မုံရွာအနီး အလောင်းတော်ကဿပသွား တောလား

အလောင်းတော်ကဿပသွား တောလား 
 

Saturday, March 19, 2011  ဒီမိုဝေယံ 

ဒီနေ့ တပေါင်းလပြည့် အခါသမယမှာ  မြန်မာပြည်သူ ပြည်သားတွေ  ကြည်ညို သဒ္ဓါပွားများနိုင်ဖို့ ပေးပို့လာတဲ့ အလောင်းတော်ကဿပ ခရီးသွား ဆောင်းပါးနဲ့ ဓာတ်ပုံတွေကို လိုအပ်တာ ပြန်လည် ပြင်ဆင်ပြီး အမိမြန်မာပြည် အမှတ်တရ အနေနဲ့ တင်ပြပေးလိုက်ပါတယ်..။ ရောက်ဖူးသူတွေလည်း ယခုလက်ရှိ အနေအထားကို သိရှိနိုင်ဖို့နဲ့ မရောက်ဖူးသေးတဲ့ သူတွေအတွက်လည်း အမိမြန်မာပြည်က လက်ရှိမြင်ကွင်းတွေကို သိမြင်ခံစားနိုင်စေဖို့ အလောင်းတော်ကဿပ သွားတောလားပေါ့ဗျာ..။   

အလောင်းတော်ကဿပ လှိုဏ်ဂူရှိရာ ကနီမြို့နယ်ကို မုံရွာတစ်ဘက်ကမ်း ညောင်ပင်ကြီးဆိပ်ကနေ မိုင် (၈ဝ) ကျော် ခရီးလောက်သွားရပါတယ်. ။ ရန်ကုန်ကနေ ဘုရားဖူးကားစီးသွား၊ မုံရွာမြို့ရောက်ရင် မောင်းထောင်ကျောင်းတိုက် ၀င်းထဲမှာရှိတဲ့ (ဦးညိုဝင်းနှင့် ရောင်းရင်းများ) Mini Bus တွေနဲ့ အလောင်းတော်ကဿပ တောထဲကို ဆက်သွားရပါတယ်။ ကားခကတော့ တစ်ယောက်ကို အသွားအပြန် (၁၂၀၀၀ကျပ်)ပေးရပါတယ်..။ ပြီးခဲ့တဲ့ ဖေဖော်ဝါရီလက ကားခပါ။ မုံရွာကနေ အလောင်းတော်အထိကို မိုင်(၈၀)ကျော်ရှိပါတယ်။ ဟိုးယခင် အခါတွေကတော့ နွားလည်း သို့မဟုတ် ဆင်တွေနဲ့ တောလမ်းခရီးကို စွန့်စွန့်စားစား သွားရပါတယ်..။ ခုခါမှာတော့ နိုင်ငံတော်အစိုးရရဲ့ စေတနာကြောင့် ... ချောမွေ့နေပြီလို့ ဆိုရမှာပေါ့ဗျာ..။ တောင်တက်လမ်း ဖြစ်တဲ့အပြင်၊ မြေသားလမ်း ဖြစ်တာကြောင့် လမ်းခရီး အတော် ကြမ်းတမ်းပါတယ်။ ဘုရားဖူးလာ ဗုဒ္ဓဘာသာဝင်များကတော့ စေတနာဇော နဲ့လာရောက် ဖူးမြှော်တာ ဖြစ်တဲ့အတွက် လမ်းခရီးမှာ အဆင်မချောမွေ့တဲ့ မည်သည့်ကိစ္စကိုမဆို အင်မတန် သည်းခံကြတာကို တွေ့ရပါတယ်..။ (ဒါကလည်းနိုင်ငံတော် အစိုးရက အနှစ်(၂၀)ကျော် လေ့ကျင့်ပေးထားတာပါ.. ဒီလိုပဲ ကျေးဇူးဆိုတာ ရှာကြံတင်ရတယ်လေ)။

အလောင်းတော် ကဿပ ခရီးတ၀က်ဖြစ်တဲ့ (ကပိုင်ရွာ)မှာ ခရီးတစ်ထောက်နားကြပြီး အမောပြေကြံရည်၊ လက်ဖက်ရည်၊ အဆာပြေ ထမင်းကြော်တွေ ဝယ်စားပေါ့..။ စားသောက်ကြပြီး ခရီးဆက်သွားရင်တော့ (ကပိုင်ရွာ)ကနေ အလောင်းတော်ကို ၂၇မိုင်ကျော်ဆို ရောက်ပြီလေ..။ ဒါပေမဲ့ အလောင်းတော် ကဿပ ဘေးမဲ့ကြိုးဝိုင်း နီးလာလေ တောင်တက်လမ်းများက ကြမ်းတမ်း မတ်စောက်လာလေပါပဲ။ 

 အလောင်းတော်ကဿပ ဘေးမဲ့ကြိုးဝိုင်းအနီး ရောက်လာတဲ့ အခါမှာတော့ တောပိုင်၊ တောင်ပိုင် နတ်ကွန်းလို့ ဒေသခံတွေက ပြောကြပေမယ့် ဗုဒ္ဒဘုရားရှင် ဆင်းတုတော်(၃)ဆူ ကိုသာတွေ့ရပြီး၊ ကားဒရိုင်ဘာနှင့် ကားစပါယ်ယာတို့က ကားပေါ်မှဆင်းကာ အမွှေးနံ့သာတိုင်နှင့်၊ ဆီမီးအလင်းတိုင်တွေ ထွန်းညှိ ပူဇော်လှုဒါန်းကြပေါ့..။ ဘေးအန္တရာယ် ကင်းရှင်းပါစေကြောင်း ဆုတောင်းကြတာတွေ လုပ်ပေါ့။ ကားဒရိုင်ဘာနှင့် စပါယ်ယာတို့မှ ကားပေါ် စီးနင်းလိုက်ပါလာတဲ့ ဘုရားဖူးဓမ္မ မိတ်ဆွေများကို ဤနေရာမှ စပြီးကားပေါ်မှ တံတွေးထွေးချခြင်း၊ ညစ်ညမ်းသော စကားများပြောဆိုခြင်း၊ နောက်ပြောင် ပြောဆိုခြင်း၊ မဆင်မခြင်အပေါ့၊ အလေးသွားခြင်းတို့ကို လုံးဝမပြုလုပ်ကြပါရန် အနူးအညွတ် တောင်းပန်ကြပေါ့ ။ သူ့ရပ်ရွာ စည်းကမ်းတွေကိုတော့ လိုက်နာကြရတယ်လေ..။ အဲ့ဒီကနေနောက်ထပ် တစ်နာရီလောက် ကြာအောင်ကားကို မောင်းနှင်ပြီးရင်တော့ အလောင်းတော်ကဿပ ကိုယ်တော်မြတ်ကြီး သီတင်းသုံးရာ နယ်နိမိတ်အတွင်းသို့ ရောက်ပါပြီ.။

 ဆင်အရောင်မဲ့နဲ့ အကျိုးပြုဆင် ကွာတယ်နော်...

