတွေ ဒါတွေ အားလုံးရှိတာပါဘဲ။
တစ်မပေးရ၊ စားပွဲကုလားထိုင်ထိုးမရှိ။ ဒါဘဲကွာတယ်။
ကောင်တာရှည်ကြီးဘေးတွင်၊ ဒန်ရောင် ခြေတချောင်းနင့် သားရေထိုင်ခုံတွေမှာထိုင်၍ စားချင်ရာ မှာစား၊ အတွင်း က ရောင်းသူကသောက်ရေဖန်ခွက် ဇွန်း ခက်ရင်း စက္ကူလက်သုတ်ပုဝါ အစုံနှင့် စားစရာကို လာချ ပေးသည်။
စားစရာ ထည့်ရောင်းသော ပစ္စည်းအသုံးအဆောင် ထိုင်ခုံစားပွဲရှည်များ အရောင် ဖိတ်ဖိတ်လက် သန့်ရှင်း စင်ကြယ် လှသည်။
လူကလည်း ဆူဆူညံညံနှင့် ညစ်ညစ်ပေပေမဟုတ်၊ တိတ်ဆိတ်ငြိမ်သတ်သည်။ သန့်ပြန့်သားနား သည်။
သူတို့ အလုပ်က လက်သမား ဆေးသုတ်သမားကားမောင်းသမား အပ်ချုပ်သမား၊ ဘိနပ်တိုက်၊ တံမျက် လှည်း က အစ လမ်းဘေးက ရေခဲမုန့်ချောင်းရောင်းတဲ့ ဦးပီတာနဲ့ သတင်းစာရောင်းတဲ့ ဂျော်နီလေးတို့ အထိ ပေါ့။
ဒါကြောင့် သူတို့ဆီမှာ ဆင်းရဲချမ်းသာ မရွေးသန့်ရှင်းစွာနေထိုင်စားသောက်တတ်မှု စံနစ်ကိုတော့ ချီးကြူး ထိုက်ပါ ပေတယ်။ အလုပ်သမားများ ရတဲ့အခကြေးငွေ ဟာလည်း တော်တော်ဘဲ အီအောင် ရသည်။
တပါတ်မှာ ငါးရက်သာအလုပ်လုပ်သည်။ စနေ တနင်္ဂနွေဆိုရင် အားလပ်ခွင့် ရသလောက် လွတ်လပ်စွာ သွးလာ လည်ပတ်ကြသည်။
အစားအသောက်ကို ဟိုတယ်နှင့် ဆိုင်များ၌သာ အားထားစားသောက်နေသူများအပြင် ကိုယ်အိုး ကိုယ်အိမ်နှင့် နေထိုင်စားသောက်သူတွေအဘို့မှာ သာ၍ တွက်ခြေကိုက်ကြသည်။
အိမ်ရှင်မ မှန်လျှင် ချမ်းသာဆင်းရဲ မရွေး အလုပ်သက်သာ ချောင်ချိလှသည်။ ထင်းမခွဲရ မီးယပ်မခပ်ရ မီးမမှုတ် ရဘဲ စက်ခလုပ်နှိပ်ရုံနှင့် ကိစ္စပြီးငြိမ်းသည်။
လျှပ်စစ် ဓါတ်အား မီးဖိုကို အိမ်တိုင်းရသည်။ လျှပ်စစ်ဓါတ်အားကို ဈေးပေါပေါကြီးနှင့် သုံးနိုင်သည်။ ရေနွေး ရေအေး ပိုက်နှင့် သဘောရှိဖွင့်သုံးနိုင်ရန် မျက်နှာသစ်ခွက် ရေချိုးခန်းနှင့် မီးဖိုချောင်သုံး ရေအတွက် အိမ်ခန်း တိုင်း အသင့်တပ်ဆင်ပေးထားသည်။
ထို့ကြောင့် မီးဖိုအခန်းတိုင်းမှာ ဧည့်ခန်းကဲ့သို့ ပြောင်လက်သန့်ရှင်းလှသည်။ သား၊ ငါး အသီးအရွက် မီးဖိုသုံး ပစ္စည်း များကို မပုတ်မသိုးရန် အအေးသေတ္တာ ' ဖရယ်ဂျီဒယ် နှင့် အိမ်တိုင်းထားနိုင်သော ကြောင့် ဈေးဝယ် လျှင် တပါတ်စာ တခါတည်းဝယ်ထားနိုင်သည်။
မနက်တိုင်း ဈေးဆွဲခြင်းကိုင်ထွက်ရသော ဒုက္ခငြိမ်းလေတော့သည်။ သားသမီးများသော အိမ်ထောင်ဆိုလျှင် နွားနို့ သစ်သီး ချော့ကလက် အနွေးထည် ဆေးဝါးများ ရိုးရိုးအိမ်ထောင်ထက်ပို၍ ရသည်။
ခလေးများလေ၊ အမြတ်ထွက်လေ လူကြီးတွေအဘို့ ' ရာရှင်စံနစ် ' နှင့် ချိုးခြံစေသလောက် ခလေး များအတွက် ပစ္စည်းနှင့် အသုံးအဆောင်အစား အသောက်များကို အလကားသာသာကလေး ရနိုင် သော အခွင့်အရေး ထားပေးသည်။
ကိုယ်ဝန်ဆောင်မိန်းမဆိုလျှင် မွေးဖွားပြီးသည်အထိ အစိုးရကတာဝန်ယူလိုက်သည်။
သို့ကြောင့် ကိုယ်ဝန်ဆောင်နှင့် ခလေးသူငယ် စောင့်ရှောက်မှု အမျိုးသမီးများ ကယ်ဆယ်ရေး အိမ်ရှင်မ သက်သာ ချောင်ချိရေး တို့ကို ဆောင်ရွက်သော စေတနာ့ ၀န်ထမ်းအမျိုးသမီးအသင်းတဖွဲ့ သီးခြားများ မရှိတော့ပြီ။
ရှေးမဆွ ကပင် အစိုးရက ခေါင်းမြီးချုံ တာဝန်ယူ ထားလေသည်။
ဤမျှသာယာသော တိုင်းပြည်မှာ ယခုနောက်ထပ်ပြီး ပြည်တော်သာ စီမံကိန်းနှင့် ချဲ့ထွင် ဆောင်ရွက် နေကြ ပြန်သောကြောင့် အတိုင်းနဲ့အလွန် တံခွန်ဘုရားဆိုတဲ့ စကားလို အချို့ကို သကာလောင်း နေကြ ပြန်ပါသည်။
ဗမာပြည်က ပြည်တော်သာ စီမံကိန်းကြီးထဲမှာလည်း အမျိုးသမီးအိမ်ရှင်မများ သက်သာချောင်ချိ မည်နည်း။ ခြေမွေး မီးမလောင်၊ လက်မွေးမီးမလောင် ချက်ပြုတ်နိုင်သည့် မီးဖိုချောင်သန့်ရှင်းရေးကို သက်ညှာ စောင့်ရှောက် နိုင်ပါစေ၊ မြန်မာပြည်နှင့် ထိုက်တန်လျော်ညီသော ပြုပြင်ပြောင်းလဲမှု ရရှိကြ ပါစေ။ လျှပ်စစ် ဓါတ်အား တခုကို ဖောဖောသီသီ ဈေးချိုချို သုံးနိုင်အောင် ဓါတ်အားပေးစက်ကြီး အမြန်ဆုံး ဆောက်တည် ပေးနိုင်ပါစေလို့ ဆုတေင်းကြပေတော့။
အိမ်ရှင်မနှင့် စဖိုဆောင်ကို ကျောမွဲကအစ ဓနရှင်နှင့် အစိုးရအရာရှိကြီးများ ဖြစ်ကြတဲ့ ယောက်ျား ကြီးများ၊ လူကြီးမင်း များ မကင်းနိုင်တဲ့ မှီဝဲဆည်းကပ်ရာ ဌာနကြီး တခုဖြစ်၍ သည်ဌာနကြီးက အရောင် တလက် လက် နှင့် အဆင့်အတန်း တက်လလေလေ လူကြီးမင်း လူငယ်မင်းတွေ စိတ်ချမ်းသာ ကိုယ် ကျန်းမာ နှင့် ပျော်ရွှင်စွာ နေနိုင်လေလေဖြစ်ကြပါမည်။
မီးဖိုချောင် အဆင့်အတန်းမြင့်ရေးချက်ခြင်းပြုပြင်ပေးလို့ အိမ်ရှင်မတိုင်းက မိမိတို့ မောင်တော်များ ကိုနားပူ နားဆာ လုပ်ပါလျှင် ပြည်တော်သာ မောင်မောင်များကလည်း ပြောပါများတော့ စီမံကိန်း ထဲတွင် မီးဖိုချောင် စံနစ် ကို အမြစ်ကလှဲ၍ တော်လှန်ပြောင်းလဲရန် စီမံပေးကြလိမ့်မယ်လို့ မျှော်လင့် စရာရှိပေသည်။
ယုဝတီများကျန်းမာကြပါစေ။
ဒဂုန်ခင်ခင်လေး
ခေတ္တ နယူးယောက်မြို့။
