အရှေ့တောင်အာရှတွင် အမြင့်ဆုံး ခါကာဘိုရာဇီတောင်

တည်နေရာ
ခါကာဘိုရာဇီတောင်သည် အရှေ့တောင်အာရှ နိုင်ငံ အားလုံးထဲ မှာ အမြင့်ဆုံး တောင် ထိပ်ပဲ ဖြစ်ပါတယ်။ ဒုတိယ အမြင့်ဆုံးဖြစ်တဲ့ အင်ဒိုနီးရှားက ပေပေါင်း ၁၄၅၀၀ ကျော်မြင့် တဲ့ နာဂပုလု (Naga Pulu) ထက် ပေပေါင်း ၃၀၀၀ ကျော် ပိုမြင့်ပါတယ်။ခါကာဘိုရာဇီတောင် သည် ဟိမ၀န္တာတောင် တန်းနှင့်
ဆက်စပ်နေပြီး ပင်လယ်ရေမျက်နှာပြင် အထက် ၅၈၈၁ မီတာ (၁၉၂၉၆ ပေ)မြင့်ပါသည်။
အချို့မှတ်တမ်း မူကွဲများတွင် ၁၉,၃၁၄ ပေ မြင့်သည်ဟု ဆိုကြပါသည်။ မြောက်လတ္တီတွဒ် ၂၈°၁၈' နှင့် အရှေ့လောင်ဂျီတွဒ် ၉၇°၃၂' ကြားတွင်ရှိသည်။ သည်တောင်ရှိရာ ဒေသ သည် တစ်နှစ်ပတ်လုံး ဆီးနှင်းများ အစဉ်ဖုံးလွှမ်းနေပါသည်။တိဗတ်နှင့် မြန်မာ နယ်စပ်လည်းဖြစ်ပါသည်။


အမည် ၏ အဓိပ္ပာယ်
ခါခါဘိုရာဇီ သည် တိဗတ်အမည်ဖြစ်ပြီး  ခါဆိုသည်မှာ နှင်းဖြစ်ပြီး ခါဘို မှာ အဖြူဟု သတ်မှတ်သည်။
ခါကာဘိုရာဇီ အမည်သည် ကချင်ပြည်နယ် ရ၀မ်လူမျိုးများ ၏ စကားဖြစ်ပြီး ခါကာပူ ဆိုသည်မှာ အသံ
ထွက်ခြင်း /ပြောခြင်း ၊ ရာဇီမှာ တောင်ကို ခေါ်သည်။အသံထွက်သောတောင် ဟု အဓိပ္ပာယ်ရသည်။
စတင်ရောက်ရှိသူများ
ခါကာဘိုရာဇီတောင် ကို ၁၉၂၃ တွင် အိန္ဒိယမြေတိုင်း အဖွဲ့ အလုပ်သဘောလာရင်း စတင်တွေ့ရှိခဲ့သည်
ဟု ဆိုကြသည်။ဒီတောင်ပေါ်သို့ ယနေ့အချိန်အထိ ဂျပန်နိုင်ငံသား တစ်ဦးသည် လမ်းပြ တိဗတ်လူမျိုး
မြန်မာနိုင်ငံသားတစ်ဦး၏ အကူအညီဖြင့် တတ်ရောက်နိုင်ခဲ့သည်။ မှတ်တမ်းအရ ထိုနှစ်ဦးသာ ဖတ်ဖူးပါသည်။ ၁၉၉၆ လောက်ဟုထင်ပါသည်။(ကျွန်တော်ဖတ်ဖူးသာ ကြာပြီဖြစ်သဖြင့် ခုနှစ်လွဲမှားလျှင်
ခွင့်လွှတ်ကြပါ)ယနေ့ခေတ် ၂၀၁၃ လောက်တွင် မြန်မာ တောင်တက်အသင်းမှ အဖွဲ့တစ်ဖွဲ့ တောင်ခြေ
အထိရောက်ခဲ့သည် ဟု ဂျာနယ်တစ်ခုတွင် ဖတ်လိုက်ရပါသည်။

ပေါက်ရောက်ရာအပင်များ
ဒီတောင်ရှိရာ ဒေသ တွင် အသက်ရှည်ဆေးဟု နာမည်ကြီးသော မချစ်ဥ များပေါက်ပါသည်။
ရေခဲတောင်ဒေသတွင် အမြင့်ပေ ၄၀၀၀ ၀န်းကျင်မှစ၍ အပင်ကြီးများ မပေါက်ရောက်နိုင်ပေ။ ကျူဝါးပင်များနှင့် တောင်ပေါ်မြက်ခင်းများ ပေါက်ရောက်လေသည်။ ကျူဝါး မြက်ဂေဟ စနစ်သည် ရေခဲလိုင်းကို သတ်မှတ်ပေးသည်။ ယင်းဂေဟစနစ် ကြောင့်လည်း ရေအရင်းအမြစ်ရှိနေသည်။ ကျူဝါးမြက်ဂေဟစနစ်နှင့် အတူ မီတာ ၃၀၀၀ တွင် ၀က်သစ်ချ၊ ထင်းရှူး၊ မေပယ်လ်နှင့် မိုးမခပင်များ ပေါက်ရောက်သေးသည်။ အပြန် အလှန်အကျိုးပြုနေသော ဂေဟစနစ် များပင်ဖြစ်သည်။

လူမျိုးများ

ဒီတောင်ရှိရာဒေသတွင်တိဘတ် ၊ ကချင် ၊ ထလု ၊ ထရုန် လူမျိုးများနေထိုင်ကြပါသည်။
ထရုန်လူမျိုးသည် မျိုးဆက်ပျောက်ကွယ် မတက် ဖြစ်နေသည်။