 အသုံးဝင်တဲ့ ဆင်တွေက ဒီမှာလေ.. အသုံးမဝင်တဲ့ ဆင်အရောင်မဲ့ တွေကတော့ နေပြည်တော်မှာဆိုလားပဲ.. ဒါတောင် အဲ့ဒီ့အရောင်မဲ့ ဆင်ကိုရှိခိုး အားကိုးနေတဲ့ လူတွေရှိတယ် ဆိုပဲ.. ကြားမိတာပါ..

အလောင်းတော် သီတင်းသုံးရာ နေရာကို အဲ့ဒီကနေ နောက်ထပ် ၇ဖာလုံ(တစ်မိုင်ခန့်) ထပ်သွားရပါတယ်။ ခြေလျှင် လျှောက်သူများကလည်း ခြေလျှင်ခရီး၊ တချို့သက်ကြီးရွယ်အိုများနဲ့ ကလေးသူငယ်များ၊ ကျန်းမာရေးမကောင်းသူများကတော့ ဆင်စီးပြီး ခရီးဆက်ကြပါတယ်။ ခရီးသည်တင် ဆင်တွေကတော့ အစိုးရ သစ်တောဌာနမှ ဆင်များဖြစ်သလို၊ ကိုယ်ပိုင်ပုဂ္ဂလိက ဆင်များလည်းရှိပါတယ်။ အလောင်းတော်ကဿပ အ၀င် ဆိုင်းဘုတ်နေရာမှ အလောင်းတော် သီတင်းသုံးရာ ဂူအနားထိ ဆင်စီးခ လူတစ်ယောက်ကို(၂၀၀၀ကျပ်)ပေးရပြီး၊ ဆင်တကောင် အပေါ်မှာ လူ(၄)ယောက်သာ လိုက်ပါ စီးနင်းခွင့်ရှိပါတယ်။ အလောင်းတော် ကဿပကိုယ်တော်မြတ်ကြီး၏ ရုပ်တုတော် သီတင်းသုံးရာ စံကျောင်းတော်တွင်းကို ဘုရားဖူးတွေ ၀င်ရောက် ရှိခိုးပူဇော်ကြပြီး၊ အလောင်းတော် ရုပ်တုတော်မြတ်ကြီးအား ရွှေသင်္ကန်း ကပ်လှုပူဇော်ကြပါတယ်။ ရုပ်တုတော် သီတင်းသုံးရာ စံကျောင်းတော် ပတ်ဝန်းကျင် အနီးအနားမှာတော့ အလောင်းတော်ကဿပ သမိုင်းစာအုပ်၊ ပုံတော်၊ VCD များအပြင် ဆင်ပြီးလက်စွပ်၊ တောထွက်ဘယဆေးများ၊ မုန့်ဟင်းခါး၊ အသုပ်စုံ၊ ကော်ဖီ၊ လက်ဖက်ရည်ဆိုင်တွေလည်း ခင်းကျင်း ရောင်းချနေကြရပါတယ်။ 

 အဲ့ဒီနောက်မှာတော့ အလောင်းတော်ကဿပ ကိုယ်တော်မြတ်ကြီး နောက်ဆုံးပရိနိဗာန်ပြု အဓိဌာန်ခဲ့တဲ့ ဂူပေါက်ဝကို သွားရောက် ပူဇော်ဖို့အတွက် စတီးလှေကား နဲ့ဂူအောက် တောင်ကြားသို့ ဆင်းကြရပါတယ်။ အလောင်းတော် ကိုယ်တော်မြတ်ကြီး အဓိဌာန် ပရိနိဗာန်ပြုခဲ့တဲ့ ဂူပေါက်ဝကို ရောက်တဲ့အခါမှာ ဦးခိုက်ရှိခိုးကန်တော့ကြပြီး၊ အလောင်းတော်ကြီး သီတင်းသုံးရာ ဂူပေါက်ဝနံရံကို ရွှေသင်္ကန်းများနဲ့ ကပ်လှုပူဇော် ဆုတောင်း အဓိဌာန်ပြုကြပါတယ်။

 ဗုဒ္ဒဘာသာဝင်တွေရဲ့ စေတနာသဒ္ဒါတရား ထက်သန်မှုကို ဒီခရီးစဉ်မှာ ထင်ရှားစွာမျက်မြင် တွေ့ရှိရပါတယ်။ မြန်မာပြည်က ပြည်သူပြည်သား ဗုဒ္ဒဘာသာဝင်တွေဟာ ဘုရားဖူးရာသီ ရောက်တာနဲ့ မိမိတို့တစ်နှစ်တာ ရှာဖွေ စုဆောင်းထားတဲ့ ငွေလေးများနှင့် ကုသိုလ်ထူးရအောင် ဘုရားဖူးခရီးကို ကြိုးစားထွက်ကြရပါတယ်။ သို့ပေမဲ့ (နိုင်ငံတော် အစိုးရရဲ့ စေတနာနဲ့) ပြည်တွင်း  စီးပွါးရေး ကြပ်တည်းမှုကြောင့် အများစုဟာ ဘုရားဖူးခရီးမထွက်နိုင်ကြပဲ၊ စိတ်ရည်မှန်းကာပဲ မြန်မာပြည်တွင်းရှိ တန်ခိုးကြီးဘုရား အဆူဆူတို့ကို ဖူးမြော်ပူဇော်ကြရပါတယ်။ ဤဆောင်းပါးကို ရေးသားလိုက်ရခြင်း စေတနာကြောင့် မြန်မာပြည်သူလူထုကြီး စိတ်၏ဆောင်ရာ၊ ကိုယ်၏လွတ်မြောက်ရာ တရားဒေသနာတွေကို လွယ်ကူ လျှင်မြန်စွာ ရရှိပါစေကြောင်း ဆုတောင်းပတ္ထနာ ပြုလိုက်မိပါတော့သည်။

ပေးပို့လာသူအား ကျေးဇူးတင်ပါသည်...။

https://picasaweb.google.com/109255525006943086316/AloungTawKattapha?noredirect=1#5585520631895935378