xxxxxxxxxxxxxxxxxxxxxxxxxxxxxxxxxxxxxxxxxxx
သိမ်းမြစ်တွင်းမှ ရှုမျော်ခင်း
ယနေ့ မနက်စောစောကပင် မိုးသဲနေသောကြောင့် အပြင်မထွက်နိုင်သေးသဖြင့် ဆက်ရန်ရှိသေးတဲ့ လက်ကျန်စာ ကို ဆဋ္ဌမအကြိမ်မြောက် ရေးလိုက်ပါသည်။
သိမ်းမြစ်တွင်း မှ ရှုမျော်ခင်း လန်ဒန်မြို့လည်က ဖြတ်သန်းစီးဆင်းနေတဲ့ သိမ်းမြစ်ရိုးတစ် လျောက်သို့ စုန်းချည် ဆန်ချည် တနေကုန် သွားလာနေသော အပျော်ထွက် သင်္ဘောကလေးကမှာ သင်္ဘောကလေးတိုင်း လူတွေ ပြည့်ကြပ်နေတော့သည်။
အထက်ဆန်တဲ့ သင်္ဘောအောက်စုန်တဲ့ သင်္ဘောအနီးအနား ကမ်းခြေတလျှောက် သွားချင်းရာသွား ရော၊ အသွား အပြန် အခပေးထားရပြီး ဖြစ်လို့ နေမကုန်ခင်းပြန်ချင်းတဲ့ ပြန်ချင်တဲ့အချိန်ပြန်ချင်တဲ့ အခေါက်ကို ပြန်လိုက် လာရုံဘဲ။
ကုန်းပတ်ပေါ်မှာ ထိုင်ခုံတွေအစီအရီနဲ့ သင်္ဘောဝမ်းထဲမှလဲ စာေးသာက်စရာဆိုင်အသင့်ပါ တယ်။
သင်္ဘောစက်မောင်းတဲ့ ဆရာအနားမှာ ညွန်ပြန်တဲ့ သူတယောက်ကလဲ အသံချဲ့စက်နဲ့ သင်္ဘောစီး ပရိသက်ကို မြစ်ကမ်းဝဲယာမှမြင်၇သော အဆောက်အဦးများနှင့် အကြောင်းအရာတွေကို ပြောပြတယ်။
လူတွေကလဲ နားထောင်လိုက်ကြည့်နဲ့ဘဲ။ ပြီးတော့မျ ကိုယ်တော်မြတ်က ဦးထုတ်ချွတ် လှန်ပြီး သဒ္ဒါကြေး လိုက်ခံပါလေရာ။ သူတို့လူတွေနဲ့ သူ့ကို ထည့်လိုက်ကြ ဒါတစ်ခေါက် တစ် ခေါက်အတော်ရဟန်တူပါရဲ့။
ဗာပြည်မှာ အညာဘုတလင်က ဘုရားဖူးလာကြတဲ့ လူတွေ့လို၊ အများအားဖြင့် အင်္ဂလန် နိုင်ငံရှိ တောမြို့ ကလေးတွေက နွေရာသီ အားလပ်တဲ့အခါ လန်ဒန်မြို့ကြီးတက်လာပြီး လည်ပတ် ကြတဲ့ တောသူ တောသား တွေဆို တအံ့တသြကြည့်ရှု ကြဒါဘဲ။ တောသူ တောင်သားလို့သာဆိုရ တယ်။ သူတို့ဟာ ညစ်ညစ် စုပ်စုပ်တွေမဟုတ်ကြဘူး။
မိန်းမတွေ ကြည့်လိုက်ရင်လဲ လန်ဒန်မြို့်သူတွေနှင့် အသွေးအရာင် အ၀တ်အဆင် သိမ်မကွာပါဘူး။ ယောင်္ကျား တွေကလဲ အင်္ကျီဘောင်းဘီ ကောင်းကောင်းနှင့် ဂိုက်ထုတ်လာကြ တယ်။ အချို့အ်ိမ်ထောင် သယ်တွေကလဲ ချာတိပ် ကလေးတွေလက်ဆွဲလို့ တချို့အားကောင်း ကောင်းနဲ့ ရုန်းကန်ထွက်တတ်တဲ့ မက်တတ် ပြေးရွယ် ကလေးများကိုတော့။ သားရေ ရင်သိုင်းကြို တပ်ပြီး ခွေးကလေးများလို ဆွဲထားရတယ်။
လက်တွန်းလှည်း ထဲက နို့စို့ကလေးလဲပါလိုက်သေး။ သူတို့မွေးတဲ့ ကလေးဟာ အံ့သြစရာ ကောင်း လောက်အောင် တတုံးတခဲ တပွေ့တပိုက်ကြီးတွေသာတွေ့ရတယ်။ ပိစီကွေးလွေးရှုနာ ရှိုက်ကုန်း ကလေးမျိုး တယောက်မှ မမြင်ခဲ့ရဘူး။ အများအားဖြင့် တောသူ၊တောင်သား အရပ်သမားကလေးတွေဟာ သာပြီး ၀၀ဖြိုးဖြိုး သန်သန်စွမ်းစွမ်းကြီးတွေတွေ့ရပါသည်။
နွားနို့ ပေါပေါစားရလို့နဲ့တူဒါဘဲ။ သန့်ရှင်းမှုနဲ့ စည်းကမ်း၊ သေ၀ပ်မှု၊ စကာတိုးတိုးပြောမှု ဟာတော့… …….မြို့သူမြို့သားရော၊ တောသူတောသားပါ။မျဉ်းတပြေးထဲကိုက်ညီနေသလိုဘဲ။ စားပြီးတဲ့ ငှက်ပြောခွံကို အမှိုက်ပုံး ထဲထည့်ရမှထက်။ လက်နဲ့လွဲပြီး လမ်းမပေါ်ပစ်လိုက်ရမှ အရသာရှိတဲ့ခွေးနီတို့စရိုက်မျိုးရယ်။ အစီခံချည်း ကျန်တော့တဲ့ မစိန်ညွှန့်ကို မပစ်ရက်လို့ အိမ်ထရံ ကြွက်ရှောက်ပေါ် စီတန်းတင်ထားတဲ့ အရီး သားအေး တို့ ဓလေ့မျိုး။ ဟက်ခနဲ့ချွဲတန်းဟပ်ပြီး ဖတ် ကနဲ့ နေရာမရွေး ထွေးပစ်လိုက်တဲ့ ကိုဘိုးတုတ် တို့ အကျင့်မျိုး လမ်းဘေးလမ်းကြားမှလူမမြင်ပါဘူး ဆိုပြီး။ ထီးချိုင်းကြားညှပ်ရင်း အပေါ့အပါး ထိုင်သွား တတ်တဲ့ အပ္ပနားတို့လဲ လုံးဝမရှိတော့။ တောရောမြို့ပါတညီတညာတည်း အနံ့ဆိုးကင်းပြီး သန့်ရှင်း ကြည်လင်နေဒါဘဲ။
တမြို့လုံးမှာ သူ့နေရာသူချထား ပေးထားတဲ့ အမှိုက်ပုံထဲမှတပါး မြေမြင်ပေါ်တွင် စက္ကူတစုပ်၊ အမှိုက် တလက်ဝါး မှ မမြင်ရခြင်းမှာ သူတို့ မြူနီစီပါယ် အမြဲတမ်းစောင့်ပြီး သိမ်းကောက်သန့်ရှင်း ပေးနေ၍ မဟုတ်။ လန်ဒန်မြို့ပေါ်နေတဲ့ လူဦးရေခုနှစ်သန်းကျော်၏ စည်းကမ်းသေ၀ပ် သန့်၇ှင်းမှု ကြောင့်သာ ဖြစ်တယ်။
ဝမ်းနှုပ်ဆေးအားမကိုးနဲ့ လူကိုယ်တိုင်ကလဲညှစ်ပေးရသေးတယ် ဆိုတဲ့စကားပုံခပ်ရိုင်းရိုင်း လိုဘဲ။ မြူနီစီပါယ် ကိုချည်း အားကိုးနေတဲ့ ဗမာပြည်မှာလို အမှိုက်တွေစည်းမဲ့ ကမ်းမဲ့ ပစ်ချင်ရာပစ် ကြလျှင် (၇)ရက် အတွင်းမှာ လန်ဒန်မြို့ဟာ အမှိုက်ပုံအောက်နစ်မြှပ်ပျောက်ကွယ်သွားလောက်စရာ ဘဲ။
မြို့ကလူတွေကသန့်ရှင်းပြီး တောကလူတွေညစ်ပက်နေပြန်လဲ သာယာမှုမရှိပါ။ ဒါကြောင့် တောရော မြို့ပါ လူကိုယ်တိုင်စည်းကမ်းတကျ သန့်ရှင်းစွာနေထိုင်တတ်ကြဘို့ အရေးကြီးပါတယ်။ သူတို့နိုင်ငံမှာလဲ ဘိုးဘွား လက်ထက်ကစပြီး သားသမီးမြေးမြစ်တီကျွတ်အထိ အစဉ်အလာ သန့်ရှင်းမှု စည်းကမ်း ပေးလာ ခဲ့တဲ့ အလေ့အကျင့်ကြောင့်သာ ယခုလောက်လောက် ညီညွှတ်လာ ကြခြင်းဖြစ်တယ်။
ဒါလောက်ညီညွတ်စွာ သန့်ရှင်းကြဒါတောင်မှ လန်ဒန်မြို့လမ်းပေါ်မှာ စက္ကူစုပ် အမှိုက်စုပ် ချသွားဒါ မိလျှင် တရားစွဲဒဏ်ရိုက်ရုံးတင်ခံရသေးတယ် ဆိုတော့ သည်မျှလူတွေက စည်းကမ်းရှိနေ သည်ပင် ဥပဒေ နှင့် ပညာ ရပါသေးပါကလား။