ယနေ့ အခြေအနေ

ယခု အခါတွင်တော့ သစ်ပင်သစ်တောများ ထုတ်ယူသုံးစွဲမှု၊ ရှားပါး အပင်များ၊ ရေခဲတောင်ဒေသတွင် ပေါက်ရောက် သည့်အပင်များအား ထုတ်ယူသုံးစွဲမှု များလာခြင်းက ဂေဟစနစ်ကို ပျက်စီး လာစေသည်။ ရေခဲလိုင်းများကို မြင့်တက်လာစေသည်။
  ယခုအခါ ခါကာဘိုဒေသနှင့် ဖုန်ကန်ရာဇီ တောင်ခြေဒေသတို့၌ ထင်း နှင့် အခြားအသုံးပြုမှု၊ စီးပွားဖြစ် ထုတ်ယူသုံးစွဲလာမှုတို့က ဂေဟစနစ် ကို ပျက်စီးလာစေခဲ့ပြီ။
ကျူဝါးမြက်ဂေဟစနစ်တွေ ပျက်စီးလာတဲ့အတွက် အခုဆိုအပူချိန်တွေ  မြင့်တက်လာသည်။  ရေခဲဖုံးဒေသ တွေမှာ ရေခဲတွေအချိန်စော အရည်ပျော်ကျလာသည်။  ရေခဲလိုင်းတွေက လည်း အမြင့်ပေ ၃၅၀၀ ကနေ ၄၀၀၀ လောက်အထိ မြင့်တက် သွားသည်။ အရင်တုန်းက ရေခဲလိုင်းကို အမြင့်ပေ ၇၀၀၀ လောက်မှာစပြီး တွေ့နိုင်ပေမယ့် လွန်ခဲ့တဲ့ လေး၊ ငါးနှစ်လောက်ကစပြီး ရေခဲလိုင်းတွေကို ပေ ၁၀၀၀၀ ကျော် လောက်မှာမှ စတွေ့ရပါတော့သည်။

(မှတ်ချက်။ ။ ဓာတ်ပုံနဲ့ အချက်အလက်တွေကို နေခရမ်းရဲ့ ဘလော့ဂ်ကနေ ပြန်လည် မျှဝေပါတယ်။)

Read More

ဆဒုံး (ခေါ်) လန်နခ ရေတံခွန်၊ ကချင်ပြည်နယ်

ဒီနေရာလေးကတော့ မြစ်ကြီးနားမြို့ ကိုအလည်ရောက်လာတဲ့ မိတ်ဆွေ များကို လည်ပတ်ဖို့ တစ်နေရာအဖြစ် တည်ရှိခဲ့ တာမကြာသေးပါဘူး။

တည်နေရာ

ဆဒုံးရေတံခွန် ဟာ ကချင်ပြည်နယ်ရဲ့  ကိုလိုနီခေတ်က နယ်ခြဲ့ များကို တော်လှန်ခဲ့ တဲ့  ဆဒုံးခံတပ်ဟောင်း တည်ရှိခဲ့ ရာ ဆဒုံးမြို့ နဲ့  မိုင်အနည်းငယ်မျှ ကွာဝေးတဲ့နေရာလေးမှာ တည်ရှိပါတယ်။ ဆဒုံး ရေတံခွန်ဟာ မြစ်ကြီးနားမှ ၀ိုင်းမော်၊ ၀ိုင်းမော်မှ ကန်ပိုက်တီ (တရုတ်နယ်စပ်)မြို့ သို့ ကုန်သွယ် ကူးသန်းရာ တရုတ် လုပ်သားများ လာရောက် ဖောက်လုပ်ထားတဲ့ လမ်းမကြီးဘေးမှာပဲ တည်ရှိ ပါတယ်။

လမ်းခရီး နှင့် အတွေ့ အကြုံ

မြစ်ကြီးနားမှ ဆဒုံးသို့ မိုင်(၄၀)ကျော် ကွာဝေးပါတယ်။  လမ်းခရီး ကောင်းပြီး တောတောင်များကို ဖောက်လုပ်ထားတဲ့  လမ်းမကြီး တစ်လျောက်ကလည်း

အကွေ့ အကောက်အတက်အဆင်းများနဲ့ စိတ်လှုပ်ရှားစရာတစ်ခုပါပဲ။ နေ့ စဉ် တရုတ်ပြည်နယ်စပ်တို့ ကုန်သွယ်ခရီးသွားလာသူများမပြတ်တာကြောင့်..ခရီးလမ်းစည်ကားပါတယ်။

ဆဒုံးရေတံခွန် ဟာ ယခင် မထင်မရှားတည်ရှိခဲ့ စဉ်က စားသောက်ဆိုင် နဲ့ ဓာတ်ဆီ အရောင်းဆိုင်များကျဲပါးပြီး..ထိုစဉ် က စားသောက်စရာများ၊ဓာတ်ဆီများကို မြစ်ကြီးနား(သို့ )၀ိုင်းမောမြို့ ဘက်ကနေ အပြည့် ထည့်ပြီး အပျော်ခရီး သွားလာခဲ့ ကြပါတယ်။

ယခုကတော့….ထိုနေရာကိုအပန်းဖြေနေရာတစ်ခုအဖြစ်တည်ရှိစေလိုသောကြောင့် …လန်နခဟု အမည်တွင်စေပြီး ဆိုင်ကယ်၊ ကားရပ်နားရန်နေရာ နှင့် စားသောက်ဆိုင်များ၊ ဓာတ်ဆီအရောင်းဆိုင်များဖြင့် စည်ကားနေပါတယ်။

ရေတံခွန်အသွင်အပြင်

တောင်မြင့်ပေါ်မှ သဘာဝအတိုင်းစီးဆင်းလာတဲ့ ၊ကျဆင်းလာတဲ့ ရေတံခွန်တစ်ခုဖြစ်ပါတယ်။ရေတံခွန်မှာ မတ်စောက်သောတောင်ပေါ်မှစီးကျလာပြီး(၈)ဆင့်မျှရှိသည်ဟုပြောဆိုကြသော်လည်း

တကယ်တမ်းရေတံခွန်မှာမတ်စောက်ခြင်း၊ကျောက်ဆောင်ပေါ်တွင်တည်ရှိသောကြောင့်အလွတ်တမ်း ဆင်းတက်ရန်အနည်းငယ်ခက်ခဲပါတယ်။တက်ရောက်သူများလည်းမတော်တဆမှုများရှိခဲ့သောကြောင့် တာဝန်ရှိသူများမှအသိပေးဆိုင်းဘုတ်များဖြင့်မတက်ကြရန်လည်းသတိပေးထားပါတယ်။ထိုကြောင့် လာရောက်သူအများစုမှာ…အဆင့်(၄)ဆင့်ထိသာတက်ရောက်ကြတာများပါတယ်။