2011 က ဒီမိုဝေယံရဲ့ ခရီးသွားဆောင်းပါး ဖြစ်ပါတယ်။ 

Read More

တာချီလိတ်အနီး နယ်စပ် နဲ့ ကျေးလက်ခရီး

ဂျောပရွာသို့ ခရီးတစ်ခေါက် (ခရီးသွားဆောင်းပါး)

တာချီလိတ်မြို့နယ်၊ လွယ်တော်ခမ်းကျေးရွာအုပ်စု၊ ဂျောပကျေးရွာသို့ (၁၂.၃.၂၀၁၃) တွင် ရောက်ရှိခဲ့ပါသည်။ ရွာရှိ ပညာရေးမိသားစုမှ ညီငယ် မူလတန်းကျောင်းအုပ်ဆရာကြီး ဦးဇော်မင်း၏ ဖိတ်ကြားချက်အရဖြစ်ပါသည်။ မိမိအနေဖြင့်လည်း ခရီးသွားဆောင်းပါးများ ရေးသားခြင်းကိုနှစ်သက်သဖြင့် ရောက်ဖြစ်အောင် သွားရောက်ခဲ့ပါသည်။

လွယ်တော်ခမ်းကျေးရွာအုပ်စုသည် တာချီလိတ်မြို့မှ မိုင်းဆတ်မြို့အထွက် လမ်းဘေး ဘယ်ညာ တွင် တည်ရှိပါသည်။ ကျောက်တုံးကြီးများအား ညီညာသပ်ရပ်စွာ ခင်းထားသော တာချီလိတ် မိုင်းဆတ် လမ်းမကြီးအတိုင်း သွားပြီး လမ်း၏ ညာဖက်တွင် "ဂျောပသို့ သုံးမိုင်" ဟု ဆိုင်းဘုတ်ငယ်ရေးထားသည့်
 မြေနီလမ်းမတွင်ဝင်ပြီး တောင်ဆင်းတောင်တက် နာရီဝက်ခန့်ကျော်ပါက ဂျောပရွာသို့
ရောက်ရှိပြီဖြစ်သည်။ မတ်စောက်သော အတက်အဆင်းများကို ဖြတ်ကျော်ခဲ့ရ သော်လည်း သာယာလှပသော တောင်ပေါ်ရှုခင်းများကို ကြည့်ရှုခွင့်ရသဖြင့် ကြည်နူးအမောပြေစေပါသည်။

လွန်ခဲ့သောနှစ်အနည်းငယ်က စတင်ကြိုးစားသင်ကြားခဲ့သော စာသင်ကျောင်းငယ်ကိုတွေ့ခဲ့ရသည်။
လူကြီးများ အရေးကြီးသောကိစ္စ ရှိ၍ မဟုတ်ဘဲ ရောက်ရှိလေ့မရှိသောနေရာ ဖြစ်လင့်ကစား ညီငယ် ဦးဇော်မင်းသည် သူတတ်နိုင်သလောက် ကျောင်းနှင့်တူသော ကျောင်းဖြစ်အောင်ကြိုးစားနေသည်ကို မျက်ဝါးထင်ထင်တွေ့ရှိခဲ့ရသည်။





ထို့ပြင် ကျေးရွာသူကြီးဦးလော်ရိုးနှင့်လည်း စကားပြောခွင့်ရရှိခဲ့ပါသည်။ ထူးခြားသည်မှာကျေးရွာသူကြီးအဖြစ် ကာလရှည်ကြာ ဆောင်ရွက်နေခြင်းဖြစ်ပါသည်။ ကျေးရွာ၏ ကြည်ညိုလေးစားယုံကြည်မှုကြောင့် ဖြစ်ကြောင်းသိရပါသည်။ ပညာရေးကို အားပေးသဖြင့် တိုးတက်မှုရှိကြောင်းသိရပါသည်။ ယခင်က ယခုကျောင်းမှာ ဆရာတည်မြဲလေ့မရှိဘဲ လက်ရှိကျောင်းအုပ်ဆရာကြီး လက်ထက်မှ ဆရာတည်မြဲလာခြင်းဖြစ်ကြောင်း သိရပါသည်။ စိုက်ပျိုး မွေးမြူရေးလုပ်ငန်းများဖြင့် စားဝတ်နေရေး အဆင်ပြေကြကြောင်း သိရှိရသည်။

ဤခရီးတွင်ထူးခြားစွာ သိရှိခဲ့ရသည့် အကြောင်းအရာတစ်ခုကို တင်ပြပါမည်။
ဒေသခံ အာခါတိုင်းရင်းသားများအား ပိုမိုတိုးတက်စေရန်အတွက် စီမံကိန်းတစ်ခုကို ၂၀၁၃တွင် စတင်နေခြင်းပင်ဖြစ်ပါသည်။ ၎င်းစီမံချက်မှာ မယ်ဖလုန် (Mae Fae Luang)ဒေသဖွံ့ဖြိုးရေး စီမံချက်ပင်ဖြစ်ပါသည်။ ၎င်းစီမံချက် ကွင်းဆင်းမန်နေဂျာ ဦးဝင်းမြတ်နှင့် တွေ့ဆုံခွင့်ရရှိခဲ့ပါသည်။ ဦးဝင်းမြတ်သည် အာခါတိုင်းရင်းသား ပညာတတ်တစ်ဦးဖြစ်ပြီး လူမှုရေးလုပ်ငန်းများတွင် ယခင်ကလည်း စိတ်အားထက်သန်စွာ ဆောင်ရွက်ခဲ့သူတစ်ဦးဖြစ်ကြောင်း သိရှိခဲ့ရသည်။ ဂျောပရွာ ဘုရားကျောင်း တွင် ယာယီရုံးခန်းဖွင့်ထားပြီး စီမံကိန်းရုံး အဆောက်အဦ ဆောက်လုပ်ရေးလုပ်ငန်းကို စီစဉ်နေသလို ဒေသဖွံ့ဖြိုးရေးစီမံကိန်းကိုလည်း စတင်ကြိုးစားနေပြီဖြစ်ကြောင်းသိရသည်။