ရန်ကုန်မြို့မှာသာ ဒီဥပဒေမျိုး ထုတ်လိုက်ရရင် အမှိုက်ဘဲ ရှင်းသွားမလား။ လွတ်လပ်စွာ အမှိုက်တွေ မပစ်ရတဲ့ အတွက်မပစ်ရတဲ့ အတွက်မကျေနပ်တဲ့ လူညစ်ပတ်တစုက အရေးဆိုပြီး အလိုမရှိ၊ အလိုမရှိ ဖဆလမ အစိုးရ အမှိုက်ရှုပ်ဘို့ အရေးချက်ခြင်းပေးနဲ့များ စီတန်းလမ်း လျှောက်အော်ကြရင် ဒုက္ခပါဘဲ။
သို့သော် ဗမာပြည်မှာ လူထူကို အဆင့်အတန်းမြင့်မြင့်နှင့် သန့်ရှင်းစွာ နေထိုင်တတ်မှုကို စည်းကမ်းတကျပြုပြင်ပေးလျှင် မအောင်မြင်နိုင်စရာ မရှိပါ။ အင်္ဂလိပ်မြန်မာ စာသင်ကျောင်းများ၊ လူထု ပညာရေး ဌာန၊ ကျေးရွာပြုပြင်ရေးဌာန၊ ကျမ်းမာရေးဌာန၊ စက်ရုံအလုပ်ရုံမှန်သမျှ စသည်တို့ က အရေး တကြီး သင်တန်းချပေးလျှင် ငါးနှစ်အတွင်း သီသီ သာသာပြောင်းလဲလာနိုင်စရာအ ကြောင်း ရှိပါသည်။
အကြင်အခါ၌ ဗမာတိုင်း……..ဗမာတိုင်းသည် မိမိတို့လက်တွင်းရှိ၊ စက္ကူတစုပ် ဆေးလိပ် တတို၊ ငှက်ပျော တခွံ ကို၊ အိမ်တွင်းအမှိုက်ပုံသို့မဟုတ် လမ်းဘေးအမှိုက်ပုံ၊ အရောက်မပို့ရလျှင် ဗြဟ္မာမင်း ဥက္ခောင်း ထားစရာ နေရာမရနိုင်သော သိကြားမင်းကဲ့သို့ နတ်သမီးတွေလက်ပြောင်း၍ ၎င်း၊ လေးလံသော ၀န်ထုတ် ၀န်းပိုးကြီး တခုကိုင်ထားရကဲ့သို့၎င်း၊ အထင်ရောက်နေအံ့၊ ထိုအခါသည် ဗမာပြည်လည်း လန်ဒန်မြို့ ကဲ့သို့ သန့်ရှင်းသာယာခြင်းဖြစ်လေတံ့ဟု၊ တတစ်ချဆိုဝံ့ ပါသည်။
လမ်းမလူမြင်ကွင်းမှ သန့်ရှင်း သည်ထက် အိမ်တွင်းမှာပို၍ပင် သန့်ကြပါသေးသည်။ ချစ်သာသော လူများ အတွက်မဆိုလိုပါ။ လုပ်စားကိုင်းစားသမားတွေအတွက် ရေးနေခြင်းဖြစ်ပါ သည်။
တောရွာကအိမ်ကလေးမှပဲဖြစ်စေ၊ မြို့ပေါ်ကအလုပ်သမား အိမ်ကလေးမှဘဲဖြစ်စေ။ ညစ်ပတ်ရှုပ်ပွေ အ၀တ်တန်း မှာ ဗလာဘွေနှင့် ဖုန်တွေဒုတတ်၍မနေပါ။ ကြည်လင်ပြောင်လက်သော မှန်ပြူတင်းမှာ ဇာဆီး ကလေးချ၊ ပန်းအိုးကလေးအလှတင်ထားလိုက် သည်။
နံရံမှာ ဓါတ်ပုံထိုင်ခုံ၊ စာပွဲအုပ်ဆောင်းထဲမှာ မီးပွင့် အိပ်ရာစဖို၊ လိုလေသေးမရှိ၊ အိုးနှင့်ဆန် နှင့်တန်ရုံသာ အသုံး အဆောင်များမှာ ဘယ်အခါမှ ဖုန်မတင် မြူမကပ်အောင် တပါတ်တခါ လင် ရောမယားပါ ဆေးကြော သုတ်သင်လျက် အရောင်လက်အောင်ပွတ်တိုက် ပြင်ဆင်ကြတဲ့ အလေ့ရှိ တယ်။
ကုန်တိုက် အလုပ်တိုက် ဈေးဆိုင်၊ဟော်တယ်ကြီးကြီးငယ်ငယ်တွေမှာလဲ၊ တနေ့နေ့မှာ မှန်ပြူတင်း ကြေးလက်ကိုင်ဘု၊ လှေခါးတိုင်း မီးအုပ်ဆောင်ကအစ ပန်းအိုးထဲက သစ်ရွက်ဖတ် ကလေးများအထိ မြူမှုန် မတင်အောင် သုတ်သင် သန့်ရှင်းပေးနေကြရသည်။ ညစ်ပတ်တယ်ဆိုဒါ ရှက်စရာကြီး တခုလို မှတ်ထင် ကြဒါကိုး။
စင်စစ်တော့လဲ သန့်ရှင်းမှုဟာ ၀ါသနာလိုပါဘဲ။ ဆင်းရဲခြင်း ချမ်းသာခြင်းဆိုတဲ့ အပေါ်မှမ တည်ပါဘူး။ ဗမာလူမျိုးထဲမှလဲ သန့်ရှင်းတတ်တဲ့လူဟာ လယ်ကွင်းထဲမှာ တဲကလေးနဲ့ နေစေတော့ သူ့ပါတ်ဝန်းကျင် မှာ သလင်းပြောင်အောင်လှဲပြီး အစဉ်သာသာယာယာနေတတ်ပါ တယ်။
အကွက်မပေါ်တဲ့ ၀တ်လဲတော်မျိုးလဲ မဖြစ်စေဘဲ၊ ရှိတဲ့နံငယ်ပိုင်းကလေးကိုပဲ သန့်ရှင်းစွာ ဖွတ်လျော် တတ်တယ်။ ကိုယ်တွေ့မျက်မြင်ရှိခဲ့သလောက် ပြောရပါလျှင် ဒီလိုသန့်ရှင်းစွာ နေတတ် တဲ့လူဟာ လုလ္လ ၀ိရိယ ရှိပြီး တနေ့မှာ ကြီးးပွားချမ်းသာသွားဒါတွေ့ရပါသည်။
သန့်ရှင်းရေးကို စာကြောင်းတွေတော်များများ ရေးခဲ့မိပြီ၊ အဲဒီလိုလူတွေကအနေအထိုင် အဆင့် အတန်းမြင့်တဲ့ လန်ဒန်မြို့ကြီးရဲ့ ရှေးကျတဲ့အထိအရ အဆောက်အဦးကြိးတွေ နန်းတော် ကြီးတွေ အထိမ်း အမှတ်ကြီး တွေနှင့် တကွ၊ ရှေးကယဉ်ကျေးမှုအရပ်ရပ်တို့ကို ခမ်းခမ်းနားနား စုဆောင်းသိုမှိပြီး ပြသထားတဲ့ ပြတိုက်ကြီး တွေ ဂီတကဗျာနှင့် စာအုပ်စာတမ်း ကျမ်းစာအစောင် စောင်ပန်းချီပန်းပု၊ စက်မှုလက်မှု၊ အနုရော သုခုရော၊ သောသောကြွယ်ဝနေတဲ့ သူတို့ လန်ဒန်မြို့ ကြီးအတွက် အင်္ဂလိပ်လူမျိုး တခုဟာ ကမ္ဘာကို ဂုဏ်ယူဝင့်ကြွားနိုင်ကြတယ်။
လူမျိုးအချင်းချင်း သွေးစည်းမှု၏ အထောက်အပန့်ဖြစ်စေတယ်။ ရှေးဟောင်းကို နှစ်လိုစုံ မတ်တဲ့စိတ်၊ ထိန်းသိမ်း စောင့်ရှောက်လိုတဲ့စိတ်များ ကိုယ်စီကိုယ်စီထားတတ်ကြသည်။
ဗမာပြည်မှာလဲ လွတ်လပ်တဲ့ တိုင်းပြည်တစ်ခု ဖြစ်လာတဲ့အတွက် ရှေးကအဆက်လက် ငုတ်လက်စများ၊ ယဉ်ကျေးမှု များ ပြန်လည်သိမ်းကောက်ပြီး ထူထောင်ကြဒါသိရတယ်။
ယဉ်ကျေးမှုဆိုသည်မှာ ရှေးဟောင်းမပါဘဲ မဖြစ်ပါ။ ရှေးဟောင်းကိုမူတည်ပြီးမှ ခေတ်သစ် ဥာဏ်သစ် ထူလျက် နောက်တခေတ်အတွက် အသစ်အဆန်းတည်တွင်နိုင်မှု တိုးတက်ခြင်းဖြစ် တယ်။ ဘယ်ပြဇာတ်၊ ဘယ်ရုပ်ရှင် ကားတွေကို ရွှေစင်ငွေစင် ရုပ်တွေပေးနေရုံနဲ့လဲ မပြီးသေးဘူး ဆိုဒါနားလည်ပြီးသားရှိမှာပေ့ါ။