တောင်ကြားပေါ်မှ ကျဆင်းလာသောရေဟာ ကြည်လင်အေးမြလျက်ရှိပါတယ်။လာရောက်အပန်းဖြေသူများရေဆော့ကစားတက်ကြပြီး အမှတ်တရ ဓာတ်ပုံရိုက်ကူးရန်အတွက်နေရာကောင်းတစ်ခုလည်းဖြစ်ပါတယ်။ ယခင် ရေတံခွန် သို့ အတက်အဆင်းနေရာများ၊ချောင်းသို့ ကူးရန်နေရာများမှာ အဆင်သင့်မရှိသော်လည်း၊ယခုအခါ လေလံဆွဲထားသော ကုမ္ပဏီမှ အဆင်းအတက်လမ်းများဖောက်လုပ်ခြင်း၊တံတားထိုးထားခြင်းကြောင့်

ရေတံခွန်သို့ သွားရောက်ရန်လွယ်ကူလာပါတယ်။တောတောင်အလှအပများ ကိုခံစားရင်းခရီးသွားလာခြင်းနှစ်ခြိုက်တက်သူများ၊ခရီးဆန်းဆန်းသွားလာတက်သူများအတွက်ဆဒုံးရေတံခွန် သို့ အလည်အပတ်ခရီးဟာအပန်းပြေစိတ်လန်းဆန်းစေမှာအသေအချာဖြစ်ပါတယ်။

ဆဒုံး(ခေါ်)လန်နခရေတံခွန်အနီး ၀ါးတံတားပေါ်တွင် Shayi Fashion အတွက်အဆိုတော် မော်ဒလ် ချမ်းချမ်းမှ အလှပြရိုက်ကူးထားတဲ့ ပုံဖြစ်ပါတယ်။

(မှတ်ချက်။ ။ ဒီဆောင်းပါးကို http://www.myitkyinaonline.com ကနေ ပြန်လည် ကူးယူ မျှဝေပါတယ်။

Posted on Nov 30, 2011 by TaZaung)

Read More

ACL ကားအငှား ကြော်ငြာ - 2013

Read More

အင်္ဂလန်က ဘရိုက်တန်ကမ်းခြေ (Brighton Beach in England)

အနောက်ကမ္ဘာရဲ့ နွေရာသီဖြစ်တဲ့ မေ၊ ဇွန်၊ ဇူလိုင်၊ သြဂုတ်လတွေမှာ အင်္ဂလန်မှာ ရှိတဲ့ သူတွေ၊ အထူးသဖြင့် မြို့တော် လန်ဒန်နဲ့ အနီးတ၀ိုက်က လူတွေကတော့ နီးနီးနားနား ဘရိုက်တန် ကမ်းခြေကို သွားလေ့ရှိပါတယ်။ လန်ဒန်မြို့ရဲ့တောင်ဘက် မိုင် ၅၀ လောက်အကွာမှာ ရှိပြီး ကျောက်စရစ်ခဲတွေ ပြည့်နှက်နေတဲ့ ကမ်းခြေလည်း ဖြစ်ပါတယ်။ ရေအတော်ကျချိန်ကျမှ သဲကိုမြင်ရပါတယ်။ အချိန်အများစုမှာတော့ ၀ါညိုညို ကျောက်စရစ်ခဲတွေပဲ တွေ့ရပါတယ်။ လန်ဒန်ကနေ ရထားနဲ့ သွားရင် တနာရီနဲ့ ၁၀ မိနစ်လောက်သွားရပါတယ်။ လန်ဒန်ကနေ ပင်မ ထွက်ခွာတဲ့ ဘူတာတွေကတော့ London Bridge၊ Blackfrairs နဲ့ Waterloo ဘူတာရုံတွေ ဖြစ်ပါတယ်။ ၀ါတာလူးက သွားရင် ရထားခ ၂၅ ပေါင် လောက်ပေးရပြီး တခြားဘူတာတွေမှာတော့ ၁၅ ပေါင်လောက်ရှိတတ်ပါတယ်။ နွေကာလမှာ  လေးယောက် ပေါင် ၂၀ ဆိုတဲ့ လျော့ဈေးတွေလည်း ရှိပါတယ်။ မနက်သွား ညနေစောင်းပြန် တရက်တာ ခရီးအဖြစ် သွားကြတာ များပါတယ်။ ကလေးတွေအတွက် Brighton Pier မှာ ကစားစရာတွေလည်း ရှိပါတယ်။ ရိုလာ ကိုစတာ၊ သရဲအိမ်၊ တိုက်ကား၊ ရေလွှာလျော ရိုလာကိုစတာ စတာတွေ ရှိပါတယ်။ 

ဘရိုက်တန်အကြောင်း ထပ်ပြီး ရေးပါဦးမယ်။ အတွေ့အကြုံလေးတွေ၊ ဆောင်ရန် ရှောင်ရန်လေးတွေ သိထားတာလေးတွေရှိရင်လည်း imyanmargo@gmail.com ကို ပေးပို့နိုင်သလို  အောက်က ကွန်မန့်မှာ ရေထားခဲ့နိုင်ပါတယ်။

နောက်ထပ် ဓာတ်ပုံများကို ကြည့်ချင်ရင် ဒီ Link ကို နှိပ်ပါ။ 

Read More

လန်ဒန်မြို့က ကာနီဗယ်ပွဲတော် (London Carnival 2011)

ကရေဘီယံကျွန်းစုတွေက ကျွန်းသားတွေ ရိုးရာ အ၀တ်အစားတွေ ၀တ်ပြီး ပျော်ပွဲ ရွင်ပွဲလုပ်ရာက စတင်ခဲ့တဲ့ ကာနီဗယ်ပွဲတော်ဟာ ကမ္ဘာ့မြို့ကြီးတချို့မှာလည်း ကျင်းပကြပါတယ်။ ဘရာဇီးက ပွဲတော်က အစည်ကားဆုံးဖြစ်ပြီး လန်ဒန်က ပွဲတော်ကလည်း ဥရောပမှာ အကြီးဆုံး ကာနီဗယ် ပွဲတော် ဖြစ်ပါတယ်။ နှစ်စဉ် သြဂုတ်လကုန်ပိုင်းမှာ ပြုလုပ်ပြီး ၂ ရက်တာ ပွဲတော်တွင်း လူ သန်းဂဏန်းလာရောက် ကြပါတယ်။ 