အာခါတိုင်းရင်းသားအများစုနေထိုင်သော ဒေသပြည်သူလူထု၏  လမ်းပန်းဆက်သွယ်ရေး၊ စိုက်ပျိုးရေး၊ မွေးမြူရေး တို့ကို အဓိကကူညီသွားမည်ဖြစ်ကြောင်း၊ ၎င်းကဏ္ဍများနှင့်
အတူ ပညာရေး၊ ကျန်းမာရေး စသည်တို့ကိုလည်း ကူညီပံ့ပိုးသွားမည်ဖြစ်ကြောင်း သိရှိရပါသည်။
စီမံကိန်းကာလမှာ(၆)နှစ်ခန့် ကြာမြင့်မည်ဖြစ်ကြောင်း၊ ဂျောပကျေးရွာအပါအ၀င် ကျေးရွာပေါင်း(၁၄)ရွာ အတွက် အဓိကဆောင်ရွက်သွားမည် ဖြစ်ကြောင်းကိုလည်း သိရပါသည်။ ယခုစီမံကိန်းကို ထိုင်းဘုရင့်အစီအစဉ်ဖြင့် ကူညီပံ့ပိုးခြင်းဖြစ်ကြောင်းလည်း သိရှိရပါသည်။

မြန်မာနိုင်ငံနှင့် ကပ်လျှက်ရှိသော ထိုင်းနိုင်ငံ ချင်းရိုင်း ခရိုင်အတွင်းတွင်လည်း မယ်ဖလုန် (Mae Fae Luang) ဟူသည့် ဒေသတစ်ခုရှိပါသည်။ ၎င်းဒေသတွင် ထိုင်းနိုင်ငံသား အာခါလူမျိုးများနေထိုင်ပြီး လှပသော ပန်းဥယျာဉ်၊ အဆင့်အတန်း မြင့်မားသော လူနေမှုအဆောက်အဦများ
ရေမီး ပြည့်စုံမှု၊ လမ်းပန်းဆက်သွယ်ရေးကောင်းမွန်မှုများ ရှိနေပြီဖြစ်ပါသည်။ ဤ ကဲ့သို့ မယ်ဖလုန်ဒေသဖွံ့ဖြိုးရေးအတွက်ကိုလည်း ထိုင်းဘုရင့် အစီအစဉ်ဖြင့် အကောင်းဆုံး
ဆောင်ရွက်ပေးထားကြောင်းသိရပါသည်။ မယ်ဖလုန်ဒေသဖွံ့ဖြိုးမှုမှာ နေ့စဉ် နိုင်ငံခြားသားများစွာ လာရောက်လေ့လာကြည့်ရှုသည့် အခြေအနေသို့ပင် ရောက်ရှိနေပြီး စည်စည်ကားကားဖြင့်
နိုင်ငံခြားဝင်ငွေများစွာပင် ရရှိနေပြီဖြစ်ပါသည်။

စာရေးသူ ကျွန်တော့်အနေဖြင့် လွန်ခဲ့သော ၂၀၁၃ခုနှစ် ဖေဖော်ဝါရီလ ၂၅ ရက်နေ့က စာရေးဆရာကြီး လယ်တွင်းသားစောချစ်၊ စာရေးဆရာနေ၀င်းမြင့်၊ ခင်ခင်ထူး တာချီလိတ် စာရေးဆရာအသင်းက ညီအစ်ကိုများနှင့်အတူ တစ်ခေါက် ရောက်ခဲ့ပြီးဖြစ်၍ ယခုဆောင်းပါးကို
ရေးဖြစ်ခြင်းလည်းဖြစ်သည်။ ဒေသခံများ၏ ပါးစပ်ရာဇ၀င်အရ ထိုင်းဘုရင့်မိသားစုနှင့်ပတ်သက်၍ အာခါလူမျိုးများက တစ်ချိန်တစ်ခါက
 ကျေးဇူးရှိခဲ့သဖြင့်
 ပြန်လည်ကျေးဇူးဆပ်သည်ဟု ပြောဆိုကြပါသည်။
မည်သို့ပင်ဖြစ်စေကာမူ ယနေ့ခရီးထွက်ခွာသည့် ကာလလေးတစ်ခုတွင် မြန်မာ့နွယ်ဖွား အာခါတိုင်းရင်းသားများ၏ တိုးတက်မှု့ဖြစ်စေမည့် အခြေအနေကောင်းတစ်ခုကို  တွေ့မြင်ခဲ့ရသဖြင့် ၀မ်းသာရပါသည်။

နောက်တစ်ကြိမ် ဂျောပရွာသို့ အလည်ခရီးတစ်ခေါက် ရောက်ခဲ့ပါမူ ဖွံ့ဖြိုးတိုးတက်နေသော
မြန်မာ့မြေတွင်းမှ အာခါကျေးရွာများကို မြင်တွေ့တင်ပြသွားမည်ဖြစ်ကြောင်း သတင်းကောင်းပါးရင်း ဆောင်းပါးကိုနိဂုံးချုပ်အပ်ပါသည်။

ဆောင်းပါးရှင်။        ။ မြတ်မျိုးမြင့်မှန်

 မြတ်မျိုးမြင့်မှန်ရဲ့ ဘလော့ဂ်မှ ခရီးသွားဆောင်းပါးကို ပြန်လည် မျှဝေပါတယ်။

Read More

ဝက်သားတင်တဲ့ နတ်ပွဲ - စစ်ကိုင်း

Friday, August 10, 2012

ဓာတ်ပုံ- မျက်ရှု့ သုတ၊ ရသမဂ္ဂဇင်း

စစ်ကိုင်းမြို့နယ် သာဒွန်းကျေးရွာ၌ ၀က်သားများကို အမျိုးစုံစွာ စီရင်ပြုလုပ်ပြီး ပူဇော် ပသသော ထူးထူးခြားခြား နတ်ပွဲကို ဇွန်လ ၂၁ ရက်နေ့က အစဉ်အလာမပျက် ကျင်းပပြုလုပ်ခဲ့သည်။

နတ်များအား ပူဇော်ပသမှုပြုလုပ်ရာတွင် ၀က်သားကိုအထူး ရှောင်ကြဉ်လေ့ရှိကြသော်လည်း စစ်ကိုင်းမြို့ အနောက်ဘက် မအူလေးရွာအုပ်စုဝင် သာဒွန်းကျေးရွာမှာ လွန်ခဲ့သည့် နှစ်ပေါင်း ရာချီကတည်းကပင် ယင်း ကဲ့သို့ ၀က်သားဟင်း အမယ် စုံနှင့် ထူးခြားစွာ ပူဇော်ဆက်သ လာကြကြောင်း သိရှိရသည်။

နတ်ပွဲမှာ မြင်းဖြူရှင်အား ပူဇော်ပသသော ပွဲဖြစ်ပြီး နှစ်စဉ် နယုန်လပြည့်ကျော် ၅ ရက်နေ့တွင် ကျင်းပလေ့ ရှိကြပြီး အဆိုပါ နေ့မှာ ဗုဒ္ဓဟူးနေ့နှင့် တိုက်ဆိုင်နေပါက( ဗုဒ္ဓဟူး နတ်ရူး တောင် မကပ်ဘူးဟုဆိုကာ) နောက် ၂ ရက် လွှဲ၍ နယုန်လပြည့် ကျော် ၇ ရက်နေ့တွင် ကျင်းပလေ့ရှိကြောင်း သိရှိရသည်။