အင်း…………ပြဇာတ်တို့ရုပ်ရှင်းတို့နဲ့ ပါတ်သက်လာပြန်လို့ ရေးစရာတွေ ပေါ်လာပြန်ပြီ။ အထက်က ရေးခဲ့တဲ့ ယဉ်ကျေးမှုဆိုတာတွေကတည်းမှာက ဇာတ်တွေ၊ ပြန်ဇာတ်တွေ၊ ရုပ်ရှင်ကား တွေမှာရော၊ ရှေးရာဇ၀င် ဇာတ်လမ်းများ ပြတဲ့အခါ အ၀တ်အဆင်နဲ့ အယဉ်အကျေးတွေ၊ နည်းမှန် လမ်းမှန်ရစေဘို့ အရေးကြီး ပါတယ်။
ဘာ့ကြောင့်လဲဆိုတော့ နောင်လာနောင်သားကလေး သူငယ်များမှာ ငါတို့မြန်မာများ ရှေးကဘယ် လို ကြီးကျယ် ခမ်းနားခဲ့ကြတယ်။ အ၀တ်အဆင်ဘယ်လိုယဉ်ကျေးခဲ့တယ်။ အနေအထိုင်ဘယ်မျှ အဆင့် အတန်း မြင့်ခဲ့ကြတယ်ဆိုတာ သိရှိနားလည်ဘို့ လိုပါလိမ်မယ်။ ဒါဟာ လူမျိုးတမျိုးရဲ့ ဂုဏ်ပါ ဘဲ။
ဥပမာ လန်ဒန်ပြတိုက်လိုဟာတွေက ရှေးရာဇ၀င် အဆောင်အယောင်အခမ်း အနားယဉ် ကျေးမှုတွေ မှုမှန်ပြ ထားတော့၊ ရုပ်ရှင်ကား ပြဇာတ်စသည်တို့ကလဲ အဲဒီမှုမှန်ကိုကြည့်ပြီး ဆင်ပြင် ၀တ်စားပြသ ရိုက်ကူးထားလေတော့အမှားမရှိဘူး။
ဗမာပြည်မှာ ဒီလိုရှေးရာဇ၀င်အသုံးအဆောင်အခမ်းအနားအ၀တ်အစား ယဉ်ကျေးမှုများကို မှုမှန် ပုံသေ ပြမထား နိုင်လို့ စမ်းတ၀ါးဝါးနဲ့ ရမ်းကြိတ်နေကြတဲ့ ကဇာတ်ပြဇာတ်ရုပ်ရှင်ကားတွေ အတော် များများ တွေ့ ခဲ့ရ ဘူးတယ်။
အမှန် အားဖြင့်တော့ ၀န်ကြီးတပါးတပါးမှာ လေးစားဖွယ်ရာ အဆောင်အယောင်၊ အခမ်း အနား နဲ့နောက်လိုက် ငယ်သားတွေ ဘယ်မျှ မြောက်များစွာ ခြံရံရတယ်ဆိုတာ သိထိုက်စရာပါဘဲ။
ဘယ်အချိန်ဘယ်အခါတုန်းကစပြီး ကြီးပွားထွန်းကားလာခဲ့ကြတယ်ဆိုတာ အဟောင်းကို ပြန်ပြန်လှန်လှန်ပြီး အင်မတန် ဂုဏ်ယူနေကြတယ်။ သက္ကရာဇ်ကြလေ…ပါဝါရှိလေပေါ့။ ဒီတော့ဗမာ ကလဲ နည်းတဲ့ သက္ကရာဇ် မှ မဟုတ်ဘဲနဲ့။ ကြွားခွင့်ရှိသလောက်တော့ ကြွားထိုက်ပါသေးတယ်။
အဲဒါကြောင့် ယဉ်ကျေးမှု အကောင်အထည်ပေါ်ဖေါ်တဲ့ အလုပ်ဟာ အရေးတကြီးလုပ် ထိုက်ပါတယ်လို့ မိမိတို့ လူမျိုး၏ နောက်နောက်သားမြေများအတွက် တမျိုး၊ကမ္ဘာတလွှားမှာလဲ ၀င့်ကြွားဂုဏ်ယူနိုင်စရာ တမျိုး မို့ ကြိုးစားကြပါလို့တိုက်တွန်းလိုပါတယ်။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
အမြင်ဆန်း ဘ၀င်လန်းစေသည့် ပြခန်းများ
ယခင်ဆောင်းပါအမှတ် ၆မှာ သန့်ရှင်းမှုနှင့် ယဉ်ကျေးမှုဆိုင်ရာတွင် အတော်ရှည်သွား သဖြင့် ရုပ်ရှင်နှင့် ပြဇာတ်ရုံတွေအကြောင်းကို ယခုမှရေးရတော့သည်။ လန်ဒန်မြို့မှာ ရှိသမျှရုပ်ရှင် ရုံတွေမှာ လက်မှတ် ၀ယ်ပြီး ၀င်သွားသည့်အချိန်ကစပြီး ခြေနင်းရသော နေရာမှန်သရွေ့ အမွေးဖွား ကော်ဇောကြီးတွေ အပြည့် မို့ အိမြုပ်ဝင်သွားသဖြင့် လူဘယ်လောက်သွားသွားဘိနပ်ခွါသံ တချက် တလေ မျှ မကြားရ၊ စားစရာဆိုင် ဆေးလိပ် သစ်ပင် ပန်းမာလ်များ ပန်းအိုးကြီး နှင့် စိုက်ပျိုးချယ်လယ်လျှက်၊ နေချင်စဖွယ် သာယာလှပအောင် ပြုပြင် ထားပေးသည်။ မိန်းမယောင်္ကျား အိမ်သာခန်းများ လည်း အလွန် သားနားလှသည်။
မျက်နှာသစ်ခွက် တွေ တစီတတန်းကြီးမှာ ဆပ်ပြာ၊ လက်သုတ်ပုဝါ၊ သို့မဟုတ် ငွေ့မှုတ် အခြောက်ခံစက်။ စက္ကူသောက်ရေခွက်၊ အလှပြင်စရာမှန် များနှင့်တကွ အိမ်သာတွေကလဲ တသီ တတန်းကြီး သန့်ပြန်စွာ ထားသည်။ အိမ်သာသုံး စက္ကူ မိန်းမများ ဆိုင်ရာ အရေးပေါ်သုံး စက္ကူ၊ ဂွမ်းစ၊ လိုရာရသည်။ ခေါင်းကိုက် ပျောက်ဆေး၊ အဖျားချွေးထုတ်ဆေး၊ အစာကြေဆေးကအစ တထိုင် တည်း ရနိုင်အောင် ပိုက်ဆံထည့်လျှင် အလိုလို ထွက်လာသော နံရံကပ် သေတ္တာငယ်ကလေးများ ရှိသည်။
ရုပ်ရှင်ရုံ သာမက ဟော်တယ် စားသောက်ဆိုင်၊ကုန်တိုက်ကြီးတွေအလုပ်ရုံပြတိုက်၊ ဥယျာဉ်၊ ဘူတာရုံ၊ မြေအောက် လမ်းကူး အိမ်သာ မကျန်နေရာတကာ ဤနည်းနှင်နှင်ရှိပါသည်။ တချို့လဲ ပိုက်ဆံ တကယ် ပဲယူသည်၊ အစဉ်သန့်ရှင်းပေးနေတဲ့၊ အိမ်သာဒေ၀တွေစောင့်ရသည်။ ပြဇာတ်ရုံတွေ မှာဆိုလျှင် မှန်ပြောင်း ကလေး တွေ ထိုင်ခုံတိုင်းမှာ ထားပေးသည်။ မှန်ပြောင်း ကလေးတွေ ထပ်ထား သောထိုင်ခုံ မှာ ပိုက်ဆံ ထည့် မှ ဖြုတ်လို့ရသည်။
လူတွေကလဲ ကြည့်ပြီး စည်းကမ်းတကျ ပြန်ထားခဲ့သည်။ ဘယ်သူမှ အပိုင် ဘုန်းမသွား ထိုင်ခုံတွေ ကိုတော့ ကတ္တီပါပန်း ကြွကြွရွရွဖေါင်ဖေါင်နှင့် ထိုင်လို့ကောင်းအောင် သပ်သပ်ယပ်ယပ် လုပ်ထားသဖြင့် ဓနရှင် အထက် တန်းစား ရုံဝင်ခ များများ ပေးနိုင်သူတွေသာ ဤ စည်းစိမ် မျိုးနှင့် ကြည့်ရသည်မဟုတ်ပါ။ မတ်တန်း အာဆောင်နီ ဆိုတဲ့ ၀င်ခအနည်းဆုံးကစပြီး သူဌေးကြီးတွေမီလျှံ နာကြီးတွေ ကြည့်တဲ့ အတန်းထိအောင် ကတ္တီပါ ထိုင်ခုံတပြေးတည်း တညီတည်း ထားပေးပါသည်။
နေရာရှေ့နောက်အနိမ့်အမြင့်ကိုသာ အတန်းခွဲ၍ ယူသည်။ သည်မျှခမ်းနားအောင်ပြုပြင် ထားသည်ကို ပွဲကြည့်ပရိသက်ကလဲ စည်းကမ်းတကျ သပ်ရပ်တိတ်ဆိတ်စွာ လက်ခံကြည့်ရှုကြပါ သည်။ အာဘောင်နီ မတ်တန်းနေရာ မှ မြေပဲခွံ၊ ကွာစိခွံ၊ ကွမ်းသွေးကွက်၊ တံထွေးကွက်ချခဲ့သူ တယောက်မျှ၊ မရှိပါ။ ဒါကြောင့် တပွဲနှင့် တပွဲပြောင်းမှာ ရုံခါရခြင်း၊ ဂျာဒူးဝါးသားက တံမြက်စီး လှည်းပေး ရခြင်း မရှိဘဲ မရပ်မနားဘဲ ဇာတ်ကား သတင်းကားများကို မုန့်လုံးစက္ကူကပ် သီချင်းလို လယ်နေအောင် ဆက်တိုက်ဆက်ပြသွားသည်။