More photos here

Read More

ပါရီခရီး - ရှင်လေး ဘလော့ဂ်

ကျမတို့ နေတဲ့နေရာနဲ့ ပြင်သစ်က ကပ်နေပေမဲ့ ပါရီ ကို ကျမမရောက်ဖြစ်ခဲ့ပါဘူး။
ဒီနှစ်ခရစ်စမတ်အချိန်မှာ အလုပ်လည်းပိတ်တုန်း၊ဦးသောမတ်စ်လည်း ခရီးမထွက်
တဲ့အချိန်နဲ့ ကြုံတုန်း ငယ်ငယ်ကတည်းက စိတ်ကူးထဲရောက်နေတဲ့ ပါရီကိုသွားဖို့ 
စီစဉ်ဖြစ်ပါတယ်။

ကျမတို့  အိမ်ကနေ မိနစ်၂၀လောက်ကားမောင်းပြီး ပြင်သစ်နိုင်ငံက Mulhouse
မြို့ကနေ ပါရီကို ရထားနဲ့  ၃နာရီစီးရပါတယ်။ ခရီးသည်တစ်ယောက်နေမကောင်း
ဖြစ်တာနဲ့ လမ်းကဘူတာမှာ နာရီဝက်လောက်ရပ်ထားရလို့ ပါရီကို နာရီဝက်နောက်
ကျရောက်ပါတယ်။ရထားဆိုက်တဲ့ ဘူတာ  Gare de Lyon  ကနေ ကျတို့ တည်းမည့်
ဟိုတယ် ရှိတဲ့ Gare de l'Est ကို Metro စီးပြီးခရီးဆက်ခဲ့ပါတယ်။

ပထမဆုံးပါရီရဲ့ အတွေ့ အကြုံကတော့ မြေအောက်ရထားတွေက တစ်ခုနဲ့ တစ်ခု
ချိတ်ဆက်မိပြီး အဆင်ပြေတာကို တွေ့ ရတယ်။ ပြင်သစ်သူ ချောချောတွေ အစား
အာဖရိကန်တွေ အများကြီးတွေ့ ရတယ်။ ကျမတို့ တည်းတဲ့နေရာက အာဖရိကန်၊
အိန္ဒိယ ရပ်ကွက်တွေနဲ့ နီးတော့ သူတို့ ကို နေရာတိုင်းတွေ့ နေရတယ်။

ခဏနားပြီးတော့ ဦးသောမတ်စ်သွားချင်လှချီရဲ့ ဆိုတဲ့ အာရပ်-အာဖရိကန်ရပ်ကွက်
ရှိတဲ့Barbes-Rochechouart ကိုသွားကြပါတယ်။ ရထားပေါ်ကဆင်းတယ်ဆိုရင်ပဲ
ကျမတို့ ဥရောပကနေ အာဖရိကရောက်သွားသလိုခံစားလိုက်ရပါတယ်။
ဈေးဆိုင်တွေကလည်း ကျမတို့ တိုင်းပြည်ကဈေးဆိုင်တွေလိုပဲ။ လမ်းလည်မှာ
ဘန်းနဲ့ ထဲ့ရောင်းသူ၊ လမ်းမှာခင်းရောင်းသူလမ်းလျှောက်ပြီးရောင်းနေသူ၊
စုံလို့ ပဲ။ ကျမတို့ ရှိနေချိန်မှာပဲ မြန်မာပြည်မှာ စည်ပင်လာသလို ပြေးကြတာတွေ့ 
တော့ သြော် ပုလိပ် ၂ ယောက်လာနေတာကို....

ငါးတွေ၊ အသားတွေအများကြီးပဲ။ အမဲကလိစာတွေတွေ့ တော့ အမဲအူပြုပ်
စားချင်မိတယ်။ မီးဖိုချောင်တစ်ခုသာ ခဏငှားလို့ ရရင်...တွေးမိပါတယ်။
ငါးကြပ်တင်ထားတာတွေလည်းတွေ့ တယ်။ ကုန်ခြောက်ဆိုင်တွေမှာ
ငါးဆားနယ်တွေတွေ့ တော့ ၀ယ်ချင်ပေမဲ့ .... အနံတွေ ဟိုတယ်မှာ နံကုန်မှာ။
အာဖရိကကုန်ခြောက်ဆိုင် ပိုင်ရှင်က တရုတ်၊
ကျမတို့ လည်းဟိုငေးဒီမော့နဲ့  ပြန်လာခဲ့တယ်။ နေရာတနေရာရောက်တိုင်း
ဈေးတန်းအရင်သွားချင်တဲ့ကျမအတွက် အကောင်းဆုံးနေရာတစ်ခုပါ။

နောက်နေ့ ကျတော့ ပါရီမြို့ရဲ့ အဓိကနေရာတွေကိုသွားဖြစ်ပါတယ်။
မြို့တွင်းစီးလို့ ရတဲ့ရထားလက်မှတ်ကို ဂျာမနီမှာကတည်းက၀ယ်ထားလို့ 
လက်မှတ်အတွက်မစဉ်းစားရတော့ဘူး။ မြို့က ကြီးတော့ မြေအောက်ရထား
လိုင်းတွေ၊ ရထားလိုင်းတွေကလည်းအများကြီး၊ ကျမလည်း Marco polo
ခရီးလမ်းညွှန်စာအုပ် အားကိုးနဲ့  မြို့ ထဲထွက်ခဲ့ပါတယ်။ ပထမဆုံး သွားဖြစ်တဲ့နေရာ
ကတော့ Notre-Dame ကိုပါ။ပါရီမှာ ကျမအကြိုက်ဆုံးထဲက တစ်နေရာပါပဲ။
ကျမလည်းကျောင်းထဲခဏ၀င်ကြည့်ဖြစ်ပါတယ်။ Tourist တွေအများကြီးပေါ့။