အဆိုပါ နတ်ပွဲကျင်းပရာ သာဒွန်းရွာတောင်ဘက် အ၀င်ပေါက်ရှိ နတ်ကွန်းတွင် ညနေ ၃ နာရီ ၀န်းကျင်ခန့်၌ ဆိုင်းသံ၊ ဗုံသံ မပါဘဲ ပူဇော်ပသခြင်းလည်း ဖြစ်သည်။

ပူဇော်ရာတွင် ရွာရှိအိမ်ထောင်စု တစ်စုလျှင် ယခုနှစ်၌ ငွေ ၁၅၀၀ ကျပ် ကောက် ခံ ပြီး ရရှိငွေများမှ ၀က်သား တုံး သီးသန့် ခုနစ်တုံးနှင့် အတူ ၀က်သားနှင့် ငါးရံ့ခြောက်၊ ၀က်သားနှင့် ဖရုံသီး၊ ၀က်သားနှင့် ငရုတ်သီးကြော်၊ ၀က်သား ဆန်ပြုတ် အစရှိသည့် ၀က်သားကို မျိုးစုံစီမံ ချက်ပြုတ်ကာ ကောက် ညှင်းပေါင်းအဖြူ၊ အနီ၊ အုန်းသီး စိပ်၊ ထုံးနှင့် ဆန်ကြမ်းများ ရော၍ တိရစ္ဆန်ရုပ်ပုံ သဏ္ဌာန်များ ပြုလုပ်ထားသော ထိုးမုန့်များဖြင့် ဒေသခံ လူကြီးများ က နတ်ကွန်းပေါ်သို့ တက်ရောက်ပြီး ပူဇော်ပသကာ ရွာသူ၊ ရွာသားများက နတ်ကွန်းအောက် ကွင်းပြင်မှ ပူဇော်ကန်တော့ ကြသည်။

နတ်ကွန်းတိုင်ခြေများတွင်လည်း ဆင်စာ၊ မြင်းစာအဖြစ် ထည့်သွင်းပူဇော်ကြကြောင်း တွေ့ရသည်။ လာရောက် ပူဇော်သူ များအား ဒေသအခေါ် (ဗြုန်းစပ်) ဟု ခေါ်သည့် ၀က်သားဆန်ပြုတ်တစ်အိုး၊ ထမင်း၊ ငှက်ပျောသီး ၈ လုံး၊ ကောက်ညှင်း ပေါင်း အဖြူ၊ အနီ၊ ငရုတ်သီးကြော်၊ ဖရုံသီးချက်များကို ပြန်လည်ဝေငှလေ့ ရှိကြောင်း ရွာသားတစ်ဦးကလည်း ဆိုပါသည်။


နတ်ပွဲတွင် ပြန်လည် ဝေငှသော ၀က်သားဆန်ပြုတ်(ဗြုန်း စပ်) ချက်ပြုတ်ရာတွင် ဆန် ၂ တင်း နှင့်ဝက်သား ၃၅ ပိဿာ အသုံးပြု ချက်ပြုတ်ခဲ့ရပြီး ယခုနှစ်ပူဇော်ပသသည့် ပွဲအရေအတွက်မှာ ၂၆၂ ပွဲရှိကြောင်း သိရသည်။

မြန်မာနိုင်ငံ အလယ်ပိုင်းရှိ အညာဒေသများတွင် မြင်းဖြူရှင်နတ်မှာ ကိုးကွယ်မှုများသော နတ်ဖြစ်ပြီး အညာဒေသ ရှိ သစ်ပင် ကြီးများ အောက်တွင် မြင်းဖြူရှင် နတ်ကွန်းများကို မြင်တွေ့နိုင်ပြီး မြင်းဖြူရှင် နတ်လေးမျိုး ရှိသည်ဟု သိရသည်။

တစ်ကျောင်း တစ်ဂါထာ၊ တစ်ရွာ တစ်ပုဒ်ဆန်း မြင်းဖြူရှင်များလည်းရှိရာ သာဒွန်း ရိုးရာ နတ်ပွဲမှာ ပျော်ပွဲ၊ ရွှင်ပွဲအဖြစ် ကျင်း ပ ပြီးစီးရပြီး ပျော်ရွှင်ဖွယ်မဖြစ်ပါက နောက် တစ်ကြိမ်ပြန်လည် ပူဇော် ဆက်သကြရကြောင်း သိရသည်။

ကိုးကွယ်ယုံကြည် မှုများအရ ရိုးရာနတ်ပွဲများကို တစ်ရွာ တစ်ပုဒ်ဆန်း ကိုယ့် အယူအဆနှင့်ကိုယ် ကျင်းပသော ဆိုင်းသံ၊ ဗုံ သံ တညံညံဖြင့် ကျင်းပလေ့ ရှိသော ရတနာ့ဂူ၊ တောင်ပြုန်း၊ ပခန်းကြီး အစရှိသည့် နတ်ပွဲကြီးများထိ နည်းမျိုးစုံနှင့် ပူဇော် ပသရာ ၀ါဆို၊ ၀ါခေါင် လများမှာ အဆိုပါပွဲတော်များ အများဆုံး ကျင်းပလေ့ရှိသောလ များ ဖြစ်သည်။

ရီရ

မျက်ရှု့သုတ ရသ မဂ္ဂဇင်းမှာ ကူးယူဖော်ပြသည်။

Read More

လန်ဒန်မြို့အကြောင်း

လန်ဒန်မြို့သည် အင်္ဂလန်နှင့် ယူနိုက်တက်ကင်းဒမ်း တို့၏ မြို့တော်ဖြစ်သည်။

ယူကေတွင် အကြီးမားဆုံး မြို့တော်နှင့် မြို့ပြ နယ်မြေဖြစ်ပြီး ဥရောပ သမဂ္ဂ နယ်မြေတွင်လည်း အကြီးဆုံး ဖြစ်သည်။ သိမ်းမြစ်ကမ်း ပေါ်တွင် တည်ရှိပြီး သမိုင်းကြောင်း အရ ရောမလူမျိုးများ ထူထောင်ခဲ့သည်ဟု သိရှိရသည်။