ကြည့်တဲ့သူတွေကလဲ နေ့ပွဲညပွဲမှရွေးမနေ ကြည့်ချင်တဲ့အချိန်ဝင်ကြည့် ထွက်ချင်းတဲ့ အချိန်ပြန်ထွက်။ မထွက်ဘဲတနေ့လုံးထပ်တလဲလဲ ထိုင်ကြည့်ချင်လဲကြည့်နေ၊ တခါပိုက်ဆံပေးပြီးရင် သဘောတော် အတိုင်း ပါဘဲ။ ဒါပေမယ့် ထွက်လက်မှတ်တောင်းပြီး လမ်းထိပ်ခဏသွား၍ မုန့်ဟင်း ခါးစားလို့မရပါ။ ရုံအတွင်းမှာ ရှိတဲ့ ဆိုင် က ချိုချိုချဉ်ချဉ်စာချင်တာကိုဝယ်၍ စားသောက်နိုင်သည်၊ တပိုတပါး သွားနိုင်သည်။ ဆေးလ်ိပ် ထွက် သောက်နိုင်သည်။ သည်လိုကိစ္စတွေကို အားရအောင်ပြု ပြီးတော့ ပြခန်းထဲ တကြော့ ပြန်ဝင်ကြည့် နိုင်ပါသည်။ လန်ဒန်မှာရော နယူး ယောက်မှာရော ရုပ်ရှင် ရုံတွေအားလုံး တစံနစ်ထဲပါဘဲ။
သူတို့နိုင်ငံတွင် လူတွေများ အချိန်ကပိုတဲ့သူမှာပို။ ရှားတဲ့သူမှာဆိုတော့ နှစ်ဘက်ရ ပြုပြင်ထားသလိုဘဲ၊ ငါပိုက်ဆံပေးရဒါတွက်ခြေကိုက်အောင် တနေကုန်ထိုင်ကြည့်ပါသော်တော့ဆို တဲ့စိတ်မျိုး မထားနိုင်ကြပါဘူး။ တချို့ အချိန်ပိုလို့ဖြုန်းချင်းတဲ့ လူလဲထိုင်နေနိုင်တယ်။ ဒါကြောင့် ရုံထဲမှာ လူသစ်ဝင်လာတိုင်း နေရာ အလွတ် အသင့်ရ ဘို့မခဲယဉ်းပါ။
ဗမာပြည်မှာဆိုရင် နီတွက်တို့ အာမက်ကလေးတို့လို ကောင်လေးမျိုးတွေ နောက်ဂျိန်ချ တဲ့ ကားကုို ၃-၄ ခါထပ်ပြီး ပိုက်ဆံပေးကြည့်ရရှာတော့ လန်ဒန်ရုပ်ရှင်ရုံတွေရဲ့ ပြနည်းကို သူတို့ ကြိုက်ကြ မှဘဲ။ လိမ္မော်ခွံ ကွာစေ့ခွံ မချရတာတော့ကြိုက်ချင်မှကြိုက်မယ်။
အဲသလို သပ်ယပ်တဲ့ ရုပ်ရှင်ရုံတွေ ပြဇာတ်တွေ မြောက်များစွာရှိတဲ့ အနက်က ရိုင်ရယ် အော်ပရာဟောက်(စ်)ဆိုတဲ့ ပြဇာတ်ရုံကြီးဟာဖြင့် လန်ဒန်မှာ ရှိသမျှ ရုံတွေအနက် ခမ်းနားကြီး ကျယ်ရာ တွင် ထိပ်တန်း အကျဆုံးလို့ခေါ်ကြတယ်လေ။
၎င်းရုံကြီးမှာ နယူးယောက်စီတီဘဲလေးဆိုတဲ့ အမေရိကန်က လာကပြကြသော ဘဲလေး ပြဇာတ်ကြီးနှင့် ကြုံကြိုက်သဖြင့် မမခင်တို့သွားကြည့်သည်။ ဘဲလေးပြဇာတ်ကလဲ ဇာတိရုံကြီး ခမ်းနား ကြီးကျယ် သည်နှင့် အမျှ ပဏာရရနှင့် ကြည့်လို့ကောင်းလှသည်။
ဇာတ်ခုံအပြင်အဆင် အခမ်းအနားတွေကလဲ တအံ့အသြမားမားကြီး ရှိတဲ့အတွက် အခမ်း အနားတွေကို သားသားနားနား အကုန်အကျခံပြီး သဘောရှိ ပြုပြင်နိုင်ဒါပဲ။ မီးရောင်ပေးတဲ့ဘက်မှာ ဆိုရင်လဲ မီးမောင်း ရောင်စုံ တွေကို လိမ္မာကျွမ်းကျင်စွာ အသုံးချထိုးပြထားနိုင်လေတော့ ကြည့်ကွင်း ကြည့်ကွက်တွေမှာပိုပြီး လေးလေး နက်နက် ရှိလာဒါဘဲ။
ဇာတ်ရုံကြီးကျယ် သလို ဇာတ်ခုံအပြင်အဆင်တွေက လိုလေသေးမရှိသလောက် ကျွမ်းကျင် တက်မြောက် စွာ ကပြ အသုံးတော်ခံကြသူ ပညာသည်တွေစုံကြတယ်။ မိန်းမယောက်ျားတရား ကျော်လောက် လဲ ဇာတ်ရုံ နေရာ ဟာ သာသာယာယာချောင်ချောင် လယ်လယ်ကြီးပါဘဲ။ ရှုပ်ရှုပ် ထွေးထွေးနဲ့ မျက်စေ့နောက် မသွား စေရဘူး။ ဘဲလေးအကနှင့် ဇာတ်လမ်းသရုပ်ဖေါ်ထားတဲ့ (ပရိုဒီ ကယ်ဆန်း) ခေါ် သားမိုက်လေး ဇာတ်လမ်း ကလဲ အတော်ထိထိမိမိ ရှိပါသည်။
နောက်ဘဲလေယိမ်းလို့ ဗမာလိုဆိုကြပါစို့။
(Conceris barocco) ခေါ်တဲ့အက၊ တတိယပြကွက်က (The ried Piper) ဆိုတဲ့ အဆိုသမားက တလှည့်….။ ဘဲလေးအက တွေတလှည့် အတော်ကြည့်လို့ကောင်းတဲ့ အခန်းတိုလေးတခုပါ။ စတုတ္တပြကွင်းက [Beurree fant asque] လို့အမည်တပ်ထားတဲ့ ပြခဏ်းများဖြစ်တယ်။
အားလုံးအခဏ်းတိုလေး ၄-ခဏ်းပြတယ်။ တခဏ်းပြပြီးရင် တီးလိုက်ကြတဲ့ခက်ခုပ်၊ တီးလိုက်ကြတဲ့ လက်ခုပ်၊ နှုတ်ဆက်ရတဲ့ မင်းသားမင်းသ္မီးများမှာလဲ ဝမ်းစမိုး…..တူးစမိုး…. သရီးစမိုး….၃ခါတွက် ခေါင်းညွတ်မှပြီးတယ်။ လက်ခုပ်သုံးခါအတီးရပ်တယ်။ အခန်းပေါင်းလေးခန်း ဆိုတော့ လက်ခုပ်သြဘာ ၁၂-ခါတီးကြတယ်။ အဲဒါ တီးဝိုင်းဆရာတွေကို ပေးတဲ့လက်ခုပ်မပါသေး ဘူး။ သူတို့ရဲ့ ယဉ်ကျေးမှုက ချီးကြူးရခြင်း ဆုလာဘ်ပေ့ါလေ။ မဟုတ် ဟုတ်ဟုတ်လက်ဝါးတော့ ဆယ်နှစ်ခါ ထက်မနည်း ပူသွားမှာဘဲ။
သည်လိုသည်မျှလောက်ထိအဆိုကကောင်းနေပါစေ။ စတိတ်ဇာတ်ခုံ အပြင်အဆင် တစက်စက် စိမ့် ယိုထွက်အောင် ပြုပြင်ထားစေ။ ဇာတ်ရုံကြီးဖိတ်ဖိတ်လက်အောင် ခမ်းနားစေဦး။ ဗမာပြည် ပြဇာတ်လောက မှာဖြင့် ဤလိုအခဏ်းတိုလေး ၄-ခန်းလောက်နှင့်တော့ ငွေရပေါက်ချောင် လိမ့်မည် မထင်ပါ။
မျိုးချစ်မှကြည့်မယ်။ ကြည်ကြည်ဌေးမှကြိုက်တယ်။ ကြယ်နီပါရဲ့လား…..ဆိုတဲ့ အသံတွေ နဲ့ ဒဂုန်ဆရာတင် တို့ ပြဇာတ်တွေ ရေရှည်ကြိတ်နေနိုင်ကြတာ တမျိုးအားဖြင့် ချိးကြူးစရာပင်။
ရုပ်ရှင်လာကမှတော့ အိန္ဒိယရုပ်ရှင်ကားကို အင်မတန် အားကျစရာ ကောင်းနေပါသည်။ (အန်) ခေါ်တဲ့ အိန္ဒိယဆေးရောင်စုံ အသံထွက် ရုပ်ရှင်ကားပြခိုက်ဖြစ်၍ သွားကြည့်သည်။ လန်ဒန် မြို့မှာလာပြတဲ့ အိန္ဒိယ ရုပ်ရှင်ကား ကို အင်္ဂလိပ်လူမျိုးတွေ ကြိတ်ကြိတ်တိုး လာကြည့်နေပါသည်။