အဲ့ဒီကမှတဆင့် ကျော်ကြားလှတဲ့ Eiffel Tour ကိုသွားပါတယ်။ အပေါ်ကိုတတ်
ဖို့ ဓါတ်လှေခါးဘက်မှာတန်းစီနေတဲ့လူတန်း ကိုရှောင်ရင်း အနောက်ဖက်က
ခြေချင် တတ်တဲ့နေရာက နေ အပေါ်ကိုတတ်ခဲ့ပါတယ်။ ဦးသောမတ်ကတော့
ခြေထောက်နာတာကြောင့် အနားက ကာဖီဆိုင်မှာထိုင်ပြီးကျမကိုစောင့်နေတယ်။
အပေါ်ရောက်တော့ ပါရီမြို့ ကြီးကို စီးမြင်ရလို့ မောလာတာ တန်သွားပါတယ်။
ညဖက်ဆိုမီးရောင်တွေနဲ့ ပိုလှမှာသေချာပါတယ်။

အဲ့ဒီကအပြန် Arc de Triomphe  နဲ့ Champs-Elysees ဘက်ကိုခရီးဆက်ခဲ့ပါတယ်။

Champs-Elysees ရောက်တော့ ဆိုင်တွေကိုငေးရင်းလမ်းလျှောက်မှန်းမသိတော့
အောင်ဖြစ်ရတယ်။ ဦးသောမတ်စ်က ဆက်မလျှောက်နိုင်တော့ဘူးဆိုမှပဲ....
အဲ့ဒီမှာပဲ သူက ဟိုတယ်ပြန်၊ကျမက ခရီးဆက်ရင်းလမ်းခွဲခဲ့တယ်။ ကျမလည်း
Louvre ပြတိုက်ကိုသွားခဲ့ပါတယ်။ 

အဲ့ဒီကတဆင့် တရုတ်တန်းကိုသွားဖြစ်ပါတယ်။ တရုတ်တန်းရောက်တော့လည်း
နေရာတိုင်းတရုတ်စာ၊တရုတ်စကားသံတွေကြားရတယ်။ ဘဲကင်၊အသားကင်၊
တရုတ်အစားအစာအစုံပါပဲ။ ကျမလည်း ဆိုင်တဆိုင်မှာ နေ့ လည်စာဝင်စားဖြစ်ပါတယ်။
တရုတ်ဆိုင်ကနေ လိုအပ်တဲ့ပစ္စ္စည်းနဲနဲဝယ်ခဲ့ပါတယ်။ အဲ့ဒီကမှ ဟိုတယ်ကို
ပြန်လာခဲ့တယ်။ ညနေစောင်းတော့ အနားက ကုလားဆိုင်မှာ ဒန်ပေါက်စားဖြစ်ပါတယ်။
မြန်မာပြည်လို ဆီမများပဲ နဲနဲစပ်ပါတယ်။

နောက်နေ့ မှာတော့ ပါရီမြန်မာဘုန်းကြီးကျောင်းကိုသွားကြပါတယ်။ ဆရာတော်က မနက်
၉နာရီလာခေါ်ပါတယ်။ ဘုန်းကြီးကျောင်းရောက်တော့ မြန်မာ ပြည်ပြန်ရောက်သလို
ခံစားရပါတယ်။ မနက်စာကိုတော့ ဘုန်းကြီးကျောင်းနားက ဂျပန် (တရုတ်)ဆိုင်မှာ
ဆရာတော်ကိုဆွမ်းကပ်ရင်းစားဖြစ်ပါတယ်။

ကျောင်းကအပြန် ကျမတယောက်ထဲ ဟိုတယ်ကသိပ်မဝေးတဲ့ Sacré-Cœur de Montmartre
ကိုသွားဖြစ်ခဲ့ပါတယ်။ အလွန်လှပြီး လူစည်တဲ့နေရာပါ။ အပေါ်ကနေ မြို့ကိုလှမ်းမြင်ရလို့ 
သဘောကျမိပါတယ်။

နောက်နေ့ မှာတော့ မြို့ ထဲဘက်နေရာတွေ သွားဖြစ်ပါတယ်။ ဈေးဆိုင်တွေ၊ အင်္ကျီဆိုင်တွေ၊
ဖိနပ်ဆိုင်တွေ.... ဂျာမနီထက်ဈေးကြီးပါတယ်။ ဂျာမနီက ထက်လည်းလှပါတယ်။
ကျမတော့ အင်္ကျီတစ်ထည်နဲ့ ဘောင်းဘီတစ်ထည်ပဲဝယ်ခဲ့ပါတယ်။

ပါရီခရီးက ကျမအတွက် စိတ်လှုပ်ရှားရတဲ့ ခရီးပါ။ ငယ်ငယ်က ပြင်သစ်စာအတူတူ
သင်ခဲ့ကြတဲ့ သူငယ်ချင်းတွေကို သတိရမိပါတယ်။၊ စာတွေထဲမှာ သင်ခဲ့၊ဖတ်ခဲ့ရတဲ့
အရာတွေ ကိုယ်တိုင်မြင်ရတော့  စိတ်လှုပ်ရှားရပါတယ်။ သူငယ်ချင်းတွေသာပါလာ
ရင်ဆိုပြီးမကြာခဏတွေးမိပါတယ်။
ပါရီက လူမျိုးစုံ၊ ကြည့်စရာစုံတဲ့နေရာပါ။ မြေအောက်ရထားလိုင်းတွေကိုလည်း
အဆင်ပြေအောင်လုပ်ထားလို့ သွားရတာအဆင်ပြေပါတယ်။ မြေအောက်ရထား
စီးရလွန်းတော့ နေရောင်နဲ့ သဘာဝလေကို တောင်းတလာမိတယ်။
ကိုယ့်ကိုကိုယ် မြေကြွက်တကောင်လိုထင်လာမိပါတယ်။

ဘာပဲဖြစ်ဖြစ် ပါရီခရီးက ကျမအတွက် အမှတ်တရဖြစ်နေမှာပါ။

(မှတ်ချက်။ ။ shinglay.blgospot.com ကနေ ပြန်လည် မျှဝေပါတယ်။ Posted Thursday, 27 December 2012)