ကမ္ဘာပေါ်တွင် ထိပ်တန်း ဘဏ္ဍာရေး အချက်အချာ နေရာတစ်ခုဖြစ်ပြီး ပဉ္စမ သို့မဟုတ် ဆဋ္ဌမမြောက် ဂျီဒီပီ အများဆုံး မြို့ပြနယ်မြေ တစ်ခုလည်း ဖြစ်သည်။

ထို့ပြင် ကမ္ဘာ့ ယဉ်ကျေးမှု မြို့တော် တစ်ခု အဖြစ်လည်း သတ်မှတ် ခံရသည်။ ကမ္ဘာပေါ်တွင် နိုင်ငံတကာမှ ခရီးသွားများ လာရောက်မှု အများဆုံး မြို့တော်လည်း ဖြစ်ပြီး ကမ္ဘာ့ အကြီးဆုံး လေကြောင်းပို့ဆောင်ရေး စနစ်လည်း ရှိသည်။

လန်ဒန်မြို့ရှိ တက္ကသိုလ် ၄၃ ခုသည် ဥရောပတွင် အဆင့်မြင့် ပညာရေးကဏ္ဍ၌ အကြီးမားဆုံး ဖြစ်ကြသည်။ ၂ဝ၁၂ ခုနှစ် လန်ဒန် အိုလံပစ် ကျင်းပခဲ့ခြင်းကြောင့် ခေတ်သစ် နွေရာသီ အိုလံပစ် ပွဲတော်ကို သုံးကြိမ် လက်ခံ ကျင်းပခွင့်ရသော ပထမဆုံးမြို့တော် ဖြစ်လာခဲ့သည်။

လန်ဒန်မြို့တွင် လူဦးရေနှင့် ယဉ်ကျေးမှု အမျိုးအစား များစွာရှိရာ ဘာသာစကားပေါင်း ၃ဝဝ ကျော် အသုံးပြု လျက် ရှိနေသည်။ လန်ဒန်မြို့တွင် တရားဝင် နေထိုင်သော လူဦးရေ ၈၁၇၄၁ဝဝ ရှိရာ ဥရောပ သမဂ္ဂ နယ်မြေ အတွင်းတွင် လူဦးရေ အထူထပ်ဆုံးသော မြို့ပြနယ်မြေ တစ်ခု ဖြစ်သည်။ ယူနိုက်တက်ကင်းဒမ်း တစ်ခုလုံး၏ ၁၂ ဒသမ ၅ ရာခိုင်နှုန်း ရှိသည်။

လန်ဒန်မြို့တွင် ကမ္ဘာ့ ယဉ်ကျေးမှု အမွေအနှစ် နေရာ လေးခုရှိရာ ၎င်းတို့မှာ လန်ဒန်မျှော်စင်၊ ဝက်စ်မင်နင် စတာ ဘုရားရှိခိုးကျောင်း၊ စိန့်မာဂရက် ဘုရားရှိခိုးကျောင်းနှင့် သမိုင်းဝင် ဂရင်းဝစ်ခ်ျအ ဆောက်အအုံများ ဖြစ်သည်။ အခြား ထင်ရှား ကျော်ကြားသော နေရာများမှာ ဘက်ကင်ဟမ် နန်းတော်၊ ပစ်ကာဒီလီ အဝိုင်း၊ စိန်ပေါလ် ဘုရားရှိ ခိုးကျောင်း၊ မျှော်စင်တံတားနှင့် ထရာဖယ်လ်ဂါ ပန်းခြံတို့ ဖြစ်သည်။ လန်ဒန်မြို့တွင် မြောက်မြားစွာသော ပြတိုက်များ၊ အနုပညာ ပြခန်းများ၊ စာကြည့်တိုက်များ၊ အားကစား ပွဲတော်များနှင့် အခြားသော ယဉ်ကျေးမှု အဖွဲ့အစည်းများ ရှိသည်။

လန်ဒန် မြေအောက်ရထားသည် ကမ္ဘာပေါ်တွင် သက်တမ်း အရင့်ဆုံး ရထားလမ်း ကွန်ရက်တစ်ခု ဖြစ်သည်။

ဒေသဆိုင်ရာ အစိုးရ

လန်ဒန်မြို့ အုပ်ချုပ်ရေးကို အပိုင်းနှစ်ပိုင်း ခွဲခြားထားပြီး လန်ဒန်မြို့တော် အာဏာပိုင် အဖွဲ့က မြို့တော်တစ် ဝန်းလုံး အုပ်ချုပ်ရေးကို တာဝန်ယူ၍ နယ်မြေ အစိတ်အပိုင်းများ အုပ်ချုပ်ရေးကို လက်အောက်ရှိ အာဏာပိုင် အဖွဲ့အစည်း ၃၃ ခုက တာဝန်ယူသည်။

လန်ဒန်မြို့တော် အာဏာပိုင် အဖွဲ့တွင် မြို့တော်ဝန်နှင့် လန်ဒန်အုပ်ချုပ်မှု အဖွဲ့တို့ ပါဝင်သည်။ လန်ဒန်မြို့ကို မြို့ပြ ရဲတပ်ဖွဲ့က တာဝန်ယူ စောင့်ရှောက်ပြီး လန်ဒန် သယ်ယူပို့ဆောင်ရေး ရဲတပ်ဖွဲ့သည် အမျိုးသား မီးရထားနှင့် လန်ဒန် မြေအောက်ရထား လုပ်ငန်းများကို တာဝန်ယူ ကြီးကြပ်သည်။ လန်ဒန် မီးသတ်နှင့် အရေးပေါ် စီမံခန့်ခွဲရေး အာဏာပိုင် အဖွဲ့သည် ကမ္ဘာပေါ်တွင် တတိယ အကြီးဆုံး မီးသတ် လုပ်ငန်းဖြစ် သည်။ အမျိုးသား ကျန်းမာရေးလုပ်ငန်း အရေးပေါ်ဌာနကို လန်ဒန် အရေးပေါ် လုပ်ငန်းဌာနမှ ကူညီ ထောက်ပံ့သည်။

ကမ္ဘာပေါ်တွင် အရေးပေါ် လူနာတင်ယာဉ် လုပ်ငန်းကို အခမဲ့ အကြီးမားဆုံး ဆောင်ရွက်ပေးသော အဖွဲ့ဖြစ်သည်။ ထို့ပြင် လန်ဒန် လေကြောင်း အရေးပေါ် အဖွဲ့၊ ဘုရင်မကြီး၏ ကမ်းခြေစောင့် တပ်ဖွဲ့နှင့် တော်ဝင် အမျိုးသား အသက်ကယ်လှေ အဖွဲ့တို့က သိမ်းမြစ် အတွင်း စောင့်ကြပ် တာဝန်ယူသည်။