ပွဲကြည့် ပရိသတ်ထဲမှာ အိန္ဒိယလူမျိုးဆိုလို့ အနည်းအကျဉ်းသာ တွေ့ရသည်။ ဇာက်ကား ကလဲ လန်ဒန် မြို့ကြီး ကို တက်ပြရဲလောက်အောင် အတန်းမြင့်လှသည်။
ယခုသည်စာရေးနေချိန်တွင် ၎င်း(အန်း)ဇာတ်ကားဗမာ့ပြည်မှာပြနေကြောင်း နယူးယောက် သို့ ရောက်နေသော ဗမာ့ခေတ်သားသတင်းစာ တွင်တွေ့ရ ပါသည်။ အိန္ဒိယဇာတ်ကား (အန်း) ကဲ့သို့ လန်ဒန်မြို့ မှာ လာစွန်မည့်ဗမာ့ရုပ်ရှင်ကားများကိုလဲ တွေ့မြင်ချင်စမ်းပါဘိတော့သည်။
ယုဝတီများကျမ်းမာချမ်းသာပါစေ။
ယခင်ဆောင်းပါအမှတ် ၆မှာ သန့်ရှင်းမှုနှင့် ယဉ်ကျေးမှုဆိုင်ရာတွင် အတော်ရှည်သွား သဖြင့် ရုပ်ရှင်နှင့် ပြဇာတ်ရုံတွေအကြောင်းကို ယခုမှရေးရတော့သည်။ လန်ဒန်မြို့မှာ ရှိသမျှရုပ်ရှင် ရုံတွေမှာ လက်မှတ် ၀ယ်ပြီး ၀င်သွားသည့်အချိန်ကစပြီး ခြေနင်းရသော နေရာမှန်သရွေ့ အမွေးဖွား ကော်ဇောကြီးတွေ အပြည့် မို့ အိမြုပ်ဝင်သွားသဖြင့် လူဘယ်လောက်သွားသွားဘိနပ်ခွါသံ တချက် တလေ မျှ မကြားရ၊ စားစရာဆိုင် ဆေးလိပ် သစ်ပင် ပန်းမာလ်များ ပန်းအိုးကြီး နှင့် စိုက်ပျိုးချယ်လယ်လျှက်၊ နေချင်စဖွယ် သာယာလှပအောင် ပြုပြင် ထားပေးသည်။ မိန်းမယောင်္ကျား အိမ်သာခန်းများ လည်း အလွန် သားနားလှသည်။
မျက်နှာသစ်ခွက် တွေ တစီတတန်းကြီးမှာ ဆပ်ပြာ၊ လက်သုတ်ပုဝါ၊ သို့မဟုတ် ငွေ့မှုတ် အခြောက်ခံစက်။ စက္ကူသောက်ရေခွက်၊ အလှပြင်စရာမှန် များနှင့်တကွ အိမ်သာတွေကလဲ တသီ တတန်းကြီး သန့်ပြန်စွာ ထားသည်။ အိမ်သာသုံး စက္ကူ မိန်းမများ ဆိုင်ရာ အရေးပေါ်သုံး စက္ကူ၊ ဂွမ်းစ၊ လိုရာရသည်။ ခေါင်းကိုက် ပျောက်ဆေး၊ အဖျားချွေးထုတ်ဆေး၊ အစာကြေဆေးကအစ တထိုင် တည်း ရနိုင်အောင် ပိုက်ဆံထည့်လျှင် အလိုလို ထွက်လာသော နံရံကပ် သေတ္တာငယ်ကလေးများ ရှိသည်။
ရုပ်ရှင်ရုံ သာမက ဟော်တယ် စားသောက်ဆိုင်၊ကုန်တိုက်ကြီးတွေအလုပ်ရုံပြတိုက်၊ ဥယျာဉ်၊ ဘူတာရုံ၊ မြေအောက် လမ်းကူး အိမ်သာ မကျန်နေရာတကာ ဤနည်းနှင်နှင်ရှိပါသည်။ တချို့လဲ ပိုက်ဆံ တကယ် ပဲယူသည်၊ အစဉ်သန့်ရှင်းပေးနေတဲ့၊ အိမ်သာဒေ၀တွေစောင့်ရသည်။ ပြဇာတ်ရုံတွေ မှာဆိုလျှင် မှန်ပြောင်း ကလေး တွေ ထိုင်ခုံတိုင်းမှာ ထားပေးသည်။ မှန်ပြောင်း ကလေးတွေ ထပ်ထား သောထိုင်ခုံ မှာ ပိုက်ဆံ ထည့် မှ ဖြုတ်လို့ရသည်။
လူတွေကလဲ ကြည့်ပြီး စည်းကမ်းတကျ ပြန်ထားခဲ့သည်။ ဘယ်သူမှ အပိုင် ဘုန်းမသွား ထိုင်ခုံတွေ ကိုတော့ ကတ္တီပါပန်း ကြွကြွရွရွဖေါင်ဖေါင်နှင့် ထိုင်လို့ကောင်းအောင် သပ်သပ်ယပ်ယပ် လုပ်ထားသဖြင့် ဓနရှင် အထက် တန်းစား ရုံဝင်ခ များများ ပေးနိုင်သူတွေသာ ဤ စည်းစိမ် မျိုးနှင့် ကြည့်ရသည်မဟုတ်ပါ။ မတ်တန်း အာဆောင်နီ ဆိုတဲ့ ၀င်ခအနည်းဆုံးကစပြီး သူဌေးကြီးတွေမီလျှံ နာကြီးတွေ ကြည့်တဲ့ အတန်းထိအောင် ကတ္တီပါ ထိုင်ခုံတပြေးတည်း တညီတည်း ထားပေးပါသည်။
နေရာရှေ့နောက်အနိမ့်အမြင့်ကိုသာ အတန်းခွဲ၍ ယူသည်။ သည်မျှခမ်းနားအောင်ပြုပြင် ထားသည်ကို ပွဲကြည့်ပရိသက်ကလဲ စည်းကမ်းတကျ သပ်ရပ်တိတ်ဆိတ်စွာ လက်ခံကြည့်ရှုကြပါ သည်။ အာဘောင်နီ မတ်တန်းနေရာ မှ မြေပဲခွံ၊ ကွာစိခွံ၊ ကွမ်းသွေးကွက်၊ တံထွေးကွက်ချခဲ့သူ တယောက်မျှ၊ မရှိပါ။ ဒါကြောင့် တပွဲနှင့် တပွဲပြောင်းမှာ ရုံခါရခြင်း၊ ဂျာဒူးဝါးသားက တံမြက်စီး လှည်းပေး ရခြင်း မရှိဘဲ မရပ်မနားဘဲ ဇာတ်ကား သတင်းကားများကို မုန့်လုံးစက္ကူကပ် သီချင်းလို လယ်နေအောင် ဆက်တိုက်ဆက်ပြသွားသည်။
ကြည့်တဲ့သူတွေကလဲ နေ့ပွဲညပွဲမှရွေးမနေ ကြည့်ချင်တဲ့အချိန်ဝင်ကြည့် ထွက်ချင်းတဲ့ အချိန်ပြန်ထွက်။ မထွက်ဘဲတနေ့လုံးထပ်တလဲလဲ ထိုင်ကြည့်ချင်လဲကြည့်နေ၊ တခါပိုက်ဆံပေးပြီးရင် သဘောတော် အတိုင်း ပါဘဲ။ ဒါပေမယ့် ထွက်လက်မှတ်တောင်းပြီး လမ်းထိပ်ခဏသွား၍ မုန့်ဟင်း ခါးစားလို့မရပါ။ ရုံအတွင်းမှာ ရှိတဲ့ ဆိုင် က ချိုချိုချဉ်ချဉ်စာချင်တာကိုဝယ်၍ စားသောက်နိုင်သည်၊ တပိုတပါး သွားနိုင်သည်။ ဆေးလ်ိပ် ထွက် သောက်နိုင်သည်။ သည်လိုကိစ္စတွေကို အားရအောင်ပြု ပြီးတော့ ပြခန်းထဲ တကြော့ ပြန်ဝင်ကြည့် နိုင်ပါသည်။ လန်ဒန်မှာရော နယူး ယောက်မှာရော ရုပ်ရှင် ရုံတွေအားလုံး တစံနစ်ထဲပါဘဲ။
သူတို့နိုင်ငံတွင် လူတွေများ အချိန်ကပိုတဲ့သူမှာပို။ ရှားတဲ့သူမှာဆိုတော့ နှစ်ဘက်ရ ပြုပြင်ထားသလိုဘဲ၊ ငါပိုက်ဆံပေးရဒါတွက်ခြေကိုက်အောင် တနေကုန်ထိုင်ကြည့်ပါသော်တော့ဆို တဲ့စိတ်မျိုး မထားနိုင်ကြပါဘူး။ တချို့ အချိန်ပိုလို့ဖြုန်းချင်းတဲ့ လူလဲထိုင်နေနိုင်တယ်။ ဒါကြောင့် ရုံထဲမှာ လူသစ်ဝင်လာတိုင်း နေရာ အလွတ် အသင့်ရ ဘို့မခဲယဉ်းပါ။
ဗမာပြည်မှာဆိုရင် နီတွက်တို့ အာမက်ကလေးတို့လို ကောင်လေးမျိုးတွေ နောက်ဂျိန်ချ တဲ့ ကားကုို ၃-၄ ခါထပ်ပြီး ပိုက်ဆံပေးကြည့်ရရှာတော့ လန်ဒန်ရုပ်ရှင်ရုံတွေရဲ့ ပြနည်းကို သူတို့ ကြိုက်ကြ မှဘဲ။ လိမ္မော်ခွံ ကွာစေ့ခွံ မချရတာတော့ကြိုက်ချင်မှကြိုက်မယ်။