Read More

ဗုဒ္ဓဂါယာ (သံဝေဇနိယလေးဌာန) နီပေါ - လုမ္ဗနီ - 11 Day Trip

အိန္ဒိယနိုင်ငံ ကာလကတ္တား ဗုဒ္ဓါဂါယာ (သံဝေဇနိယလေးဌာန) နီပေါနိုင်ငံလုမ္ဗနီ (10 Nights,11 Days Trip) ပထမနေ့ စုရပ်မင်္ဂလာဒုံလေဆိပ်သို့ Check In ၀င်ရပါမည်။ India Airline ဖြင့်ထွက်ခွာလာရာ ညနေပိုင်းတွင် ကာလကတ္တားမှ ဂါယာမြို့သို့ညအိပ်ကားဖြင့် ထွက်ခွာပါမည်။ ဒုတိယနေ့ နံနက်ဂါယာမြို့သို့ရောက်ရှိရာတည်းခိုဆောင်များတွင် နေရာချထားပြီးအနားယူကြပါမည်။ နံနက်စောစော (၉း၀၀)နာရီခန့်တွင် ဗောဓိပင်နှင့်ရွှေပလ္လင် ဒုက္ခစရိယာအား ဖူးမြော်ကြပါမည်။ ညနေပိုင်း ကိုယ်ပိုင်အချိန်ပေးပါမည်။ ဂါယာမြို့ရှိမဟာအောင်မြေဘုန်းတော်ကြီးကျောင်းတည်းခိုဆောင်တွင် ညအိပ်အနားယူမည်။ တတိယနေ့ နံနက်သုဇာတာဃနာနို့ဆွမ်းကပ်ရာနေရာနှင့်မင်းတုန်းမင်းဇရပ်၊ International ဗုဒ္ဓဘာသာ ဘုန်းကြီးကျောင်းများနှင့် ဂျပန်ကမာကူရဘုရားအားဖူးမြော်ကြပြီး နေ့လည်ပိုင်းတွင် ကိုယ်ပိုင်အချိန်ပေးပါမည်။ ဂါယာမြို့ရှိ မဟာအောင်မြေဘုန်းတော်ကြီးကျောင်းတည်းခိုဆောင်တွင် ညအိပ်အနားယူမည်။ စတုတ္ထနေ့ နံနက်ဂါယာမှဗာရာဏသီသို့ထွက်ခွာလာရာ မွန်းလွဲပိုင်းတွင် ရောက်ရှိပြီး ပဉ္စ၀ဂီငါးဦးအား တရားဦးဟောကြားတော်မူရာ မိဂဒါဝုန်တောနှင့်ဓမေခစေတီတော်အား ဖူးမြော်ကြပါမည်။ ဗာရာဏသီမြို့ရှိ မိဂဒါဝုန်မြန်မာဘုန်းကြီးကျောင်းတည်းခိုဆောင်တွင် ညအိပ်အနားယူမည်။ ပဉ္ဖမနေ့ နံနက်ချောက်ခန္ဒီစေတီတော်အား ဖူးမြော်ပြီးနောက်ဂင်္ဂါမြစ် Sightseeing အား သွားရောက်ကြည့်ရှုကြပြီး သာဝတ္ထိသို့ထွက်ခွာပါမည်။ ညနေပိုင်းတွင်ဇေတ၀န်ကျောင်းတော်ရာဟောင်းနှင့် အာနန္ဒာဗောဓိသာဝတ္ထြိမို့ ဟောင်းသို့ သွားရောက်ဖူးမြော်ကြပါမည်။ သာဝတ္ထိမြို့ရှိ မြန်မာဘုန်းကြီးကျောင်းတည်းခိုဆောင်တွင် ညအိပ်အနားယူမည်။ ဆဋ္ဌမနေ့ နံနက်သာဝတ္ထိမြို့မှဆက်လက်ထွက်ခွာလာရာ အိန္ဒိယနိုင်ငံ-နီပေါနှစ်နီုင်ငံ နယ်စပ်ထွက်ပေါက်မှတဆင့် လုမ္ဗနီသို့ထွက်ခွာပါမည်။ မြန်မာရွှေကျောင်းတော်ကြီးတည်းခိုဆောင်(လုမ္ဗနီ)တွင် ညအိပ်အနားယူမည်။ သတ္တမနေ့ နံနက်နယ်စပ်ထွက်ပေါက်မှတဆင့် အိန္ဒိယနိုင်ငံသို့ပြန်လည်ဝင်ရောက်ပြီး ကုသိန်ရုံသို့ ထွက်ခွာကြပါမည်။ မြတ်စွာဘုရားပရိနိဗာန်စံတော်မူသည့်ရုပ်ပွားတော်နှင့် တေဇောဓာတ်လောင်ကျွမ်းတော်မှုသည့် နေရာရှိ အင်္ဂါရစေတီတော်အား ဖူးမြော်ကြပါမည်။ ကုသိနာရုံမြန်မာဘုန်းကြီးကျောင်းတည်းခိုဆောင် (ကုသိနာရှံ)တွင် ညအိပ်အနားယူမည်။ အဋ္ဌမနေ့ နံနက်စောစောရာဇဂြိုလ်သို့ထွက်ခွာကြပါမည်။ ပတ္တနားမြို့ကိုဖြတ်ကျော်ပြီးလမ်းတွင် ဝေသာလီမြို့ဟောင်းသို့ ကြည့်ရှုလေ့လာကြပါမည်။ ရာဇဂြိုလ်မြို့ရှိရခိုင်ဘုန်းတောင်ကြီးကျောင်း တည်းခိုဆောင် တွင် ညအိပ်အနားယူမည်။ န၀မနေ့ နံနက်ဂိဇ္စုကုဋ်တောင်ဗိမိသာရအကျဉ်းထောင်၊ ဝေဘာရတောင်ရေပူစမ်း၊ နာလန္ဒာတက္ကသိုလ်နှင့် အခြားဖူးမြော်စရာများအား ဖူးမြော်ပြီး ညနေပိုင်းကာလကတ္တားမြို့သို့ ညအိပ်ကားဖြင့်ပြန်လည်ထွက်ခွာပါမည်။ ဒဿမနေ့ နံနက်စောစောကာလကတ္တားမြို့သို့ရောက်ရှိအနားယူကြပါမည်။ နေ့လည်ပိုင်းမှညပိုင်းအထိ Sience City ။ဧဒင်ဥယျာဉ်။ New Market နှင့်ကာလကတ္တားမြို့ပေါ် Shopping များသို့ လေ့လာကြည့်ရှုကြပါမည်။ ဗောဓိသုခဘုန်းတော်ကြီးကျောင်း တည်းခိုဆောင်(ကာလကတ္တား)တွင် ညအိပ်အနားယူမည်။ ဧကဒဿမနေ့ နံနက်ပိုင်းတွင် ကာလကတ္တားမှရန်ကုန်သို့ India Airline ဖြင့်ပြန်လည်ထွက်ခွာရာ မြန်မာစံတော်ချိန်နေ့လည်ပိုင်းတွင် ရန်ကုန်မြို့သို့ချောမောစွာ ပြန်လည်ရောက်ရှိမည်ဖြစ်ပါသည်။ ဈေးနှုန်းတယောက်လျှင် ၈၅၀,၀၀၀ ကျပ် ၀န်ဆောင်မှုတွင် ပါဝင်သောအရာများ ၁။လေယာဉ်လက်မှတ်(ရန်ကုန်-အိန္ဒိယနိုင်ငံ-ရန်ကုန်) ၂။ခရီးစဉ်တစ်လျှောက်ကားအကြိုအပို့ ၃။ခရီးစဉ်တွင်ပါဝင်သည့်အတိုင်းနံနက်စာ၊နေ့လည်စာနှင့်ညစာ ၄။အိန္ဒိယနိုင်ငံဝင်ခွင့်ဗီဇာနှင့်ဝန်ဆောင်မှုစရိတ် ၅။ခရီးစဉ်ဝင်ကြေးများ ၆။တည်းခိုစရိတ် ၇။မြန်မာစကားပြန်နှင့်ဧည့်လမ်းညွှန် ၀န်ဆောင်မှုတွင် မပါဝင်သောအရာများ ၁။ ဖော်ပြပါခရီးစဉ်တွင် မပါဝင်သောလည်ပတ်မှုများ ၂၊။ ရေသန့်ဘူးနှင့်အချိုရည်များ ၃။ လေယာဉ်အတွက် ၀န်ပိုသယ်ဆောင်စားရိတ် အခြားအလားတူခရီးစဉ်များ ၁၊ ဘန်ကောက် အယုဒ္ဒယ ပတ္တရား ၄ညအိပ် ၅ ရက်ခရီးစဉ် ၂။ စင်္ကာပူ၊ မလေးရှား(ကွာလာလမ်ပူ) ၆ညအိပ် ၇ ရက်ခရီးစဉ်