လန်ဒန်မြို့တွင် ယူနိုက်တက် ကင်းဒမ်း၏ အစိုးရအဖွဲ့ တည်ရှိပြီး ဝက်စ်မင်နင်စတာ နန်းတော်တွင် ထားရှိ သည်။ အစိုးရဌာန အများအပြားမှာ ပါလီမန်နှင့် ဝှိုက်ဟောလ်အနီးတွင် တည်ရှိသည်။ ဝန်ကြီးချုပ်၏ အမှတ် (၁ဝ) ဒေါင်းနင်း လမ်း နေအိမ်မှာလည်း အဆိုပါ အဆောက်အအုံများ အနီး၌ တည်ရှိသည်။ ဗြိတိသျှပါလီမန်သည် အခြား ပါလီမန် စနစ်များ၏ စံပြဖြစ်ပြီး ပါလီမန်များ၏ မိခင်ဟု ခေါ်ဝေါ်ခြင်း ခံရသည်။

ရာသီဥတု

လန်ဒန်မြို့သည် မျှတသော သမုဒ္ဒရာပိုင်း ရာသီဥတုရှိကာ ဗြိတိန် တောင်ပိုင်း ဒေသအများစုနှင့် ဆင်တူ သည်။ ဆောင်းရာသီ အချိန်များတွင် သာမန်အားဖြင့် အေးခဲပြီး နိုဝင်ဘာလမှ မတ်လအထိ နှင်းခဲများ ဖုံးလွှမ်းခြင်းကို တစ်ပတ်လျှင် နှစ်ကြိမ် ကြုံတွေ့ရသည်။ ဒီဇင်ဘာလမှ ဖေဖော်ဝါရီလ အထိ တစ်နှစ်လျှင် လေးကြိမ်မှ ငါးကြိမ် နှင်းများ ကျတတ်သည်။ မတ်နှင့် ဧပြီ အတောအတွင်း နှင်းကျဆင်းမှု နည်းပါးပြီး နှစ်နှစ် သို့မဟုတ် သုံးနှစ်လျှင် တစ်ကြိမ် သာ ဖြစ်ပေါ်လေ့ ရှိသည်။

နွေရာသီ အချိန်များတွင် ပုံမှန်အားဖြင့် ပူနွေးပြီး တစ်ခါတစ်ရံ ပူအိုက်သည်။ လန်ဒန်မြို့လယ်ရှိ အပူချိန်သည် ဆင်ခြေ ဖုံးနှင့် မြို့စွန် ဒေသများထက် ၅ ဒီဂရီ ပိုမိုပူနွေးသည်။

လူနေရပ်ကွက်များ

လန်ဒန်မြို့ မြို့ပြနယ်မြေကို လူနေ ရပ်ကွက်များဖြစ်သော ဘလွန်းဘူရီ၊ မေဖဲ၊ ဝင်ဘလေ စသော နာမည်များ ကို အစွဲပြု ခေါ်ဝေါ်သည်။ လန်ဒန် အနောက်ပိုင်း အရပ်သည် လန်ဒန်မြို့၏ အဓိက ဖျော်ဖြေရေးနှင့် ဈေးဝယ်ရာ နေရာများ တည်ရှိရာဖြစ်ပြီး ကမ္ဘာလှည့် ခရီးသည်များကို ဆွဲဆောင်လျက် ရှိသည်။ အရှေ့ဘက် အစွန်း ရပ်ကွက်မှာမူ လန်ဒန် ဆိပ်ကမ်းနှင့် အနီးတွင် တည်ရှိပြီး ပြည်ပမှ လာရောက် နေထိုင်သူ အများဆုံး ရပ်ကွက် ဖြစ်သည်။ လန်ဒန်မြို့၏ အဆင်းရဲဆုံး ရပ်ကွက်များထဲတွင် တစ်ခု အပါအဝင်ဖြစ်သည်။ လန်ဒန်မြို့ ကို ၁၉၆၅ ခုနှစ်မှစ၍ ဘာရာ ရပ်ကွက် ၃၂ ခုအဖြစ် ခွဲခြားခဲ့သည်။

ဗိသုကာလက်ရာ

လန်ဒန်မြို့၏ အဆောက်အအုံများမှာ ခေတ်ကာလ အလိုက် ဗိသုကာပုံစံ အမျိုးမျိုး ရှိသည်။ ခေတ်ဟောင်း လက်ရာများ ပါဝင်သကဲ့သို့ ခေတ်ပေါ် လက်ရာများလည်း တွေ့ရသည်။ ထင်ရှားသော ခေတ်သစ်လက်ရာ များတွင် ဘဲဥပုံသဏ္ဌာန် ရှိသော မြို့တော်ခန်းမနှင့် ဗြိတိသျှ စာကြည့်တိုက်များ ပါဝင်သည်။

လန်ဒန်မြို့ အလယ်ပိုင်းတွင် အကြီးမားဆုံးသော ပန်းခြံများမှာ ဟိုက်ပတ်နှင့် ကင်ဆင်တန် ဥယျာဉ်တို့ ဖြစ်ပြီး မြောက် ပိုင်းရှိ ရီးဂျင့် ပန်းခြံတို့လည်း ပါဝင်သည်။ ရီးဂျင့် ပန်းခြံတွင် ကမ္ဘာ့ သက်တမ်းအရင့်ဆုံး သိပ္ပံတိရစ္ဆာန် ဥယျာဉ်လည်း ပါဝင်ပြီး ၎င်းမှာ ကမ္ဘာလှည့် ခရီးသည် အများဆုံး လာရောက်သော မဒမ်တူးဆော့ ဖယောင်းပြတိုက် အနီးတွင် တည်ရှိသည်။ လန်ဒန် မြို့လယ်ပိုင်းနှင့် နီးစပ်သော ပန်းခြံများတွင် ဂရင်းပတ်ခ် နှင့် စိန့်ဂျိမ်းပတ်ခ်တို့ ပါဝင်သည်။