အဲသလို သပ်ယပ်တဲ့ ရုပ်ရှင်ရုံတွေ ပြဇာတ်တွေ မြောက်များစွာရှိတဲ့ အနက်က ရိုင်ရယ် အော်ပရာဟောက်(စ်)ဆိုတဲ့ ပြဇာတ်ရုံကြီးဟာဖြင့် လန်ဒန်မှာ ရှိသမျှ ရုံတွေအနက် ခမ်းနားကြီး ကျယ်ရာ တွင် ထိပ်တန်း အကျဆုံးလို့ခေါ်ကြတယ်လေ။
၎င်းရုံကြီးမှာ နယူးယောက်စီတီဘဲလေးဆိုတဲ့ အမေရိကန်က လာကပြကြသော ဘဲလေး ပြဇာတ်ကြီးနှင့် ကြုံကြိုက်သဖြင့် မမခင်တို့သွားကြည့်သည်။ ဘဲလေးပြဇာတ်ကလဲ ဇာတိရုံကြီး ခမ်းနား ကြီးကျယ် သည်နှင့် အမျှ ပဏာရရနှင့် ကြည့်လို့ကောင်းလှသည်။
ဇာတ်ခုံအပြင်အဆင် အခမ်းအနားတွေကလဲ တအံ့အသြမားမားကြီး ရှိတဲ့အတွက် အခမ်း အနားတွေကို သားသားနားနား အကုန်အကျခံပြီး သဘောရှိ ပြုပြင်နိုင်ဒါပဲ။ မီးရောင်ပေးတဲ့ဘက်မှာ ဆိုရင်လဲ မီးမောင်း ရောင်စုံ တွေကို လိမ္မာကျွမ်းကျင်စွာ အသုံးချထိုးပြထားနိုင်လေတော့ ကြည့်ကွင်း ကြည့်ကွက်တွေမှာပိုပြီး လေးလေး နက်နက် ရှိလာဒါဘဲ။
ဇာတ်ရုံကြီးကျယ် သလို ဇာတ်ခုံအပြင်အဆင်တွေက လိုလေသေးမရှိသလောက် ကျွမ်းကျင် တက်မြောက် စွာ ကပြ အသုံးတော်ခံကြသူ ပညာသည်တွေစုံကြတယ်။ မိန်းမယောက်ျားတရား ကျော်လောက် လဲ ဇာတ်ရုံ နေရာ ဟာ သာသာယာယာချောင်ချောင် လယ်လယ်ကြီးပါဘဲ။ ရှုပ်ရှုပ် ထွေးထွေးနဲ့ မျက်စေ့နောက် မသွား စေရဘူး။ ဘဲလေးအကနှင့် ဇာတ်လမ်းသရုပ်ဖေါ်ထားတဲ့ (ပရိုဒီ ကယ်ဆန်း) ခေါ် သားမိုက်လေး ဇာတ်လမ်း ကလဲ အတော်ထိထိမိမိ ရှိပါသည်။
နောက်ဘဲလေယိမ်းလို့ ဗမာလိုဆိုကြပါစို့။
(Conceris barocco) ခေါ်တဲ့အက၊ တတိယပြကွက်က (The ried Piper) ဆိုတဲ့ အဆိုသမားက တလှည့်….။ ဘဲလေးအက တွေတလှည့် အတော်ကြည့်လို့ကောင်းတဲ့ အခန်းတိုလေးတခုပါ။ စတုတ္တပြကွင်းက [Beurree fant asque] လို့အမည်တပ်ထားတဲ့ ပြခဏ်းများဖြစ်တယ်။
အားလုံးအခဏ်းတိုလေး ၄-ခဏ်းပြတယ်။ တခဏ်းပြပြီးရင် တီးလိုက်ကြတဲ့ခက်ခုပ်၊ တီးလိုက်ကြတဲ့ လက်ခုပ်၊ နှုတ်ဆက်ရတဲ့ မင်းသားမင်းသ္မီးများမှာလဲ ဝမ်းစမိုး…..တူးစမိုး…. သရီးစမိုး….၃ခါတွက် ခေါင်းညွတ်မှပြီးတယ်။ လက်ခုပ်သုံးခါအတီးရပ်တယ်။ အခန်းပေါင်းလေးခန်း ဆိုတော့ လက်ခုပ်သြဘာ ၁၂-ခါတီးကြတယ်။ အဲဒါ တီးဝိုင်းဆရာတွေကို ပေးတဲ့လက်ခုပ်မပါသေး ဘူး။ သူတို့ရဲ့ ယဉ်ကျေးမှုက ချီးကြူးရခြင်း ဆုလာဘ်ပေ့ါလေ။ မဟုတ် ဟုတ်ဟုတ်လက်ဝါးတော့ ဆယ်နှစ်ခါ ထက်မနည်း ပူသွားမှာဘဲ။
သည်လိုသည်မျှလောက်ထိအဆိုကကောင်းနေပါစေ။ စတိတ်ဇာတ်ခုံ အပြင်အဆင် တစက်စက် စိမ့် ယိုထွက်အောင် ပြုပြင်ထားစေ။ ဇာတ်ရုံကြီးဖိတ်ဖိတ်လက်အောင် ခမ်းနားစေဦး။ ဗမာပြည် ပြဇာတ်လောက မှာဖြင့် ဤလိုအခဏ်းတိုလေး ၄-ခန်းလောက်နှင့်တော့ ငွေရပေါက်ချောင် လိမ့်မည် မထင်ပါ။
မျိုးချစ်မှကြည့်မယ်။ ကြည်ကြည်ဌေးမှကြိုက်တယ်။ ကြယ်နီပါရဲ့လား…..ဆိုတဲ့ အသံတွေ နဲ့ ဒဂုန်ဆရာတင် တို့ ပြဇာတ်တွေ ရေရှည်ကြိတ်နေနိုင်ကြတာ တမျိုးအားဖြင့် ချိးကြူးစရာပင်။
ရုပ်ရှင်လာကမှတော့ အိန္ဒိယရုပ်ရှင်ကားကို အင်မတန် အားကျစရာ ကောင်းနေပါသည်။ (အန်) ခေါ်တဲ့ အိန္ဒိယဆေးရောင်စုံ အသံထွက် ရုပ်ရှင်ကားပြခိုက်ဖြစ်၍ သွားကြည့်သည်။ လန်ဒန် မြို့မှာလာပြတဲ့ အိန္ဒိယ ရုပ်ရှင်ကား ကို အင်္ဂလိပ်လူမျိုးတွေ ကြိတ်ကြိတ်တိုး လာကြည့်နေပါသည်။
ပွဲကြည့် ပရိသတ်ထဲမှာ အိန္ဒိယလူမျိုးဆိုလို့ အနည်းအကျဉ်းသာ တွေ့ရသည်။ ဇာက်ကား ကလဲ လန်ဒန် မြို့ကြီး ကို တက်ပြရဲလောက်အောင် အတန်းမြင့်လှသည်။
ယခုသည်စာရေးနေချိန်တွင် ၎င်း(အန်း)ဇာတ်ကားဗမာ့ပြည်မှာပြနေကြောင်း နယူးယောက် သို့ ရောက်နေသော ဗမာ့ခေတ်သားသတင်းစာ တွင်တွေ့ရ ပါသည်။ အိန္ဒိယဇာတ်ကား (အန်း) ကဲ့သို့ လန်ဒန်မြို့ မှာ လာစွန်မည့်ဗမာ့ရုပ်ရှင်ကားများကိုလဲ တွေ့မြင်ချင်စမ်းပါဘိတော့သည်။
ယုဝတီများကျမ်းမာချမ်းသာပါစေ။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
မမေ့နိုင်သည့်ထမင်းစားပွဲ
နယူးယောက်မြို့ကိုသာ ရောက်ရှိနေသော်လည်း လန်ဒန်မြို့ရဲ့ ရှုခင်းအလှတွေနဲ့ သူတို့ နိုင်ငံရဲ့ ရာသီဥတု အခြေအနေ အပြင်၊ လန်ဒန်ကို ရောက်ရှိနေကြတဲ့ မြန်မာပြည် မှ မိတ်ဆွေတစု တို့ရဲ့ အရေးအယူ ပြုစု ယုယ ဧည့်ခံမှုတွေကိုလဲ မမေ့နိုင်သော ကျေးဇူးတင်ခြင်းဖြင့်၊ မှတ်တမ်း အဖြစ် တင်လိုပေ သေးသည်။
လန်ဒန်မြို့မှာ ပူအိုက်သော နွေရာသီဟုခေါ်စေကာမူ မမခင်တို့ ဗမာပြည် ဆောင်းဥတုရဲ့ နံနက် ချိန်လောက် အေးပါသည်။ မကြာခဏ နေရောင်ကိုမြင်ရပါ၏။ သို့နှင့်နေခြည်ဖြာပါသော် လည်း ကား တလှည့် မီးရထားတလှည့် ခြေကျင်တလှည့် မနားမနေ သွားနေကြရာတွင် မပင်ပန်းဘဲ အလွန်ခရီး တွင်ပါ ပေသည်။