အသေးစိတ်သိလိုပါက ဆက်သွယ်ရန်

ဗွီဂါမြန်မာခရီးသွားလုပ်ငန်း ရန်ကုန်ဖုန်း ၃၈၈၅၇၀ ၊ ၃၇၄၇၉၉
အီးမေး ulonemu@vegatravelbangkok.com
ဝက်ဆိုက် http://www.vegatravelbangkok.com/myanmar
ဘန်ကောက်ဖုန်း +၆၆၂၂၅၅၈၃၉၃ ၊ +၆၆၂၂၅၅ ၈၃၉၄ 

--

(မှတ်ချက်။ ။Vega website တွင် ၂၀၁၃ အစပိုင်းထိ တင်ထားတဲ့ ကြော်ငြာ ဖြစ်ပါတယ်။ အချက်အလက် အပြောင်းအလဲ ရှိနိုင်ပါတယ်။)

Read More

ဒူဘိုင်း၊ စင်္ကာပူ၊ မလေးရှား၊ အင်ဒိုနီးရှား၊ ဘန်ကောက် 5 ရက်ခရီးများ - Gulf Travels

Read More

မန္တလေး-ဗုဒ္ဓဂါယာ တိုက်ရိုက်လေကြောင်း ပျံသန်းတော့မည်

မဇ္ဈိမသတင်းဌာန | အင်္ဂါနေ့၊ အောက်တိုဘာလ ၂၃ ရက် ၂၀၁၂ ခုနှစ် ၁၈ နာရီ ၁၆ မိနစ်

နယူးဒေလီ (မဇ္ဈိမ) ။         ။ မြန်မာနိုင်ငံမှ ဗုဒ္ဓဂါယာ ဘုရားဖူးများအတွက် ခရီးစဉ် ပိုမိုလွယ်ကူစေမည့် မန္တလေး-ဂါယာ လေကြောင်းပျံသန်းမှုကို မြန်မာ့လေကြောင်းလိုင်း MAI မှ နိုဝင်ဘာလတွင် စတင်ပျံသန်းတော့မည်ဟု သိရှိရသည်။

ယခင်က ဘုရားဖူးများအတွက် ကိုလ်ကတ္တား Kolkatta နှင့် ဂါယာ Gaya မြို့ ရန်ကုန်မြို့မှသာ တိုက်ရိုက်လေကြောင်း ရှိခဲ့ရာမှ ယခုတဖန် နိုဝင်ဘာလ ၁ ရက်နေ့မှ စတင်ကာ မန္တလေးမှ တိုက်ရိုက်ပျံသန်းတော့မည်ဖြစ်၍ မြန်မာပြည် အလယ်ပိုင်းနှင့် အထက်ပိုင်းများမှ ဘုရားဖူးများအတွက် ခရီးလမ်းကြောင်း ပိုမို တိုတောင်းကာ စရိတ်စကနှင့် အချိန်လည်း ပိုမိုသက်သာစေမည်ဟု သိရသည်။

“ရန်ကုန်-ဂါယာတော့ စက်တင်ဘာ ၂၄ ရက်နေ့က စဆွဲထားတယ်။ တပါတ်ကို သုံးရက်လောက်စီ ဆွဲတယ်။ Air India ရော၊ MAI ရော” ဟု ဗုဒ္ဓဂါယာ မြန်မာကျောင်းတိုက်မှ ဦးတေဇိဏ္ဏ က မိန့်ကြားသည်။