လူမျိုးစုများ

အင်္ဂလန် အမျိုးသား စာရင်းအင်းရုံးမှ ရရှိသော အချက်အလက်များ အရ ၂ဝ၁၁ ခုနှစ် သန်းခေါင် စာရင်းတွင် လန်ဒန်မြို့၌ နေထိုင်သူများ၏ ၅၉ ဒသမ ၈ ရာခိုင်နှုန်းမှာ လူဖြူများ ဖြစ်ပြီး ၂ဝ ဒသမ ၉ ရာခိုင်နှုန်းမှာ အာရှ တိုက်သားများနှင့် အာရှ ဇာတိဖွားများ ဖြစ်သည်။ အိန္ဒိယ လူမျိုးများမှာ ၆ ဒသမ ၆ ရာခိုင်နှုန်း ရှိပြီး ပါကစ္စတန်နှင့် ဘင်္ဂလားဒေ့ရှ် လူမျိုးများမှာ ၂ ဒသမ ၇ ရာခိုင်နှုန်းစီ ရှိသည်။ တရုတ်လူမျိုး ၁ ဒသမ ၅ ရာခိုင်နှုန်း ရှိပြီး အာရပ်လူမျိုး များမှာ ၁ ဒသမ ၃ ရာခိုင်နှုန်း ရှိသည်။ နောက်ထပ် ၄ ဒသမ ၉ ရာခိုင်နှုန်းမှာ အခြား အာရှတိုက်သားများ ဖြစ်သည်။ ၁၅ ဒသမ ၆ ရာခိုင်နှုန်းမှာ လူမည်းနှင့် လူမည်းဇာတိဖွားများ ဖြစ်ကြသည်။

ဘာသာရေး

၂ဝ၁၁ ခုနှစ် သန်းခေါင်စာရင်း အရ ခရစ်ယာန် ဘာသာဝင်များမှာ လန်ဒန်မြို့တွင် အများဆုံး ဖြစ်ပြီး ၄၈ ဒသမ ၄ ရာခိုင်နှုန်း ရှိသည်။ ၎င်းတို့နောက်တွင် ဘာသာမဲ့ ၂ဝ ဒသမ ၇ ရာခိုင်နှုန်း၊ မူဆလင် ၁၂ ဒသမ ၄ ရာခိုင်နှုန်း၊ ဟိန္ဒူ ၅ ရာခိုင်နှုန်း၊ ဂျူး ၁ ဒသမ ၈ ရာခိုင်နှုန်း၊ ဆစ် ၁ ဒသမ ၅ ရာခိုင်နှုန်းနှင့် ဗုဒ္ဓဘာသာ ၁ ရာခိုင်နှုန်းတို့ ရှိကြသည်။

လန်ဒန်မြို့တွင် ခရစ်ယာန် ဘုရားရှိခိုးကျောင်း များစွာတည်ရှိပြီး မူဆလင် ဗလီများ၊ ဆစ်ဘုရား ကျောင်းများ၊ ဟိန္ဒူ ဘုရားကျောင်းများလည်း ရှိသည်။

စီးပွားရေး

လန်ဒန်မြို့ အနေဖြင့် ယူနိုက်တက် ကင်းဒမ်း (GDP) ၏ ၂ဝ ရာခိုင်နှုန်းကို ရယူ စွမ်းဆောင်နိုင်သည်။ ထို့အပြင် ကမ္ဘာပေါ်ရှိ အချက်အချာ ကျသော ဘဏ္ဍာရေး ဗဟိုဌာနများ အနက် တစ်ခုဖြစ်ပြီး နယူးယောက် ကဲ့သို့ပင် နိုင်ငံတ ကာ ငွေကြေးလုပ်ငန်း အတွက် အရေးကြီးသော နေရာတစ်ခု ဖြစ်သည်။

လန်ဒန်မြို့ရှိ အကြီးဆုံး လုပ်ငန်းမှာ ငွေကြေးလုပ်ငန်း ဖြစ်ပြီး ယူကေ၏ ငွေကြေး ဈေးကွက်တွင် အဓိက ပါဝင်လျက် ရှိသည်။ လူပေါင်း ၃၂၅ဝဝဝ မှာ လန်ဒန်ရှိ ငွေကြေး လုပ်ငန်းများတွင် တာဝန်ထမ်းဆောင်လျက် ရှိကြသည်။ လန်ဒန်မြို့တွင် နိုင်ငံရပ်ခြားဘဏ် ၄၈ဝ ကျော် ရှိရာ ကမ္ဘာပေါ်ရှိ မည်သည့် မြို့ကြီးထက် မဆို ပို မိုများပြားသည်။ ၂ဝဝဝ ပြည့်နှစ် နောက်ပိုင်းတွင် ဘဏ္ဍာရေး အကျပ်အတည်းကြောင့် တစ်နှစ်အတွင်း၌ အလုပ်အကိုင် ၇ဝဝဝဝ ကျော် လျှော့ချ ခဲ့ရသည်။ လန်ဒန်မြို့တော်သည် အင်္ဂလန်ဘဏ်၊ လန်ဒန် စတော့အိတ်ချိန်းနှင့် Lloyd's of London အာမခံ ဈေးကွက်တို့၏ တည်နေရာလည်း ဖြစ်သည်။ လန်ဒန်မြို့တွင် အဓိက စီးပွားရေးရပ်ကွက် ငါးခုရှိရာ မြို့တော်ရပ်ကွက်၊ ဝက်စ်မင်စတာ၊ ကနေရီ၊ ကမ်ဒန်နှင့် လမ်းဘတ်တို့ ဖြစ်ကြသည်။

ခရီးသွားလုပ်ငန်း

လန်ဒန်မြို့သည် ခရီးသွားလုပ်ငန်း၏ ထင်ရှား ကျော်ကြားသော နေရာတစ်ခု ဖြစ်သည်။ လန်ဒန်မြို့သို့ နိုင်ငံ တကာ ခရီးသွားများ နှစ်စဉ် ၁၄ သန်းကျော် လာရောက်လျက် ရှိပြီး ဥရောပ၌ ခရီးသည် လာရောက် လည်ပတ်မှု အများဆုံး မြို့တော်လည်း ဖြစ်သည်။ လန်ဒန်မြို့တွင် အဓိက ကမ္ဘာလှည့် ခရီးသည်များ လာရောက် လည်ပတ်သည့် နေရာများမှာ ဗြိတိသျှပြတိုက်၊ အမျိုးသား အနုပညာ ပြခန်း၊ အမျိုးသား သမိုင်း ပြတိုက်၊ သိပ္ပံ ပြတိုက်၊ ဗစ်တိုးရီးယားနှင့် အဲလ်ဘတ် ပြတိုက်၊ မဒမ်တူးဆော့ ဖယောင်းပြတိုက်၊ အမျိုးသား ပင်လယ်ရေကြောင်း ပြတိုက်နှင့် လန်ဒန်မျှော်စင် တို့ ဖြစ်ကြသည်။ ။

ကျော်ဇင်ထွဋ်  - မြ၀တီ 10 June 2013 

Read More