လန်ဒန်မှာ နေ့စဉ် မမခင်တို့တည်းခိုသော ဟိုတယ်မှာ ဆောက်(သ်) ကင်စင်တန် ရပ် ကွက်ရှိ၊ (ရဲင်ဗရင့်) ဟိုတယ်ဖြစ်၍ ၀ိတိုရိယ အယ်လဘတ် မြူးစီယာန် အဆောက်အဦးကြီးနှင့် မျက် နှာချင်းဆိုင် နေသော ကြောင့် ပြတိုက်ကြီးသို့ မကြာခဏ၀င်ကြည့်နိုင်သော အခွင့်အရေးတခုကို ရရှိ နေရပေသည်။
၎င်းဟိုတယ်မှာ ကမ္ဘာကျော် ပန်းချီဆရာကြီး(ရဲင့်ဗရင့်)ကို အစွဲပြု၍ မှည့်ခေါ်ထားသော နာမည်ကြီး စာရေးဆရာ ပန်းချီဆရာစတဲ့ အနုပညာသည်တို့ နားနေရာ တိတ်ဆိတ်ငြိမ်သက် ဣနြေ္ဒသိက္ခာရှိ လူကြီး လူကောင်း များအကြိုက် ဟိုတယ်ကြီးဖြစ်သည်ဟု အဆိုရှိသည်နှင့်ကိုက်ညီ အောင် တိတ်ဆိတ် ငြိမ်သက် လှပါ ပေသည်။
အင်္ဂလိပ် မြန်မာမိတ်ဆွေများ၏ တလှည့်စီဘိတ်ခေါ်ကျွေးမွေးဧည့်ခံကြခြင်း။ ရောက်ထိုက်၊ ကြည့်ထိုက် သော နေရာမှန်သမျှ လိုက်လံပြသကြခြင်းကြောင့် (၁ဝ)ရက်မျှသာ ကြာခဲ့သော်လည်း လန်ဒန်မြို့ကြီးကို ခြေရာထပ် နေပြီဟုပင် အထင်မှားလောက်အောင် နေ့ရာညပါရပ်နားခြင်း မရှိခဲ့ပါ။
ကျမ္မာရေးမှာ လန်ဒန်ရာသီဥတုနှင့် အစားအစာအသွားအလာကို ထောက်ခံနေသလို အံ့အားသင့် လောက်အောင် ကောင်းလာသည်ကို တွေ့ရပေသည်။ ရန်ကုန်တွင် နေ့စဉ်က ကြက်ဆွတ်ပြုတ်၊ ငါး ကက်ထလိပ်၊ လိမ္မော်သီး၊ ပန်းသီးလောက်နဲ့ တနေ့တကြိမ်သာ လက်ခံခဲ့သော အစာအိမ်မှာ အတော် တိုးတက် လာပါသည်။
ဟိုတယ်မှကျွေးသော ဘရိပ်(ခ)ဖတ်(စ်)နံနက်စာ၊ လန့်(ချ)နေ့လည်စာ။ ဒင်းနားညစာ တို့ကို သုံးကြိမ် စလုံး စားနိုင်လာသည်။
တနေ့လည် သံအမတ်ကြီး ဦးကာစီ ဘိတ်ကြားသော နေ့လည်စာတွင် အာလူးနှင့် ပေါင်မုန့်ကို အတော် ကလေး စားနိုင်သည်။ ထိုနေ့မှာပင် ညစာကို ဘီ-ဘီ-စီ-အသံလွှင့်ဌာန ဦးတင်မောင်အိမ်မှ မြန်မာထမင်း ချက်ပြုတ် ကျွေးမွေးဧည့်ခံပြန်ရာတွင် ထမင်းသာမက ဘယ်သော အခါကမှ မတဲ့သော ပြောင်းဖူးကြော် ကိုပင် တ၀ စားခဲ့မိသည်။
နောက်နေ့ဘာမှမဖြစ် ဆေးလည်းမသောက်ရ ရန်ကုန်တုန်းကဆိုလျှင် တကြိမ်အစားမှား သွားက ဆရာဝန် ပြေးခေါ်ရ၊ ဆေးဆိုင်လွှတ်ရ၊ ဆေးပုလင်းစင်နား ရှာရဖွေရနှင့် အတော်လေး ဒုက္ခ ပေးသော အစာအိမ် ပေါ့။
ယုဝတီဂျာနယ်နှင့် အိမ်ရှင်မများအတွက် (ဘီ-ဘီ-စီ) ဦးတင်မောင် ထမင်းပွဲအကြောင်း နဲနဲ ရေးစရာ ရှိသေးသည်။ ဦးတင်မောင်တို့ရဲ့ နေအိမ်ဟာ သိမ်းမြစ် တဘက်ကမ်းမှာရှိပြီး မမခင်တို့ တည်းခိုတဲ့ နေရာ နှင့် မိနစ်၂၀မျှ သွားရသည်။
တယ်လီဖုံးနှင့် မမခင်တို့ရှိမရှိမေးပြီးမှ သူတို့ထမင်းစားဘိတ်ကြားခြင်းဖြစ်သည်။ လာနိုင် ပါသည်။ ယခု လာခဲ့ပါပြီဟု စကားပြန်လိုက်မှ ကောက်ခါငင်ခါ ချက်သည့် ထမင်းပွဲတဲ့။
အငွေ့ တထောင်းထောင်းထသော ဘဲဥပုံဟင်းပန်းကန်ကြီးတွေ သယ်လာလိုက်သည်မှာ အံ့သြစရာပင် (ဘိလပ် ငါးဆီပြန်ချက် ကို ငြုတ်သီးရဲရဲနှင့် တမျိုး)၊ အုန်းသီးနှင့်ကြက်သား။ အမဲသား ခါးပတ်ကြော်၊ အလွန် ချိုသည့် ပြောင်းဖူးကြော်ဟင်းချို၊ ငါးပိချက် သီးစုံရွက်စုံ တို့စရာ တဗန်းကြီးနှင့် တခမ်းတနား တွေ့ရသည်။
နာမည်ကျော် စားတော်ကဲကြီး ဦးတင်အောင် ကိုယ်တိုင် မိနစ်အနည်းငယ်အတွင်း ချက်ပြုတ် ဖန်တီး လိုက်သော ထမင်းပွဲကြီး ကို အတော်ချီးကျူးမိကြသည်။
မမခင်တို့သာမဟုတ်သေး၊ ဗမာပြည်မှရောက်သည့် ဧည့်သည်တော်များဖြစ်ကြတဲ့ ဦးဘအေး၊ ဆရာဦးဘခို၊ ဆရာဦးအေးမောင်၊ ဆရာမြင့်ရှိန်စသည်ဖြင့် တပျော်တပါး စားကြသည်။ မမခင် က ဒီ ထမင်း စားပွဲ ကို အမြန်ဆုံး ဘယ်ပုံဘယ်နည်း ဖန်တီးပါသလဲ...ဟု စောဒကတက်မိရာ၊ ပြောင်းဖူး၊ ကြက်သား၊ အမဲသား၊ ငါး...အားလုံး ခုတ်ပြီးလှီးပြီးတွေကို သွတ်ဘူးကြီးတွေထဲမှာ ဖေါက်ယူပြီး ဆီသတ်ရုံလေးပါဘဲ ဟု ပြောပြတော့မှ ပြဿနာရှုင်းလေတော့သည်။
ဗမာပြည်မှ အိမ်ရှင်မတွေရဲ့ အလွန်သနားစရာ ကောင်းသည် မီးဖိုဆောင်အခက်အခဲကို ပြေး သတိရ မိလေ တော့သည်။
မြန်မာပြည်မှာသာ အခုလို သစ်သီးသစ်ရွက် သားငါးပုဇွန်၊ ရာသီလိုက်ပေါ်သော အစားအစာတွေကို အဲဒီလို စည်သွတ်ဗူး တွေ ပြုလုပ်ထားနိုင်မည်ဆိုပါက အိမ်ရှင်မများ ဘယ် လောက်သက်သာမလဲနော်။
ရှားသည့်အခါလည်း အဖိုးကြီးပေးဝယ်ရသော အခက်အခဲမျိုးလည်း တွေ့ရမည်မထင်။ အချိန်မရွေး ဈေးပြေးဝယ်၍ မရနိုင်သော ဒုက္ခမျိုးလဲမရှိအောင် ပြည်တော်သာ စီမံကိန်းထဲမှာ ဒါမျိုး တွေပါ ထည့်စီစဉ် ပေးနိုင်မယ် ဆိုရင် ဗမာအိမ်ရှင်မများဟာ မီးဖိုချောင်တာဝန်အတော်ပင် ချောင် လည်လာမည်။ အချိန်ပို ရလာမည်။ စရိတ်စက သက်သာလာမည်။
အချိန်ပိုရသည့် အတွက် တိုင်းပြည်အတွက်သော်၎င်း၊ တဖက်တလမ်းက ငွေဝင်မည့် လုပ်ငန်း တခုခု ကို၎င်း၊ ယခုထက် ဆောင်ရွက်လုပ်ကိုင်နိုင်ကြမည်ဟု မျှော်မှန်းမိပေသည်။ မမခင် တို့ လန်ဒန်ကနေပြီး ပြင်သစ်ရဲ့ မြို့တော်ပဲရစ်မြို့ကို တဖန်ကူးခဲ့ကြပြန်ရာ တည်းခိုတဲ့လမ်းမှာ စာရေးဆရာ အနုပညာ သမား များနဲ့ ပတ်သက်တဲ့လမ်းကို ရောက်ခဲ့ရပြန်သည်။
CREDIT: shwezinu ဘလော့ကနေ တဆင့် ကူးယူဖော်ပြပါတယ်။
0 comments:
Post a Comment