ဂါယာမြို့မှာ အိန္ဒိယနိုင်ငံ၊ ဘီဟား Bihar ပြည်နယ်တွင် ရှိပြီး ဗုဒ္ဓဘုရားရှင် သဗ္ဗညုတဉာဏ်တော် ရရှိရာ မဟာဗောဓိ
ညောင်ပင်၊ ပလ္လင်နှင့် စေတီတော်တို့ တည်ရှိရာဖြစ်၍ မဇ္ဈိမ ဒေသ ဘုရားဖူးများအနေနှင့် မရောက်မဖြစ်သည့် ဌာနတရပ် ဖြစ်သည်။

“ဘုရားဖူးရာသီက အောက်တိုဘာကနေ ဧပြီထိပေါ့။ ဘုရားဖူးက ဦးဇင်းတို့ ကျောင်းမှာတင်ကို တလတလ ငါးရာ
လောက် တည်းကြတာ ရှိတယ်။ ကျန်တဲ့ကျောင်းတွေမှာ တည်းကြတာတွေလည်း အများကြီးရှိတယ်။ နီးစပ်ရာ တည်းကြတယ်။ ဘုရားဖူး တဖွဲ့ကို လူက လေးငါးဆယ် ပါတယ်” ဟု ဦးတေဇိဏ္ဏ က မိန့်ကြားသည်။

မြန်မာဘုရားဖူးများမှာ ဂါယာမှ အခြားသော သံဝေဇနိယ လေးဌာန အပါအဝင် ဗုဒ္ဓဝင် နှင့် သာသနာတော်နေရာ များသို့ လှည့်လည်ဖူးမြော်လေ့ရှိကြသည်။

Read More

SST Tours ရဲ့ အလောင်းတော် ကဿပ ၂ ညအိပ် ၃ ရက် - ခရီးစဉ်

Monywa/Alaungdaw Kathapa

Extension from Mandalay 

Monywa (Alaungdaw Kathapa National Park) 3-Day/2-Night

Day 01: Mandalay - Monywa – Phowin Cave & Shwe Ba Cave - Monywa

Day 02: Monywa - Alaungdaw Kathapa National Park

Day 03: Alaungdaw Kathapa National Park - Monywa – Mandalay

This ASEAN heritage site is 616.84 sq mile in size with a well forested mountainous area and well known for its wealth of biological diversity. Also an ideal place for bird watchers and nature lovers!

Day 01: Mandalay - Monywa – Phowin Hill Cave & Shwe Ba Hill Cave

   Early morning approx. 7 a.m, pick-up from hotel and drive to Monywa (approx. 3 hrs drve). Arrival and proceed to visit a sandstone cave system of Po Win Hill - full of Buddhist statues wood carvings and murals dating to the 17^th  centuries. A covered stairway climbs a hill to the main cave shrine, but there are dozens of large and small caves in the area filled with old Buddha images. Then visit Shwe Ba Hill - features unique pavilions cut from the surrounding sandstone and filled with plain Buddha images. Evening back to Monywa and overnight at hotel.

Day 02: Monywa - Alaungdaw Kathapa National Park

  Early breakfast at hotel. Approx. 7 a.m, drive to Alaungdaw Kathapa. The journey involves approx. 17 miles of off-road plus elephant ride. Trekking in natural forests and visiting the historical famous Alaungdaw Kathapa Shrine. Overnight at Guest house. 

Day 03: Alaungdaw Kathapa National Park - Monywa – Mandalay

  Simple breakfast at guest house. Birding & wild expedation in the forest. In the afternoon, back to Monywa and proceed drive to Mandalay. Arrive back to hotel.

Read More

test

စရာ test

Read More

Tour Guides ဧည့်လမ်းညွှန်များ

(The Union of Myanmar Travel Association (UMTA) ခရီးသွား အသင်းမှာ ဖော်ပြထားတဲ့ စာရင်းသာ ဖြစ်ပါတယ်။ ၂၀၁၂ မေလက စာရင်း ဖြစ်ပါတယ်။) Address Phone Fax Email & Website Daw Tin Than Yu (German) No.25, Shwe Hninzee Road, Side Lane 3, Qr 5, Mayangone Tsp, Yangon, Myanmar. 663151, 650314, 095011871   dmkhine@mail4u.com.mm Daw Pyinsa Kalayar Ni Khine (German) No.25, Golden Rose Street, Green Valley, Mayangone Tsp, Yangon, Myanmar. 549919   kalya@yangon.net.mm Daw Khin Khet Khet Khaing (English) No.3, Ahlone Foresty Ward, Ahlone Tsp, Yangon, Myanmar. 50166     Daw Mar Mar Aye (Chinese, English, Spanish) No.7 (Ground Fl), 145 Street, Tarmway Tsp, Yangon, Myanmar. 297945, 297379, 293390     Daw Tin Nwe Aye (English, Japanese) No7, Top Floor(L), Hledan(1)st, Kamayut Tsp, Yangon, Myanmar. 722974   burmaplg@mptmail.net.mm U Yan Myo Aung (Guide) No.3, 4th Floor, Maupin Street, Sanchaung Township, Yangon, Myanmar. 536734, 095041634   pauksa@gmail.com Daw Hnin Thuzar (English) Rm-607, Yadana Condo, 1-B, 9th Mile, Mayangone Tsp, Yangon, Myanmar. 666849, 667470   htz24040@yangon.net.mm Daw Than Than  Htay No. 162-164, 8B, 51st Street, Pazundaung Tsp, Yangon, Myanmar. 095159013, 721410   c.thanthan@gmail.com lim@mail4u.com.mm DAW HNIN KHINE German/ English Bldg 352/9, Set Mu (1) Road, Yankin Township, Yangon, Myanmar. 559834 559834 hninkhinephyo2008@gmail.com DAW THANDA OO German Bldg 14, Room No.6, Pyinmapin Housing, Yebawhow Mingalardon Township, Yangon, Myanmar. 095143091 thandaoo.myint@gmail.com U MYO MIN ZAW English No.25, 5th Floor, Yadana Street, Kyaikkasan Quarter, Bahan Township, Yangon, Myanmar. 095035603 myomyanmarguide@gmail.com myomyanmarguide@yahoo.com U MYO NYUNT AUNG (English) E/Nga-19, Khattar Road, Shwe Laung Ward, Bagan, Myanmar. 061-65125, 09402501321   myonyunt123@gmail.com

Last Updated ( Friday, 11 May 2012 )

Read More